ነ ህገይ ታ ቶሁዋስ ፖኦ
1ባንታ ኦግያን ቦረይ ባይናይሳትነጎዳ ዎጋዳ ሄመተይሳት አንጀትዳይሳታ።2እያ ኪታ ናገይሳትነባንታ ኩመ ዎዛናንእያ ኮየይሳት አንጀትዳይሳታ።3ኤንቲ ባላ ኦድ ኤሮኮና፤ጎዳ ኦግያን ሄመቶሶና።4ነ ኪታ አማነትድ ናጋና መላ፥ኔኒ ኑና ኪታዳሳ።5ነ ዎጋ ናጋዳታ ኦገይ ምናና መላ ኮያይስ።6ነ ኪታ ኡባ አኬካዳ፥ታ ፖሎ ዬላትከ።7ነ ፅሎ ፕርዳ ታ ታማርዳ ዎደ፥ታ ነና ሱረ ዎዛናን ጋላታና።8ታ ነ ህግያ ናጋና፤ታና ፖሎ የጎፋ።9ያላጋይ ባ ኦግያ ዋትድ፥ጌሻተን ናጋናዉ ዳንዳኢ?ነ ቃላ ኪተትኮ ዳንዳኤስ።10ታ ኩመ ዎዛናን ነና ኮያስ፤ነ ኪታፐ ካረ ከዮናዳ ታና ናጋ።11ታኒ ነ ቦላ ናጋራ ኦና መላነ ቃላ ታ ዎዛናን ቆሳስ።12አቤት ጎዳዉ፥ ነ ጋላተታ፤ነ አዋጁዋ ታና ታማርሳ።13ነ ዶናፐ ከይያ ፕርዳ ኡባታኒ ታ እንፃርሳን ኦዳና።14ዱረተን ኡፋይተይሳፈ አዳ፥ታ ነ ህግያን ኡፋይታይስ።15ነ ዎጋታ ዛራ ዛራዳ ቆፓይስነ ኦግያ ሎይዳ አኬካይስ።16ታኒ ነ ህግያን ኡፋይታይስ፤ነ ቃላ ዶግከ።17ታኒ ደኦን ዳና መላነ ነ ቃላ ኪተታና መላታዉ ነ አይልያስ ሎኦባ ኦ።18ነ ህግያን ደእያ ማላልስያ ቱማተታ በአና መላ ታ አይፍያ ዶያ።19ታኒ ሀ ሳአን እማ፤ነ ኪታ ታፐ ገንፋ።20ታ ሸምፕያ ኡባ ዎደነ ፕርዳ ላሞታሸ ሀይቃሱ።21ኦቶረይሳታ፥ ባደትዳይሳታነ፥ነ ኪታፐ ካረ ከየይሳታ ነ ሴራሳ።22ታኒ ኔኒ ኦድዳይሳ ኦዳ ግሾ፥ኤንታ ጫሻነ ቦርያ ታ ቦላፈ ድጋ።23ሀር አቶሽን ሀላቃት ሺቅድ፥ታ ቦላ ማቀትኮካ፥ታኒ፥ ነ ኦሳንቾይ፥ነ አዋጁዋ ዛራ ዛራዳ ቆፓና።24ነ ማርካተይ ታና ኡፋይሴስ፤እ ታና ዞሬስ።25ታኒ ሀይቃና ሀናይስ፤ነ ግዳ ቃላዳ ታና አሻ።26ታኒ ታ ኦግያባ ነዉ ኦድን፥ነ ታና ስአዳሳ፤ህዛ ነ አዋጁዋ ታና ታማርሳ።27ነ ዎጋ ታና አኬክሳ፤ማላልስያ ኦሱዋታኒ ዛራ ዛራዳ ቆፓና።28አዛኖይ ዳርዳ ግሾ ታ ሸምፖይ ዳቡርስ፤ኔኒ ግዳ ቃላዳ ታና ምን።29ዎርዶ ኦገ ታፐ ሃሳ፤ነ ኬሀተን ነ ህግያ ታና ታማርሳ።30ታኒ ቱማ ኦገ ዶራስ፤ነ ፕርዳ ሀይዛስ።31አቤት ጎዳዉ፥ ታ ነ ህግያ ምንዳ ኦይካስ፤ህዛ ታና ዬላዮፓ!32ታ ዎዛና ላአ ከስዳ ግሾ፥ታኒ ነ ህግያ ኦግያን ዎፃይስ።33አቤት ጎዳዉ፥ነ አዋጁዋ ብርሸ ታና ታማርሳ፤ታኒ ዉርሰ ጋካናዉ እያ ናጋና።34ታኒ ነ ህግያ ናጋና መላነታ ኩመ ዎዛናፐ እያዉ ክተታና መላ፥ነ ታዉ አኬካ እማ።35ታኒ እያን ኡፋይትያ ግሾ፥ነ ኪታ ኦግያን ታና ካለ፤36ታ ዎዛና አሙዋኮ ግዶናሽን፥ነ ህግያኮ ታና ዛራ።37ፓናባ ፄሎና መላ፥ታ አይፈታ ተቃ፤ነ ኦግያን ታ ደኡዋ ኦራፅሳ።38ነዉ ያያና መላ፥ነ ገልዳ ቃላ፥ ታዉ ነ አይልያስ፥ ፖላ።39ታና ያሽያ ጫሻ ታፐ ድጋ፤ነ ፕርዳይ አይ መላ ሎኦ!40ታኒ ነ ዎጋ ናጋናዉ አሞታይስ፤ኔኒ ፅሎ ግድያ ግሾ፥ታ ደኡዋ ኦራፅሳ።41አቤት ጎዳዉ፥ ነ ሲቁዋ ታና በሳ፤ኔኒ ገልዳ ቃላዳ ታና አሻ።42ታኒ ነ ቃላን አማነትያ ግሾ፥ታና ጫየይሳታ ዛራናዉ ዳንዳአይስ።43ታኒ ነ ፕርዳ ኡፋይስ ኦዳ ግሾ፥ታ እንፃርሳፈ ቱማተ ቃላ ይሶፋ።44ታኒ መሪ መርናዉነ ህግያ ኪተታና።45ታኒ ነ ዎጋ ፖልያ ግሾ፥አሆን ሄመታና።46ታኒ ካዎታ ስንን ኤቃዳ፥ኔኒ ግዳባ ኦዳሸ ዬላትከ።47ታኒ ነ ኪታታ ዶሳይስ፥ኤንታን ኡፋይታይስ።48ታኒ ዶስያ ነ ኪታ ቦንቻይስ፤ነ አዋጁዋ ዛራ ዛራዳ ቆፓና።49ኔኒ ታዉ፥ ነ አይልያስ፥እምዳ ቃላ ቆፓ፤ነ ቃላን ታኒ ኡፋይስ ኦይስ።50ነ ቃላይ ታና ደኦን ዎስ፤እ መቶ ዎደ ታና ምንስ።51ኦቶራንቾት ታና ልከፈ አድ ጫዮሶና፤ሽን ታኒ ነ ህግያፈ ሸርእ ጊከ።52አቤት ጎዳዉ፥በንፐ ደእያ ነ ፕርዳ ታኒ ሀሳያይስ፤ሄሳን ታኒ ምነታይስ።53ኢታት ነ ህግያ ኪተቶናይሳ በእን፥ታና ይሎይ ዎስ።54ታኒ ደእያ አላጋ ቢታንነ አዋጆይ ታዉ የ ግድስ።55አቤት ጎዳዉ፥ታኒ ቃማ ነ ሱን ቆፓይስ፤ነ ህግያ ናጋይስ።56ታ ነ ዎጋ ናጋና፤እ ታዉ ኦሶ ግድስ።57አቤት ጎዳዉ፥ ታ ሳማይ ነና፤ታ ነ ህግያ ናጋናዉ ቃንፃስ።58ታ ኩመ ዎዛናን ነና ዎሳይስ፤ነ ገልዳ ቃላዳ ታዉ ቃታ።59ታኒ ታ ኦግያ አኬካ ፄላዳ፥ነ ህግያ ካላናዉ ስማስ።60ታኒ ነ ኪታ ናጋናዉ፥ኤሶታናፐ አትሽን፥ ጋምእከ።61ኢታት ታዉ ፅሄ የግኮካ፥ታኒ ነ ህግያ ዶግከ።62ነ ፅሎ ፕርዳ ግሾ፥ ነና ጋላታናዉ፥ታኒ ግድ ብላሄ ደንዳይስ።63ታኒ ነዉ ያየይሳታ ኡባስነነ ዎጋ ናገይሳታ ዳቦ።64አቤት ጎዳዉ፥ ሳእ ነ ሲቁዋን ኩምስ፤ነ አዋጁዋ ታና ታማርሳ።65አቤት ጎዳዉ፥ ነ ገልዳ ቃላዳታዉ ነ አይልያስ ኬሀባ ኦዳሳ።66ታኒ ነ ኪታታን አማነትያ ግሾ፥ሎኦ ፕርዳነ ኤራተ ታና ታማርሳ።67ታኒ ሴረታናፐ ካሰ ካረ ሄመታስ፤ሽን ሀእ ነ ቃላስ ኪተታይስ።68ኔኒ ኬሀ፤ ኔኒ ኬሀባ ኦሳ፤ነ አዋጁዋ ታና ታማርሳ።69ኦቶራንቾት ታ ሱን ዎርዶን ኢሶሶና፤ሽን ታ ነ ዎጋ ታ ኩመ ዎዛናን ናጋና።70ኤንታ ዎዛናይ ኩም ዶጭስ፤ሽን ታኒ ነ ህግያን ኡፋይታይስ።71ነ ህግያ ታማራና መላነ ታና ሴርዳይስ ታዉ ሎኦ ግድስ።72ዳሮ ዎርቃፈነ ብራፐ፥ነ ዶናፐ ከይያ ህገይ ታዉ አስ።73ታና ነ ኩሸይ መስ፤ ነ ኩሸይ ጊግስስ፤ነ ኪታ ታማራና መላ ታዉ አኬካ እማ።74ታኒ ነ ቃላን ኡፋይስ ኦዳ ግሾ፥ነና ቦንቸይሳት ታና በእድ ኡፋይቶ።75አቤት ጎዳዉ፥ ነ ፕርዳይ ፅሎ ግደይሳ ኤራስ፤ነ ታና ሴርዳይ አማነተን ግደይሳ ታ አኬካስ።76ታዉ ነ አይልያስ ግዳ ቃላዳ፥ነ ሲቆይ ታና ምን።77ነ ህገይ ታና ኡፋይስያ ግሾ፥ታኒ ደኦን ዳና መላ ታዉ ቃታ።78ኦቶራንቾት ታና ዎርዶን ሞትያ ግሾ ዬላቶ፤ታኒ ነ ዎጋ ዛራ ዛራዳ ቆፓይስ።79ነዉ ያየይሳትነነ ማርካተ ኤረይሳት ታኮ ዮ።80ታ ዬላቶና መላ፥ታ ዎዛናይ ነ ህግያን ቦረይ ባይናይሳ ግዶ።81ኔኒ ታና አሻና መላ፥ታኒ ናጋሸ ዳቡራስ፤ታኒ ነ ቃላን ኡፋይስ ኦይስ።82ኔኒ ግዳ ቃላይ ፖለትንበአናዉ ናግሽን ታ አይፈይ ተልጁምስ።“ነ ታና አዉደ ምንነ” ያጋስ።83ጩያን ካቀትዳ ኦጎሮዳ ጉንዳስ፤ግዶሽን ነ አዋጁዋ ባላቢከ።84ታኒ ነ አይለይ አዉደ ጋካናዉ ናጎ?ታና የደይሳታ ነ አዉደ ፕርዳኔ?85ነ ህግያ ናጎና ኦቶራንቾትታና ኦይካናዉ ኦላ ቦኮሶና።86ነ ኪታ ኡባይ አማንይሳታ፤ጋሶይ ባይና አሳይ ታና የደያ ግሾታና ማዳ።87ኤንቲ ታና ዎ ድግድ አግዶሶና፤ሽን ታ ነ ዎጋ አጋብከ።88ነ ሲቁዋን ታ ደኡዋ ናጋ፤ታ ነ ኪታ ናጋና።89አቤት ጎዳዉ፥ ነ ቃላይ መርናሳ፤እ ሳሎን ምንድ ደኤስ።90የለታፐ የለታ ጋካናዉ ነ አማነታሳ፤ነ ሀ ሳኣ ምንዳ ኤሳዳሳ፤ እካ ምንድ ደኤስ።91ኡባይ ነ አይለ ግድያ ግሾ፥ሀች ጋካናዉ ኡባይ ነ ኪታዳ ምንድ ደኤስ፤92ነ ህገይ ታና ኡፋይሶናባ ግድያኮ፥ታ ዋያን ታ ያናሽን።93ታኒ ነ ዎጋ ኩመ ዶግከ፤ኔኒ እያን ታና ደኦን ዎዳሳ።94ታኒ ነባ ግድያ ግሾ ታና አሻ፤ታኒ ነ ዎጋ ናጋናዉ ኮያይስ።95ኢታት ታና ይሳናዉ ዙግድ ናጎሶና፤ሽን ታኒ ኔና ቆፓይስ።96ፖሎ ጌተትዳባ ኡባስ ዛው ደኤይሳ ታ በአስ፤ሽን ፖሎ ግድዳ ህግያስ ዛው ባዋ።97ታኒ ነ ህግያ ዋናዳ ዶስያና!ኩመ ጋላስ ታኒ እያ ቆፓይስ።98ነ ኪታይ ኡባ ዎደ ታራ ደእያ ግሾ፥ታ ሞርከታፐ አድ ታና አኬካ ከሶሶና።99ታኒ ኔ ህግያ ቆፕያ ግሾ፥ታ አስታማረታፐ አዳ ጭንጫተ ታዉ ደኤስ።100ታኒ ነ ዎጋ ኪተትያ ግሾ፥ጭማታፐ አዳ አኬካይስ።101ታኒ ነ ቃላ ኪተታናዉ ኮይያ ግሾ፥ታ ቶሁዋ ኢታ ኦገ ኡባፈ ናጋስ።102ኔኒ ታና ታማርስዳ ግሾ፥ታ ነ ህግያፈ ጋፃ ከይከ።103ነ ቃላይ ዋንድ ማልእ!እልሎ ኤሳፈ አድ ማልኤስ።104ነ ዎጋፐ አኬካ ደማስ፤ሄሳ ግሾ፥ ጌላ ኦገ ኡባ እፃስ።105ነ ቃላይ ታ ቶሁዋስ ፆምፐ፥ታ ኦግያስ ፖኦ።106ነ ፅሎ ፕርዳዳ ዳናዉ፥ታ ጫቅዳ ጫቁዋ ምንና።107አቤት ጎዳዉ፥ ታ ዋየይ ዳሮ፤ነ ኡፋይሳ ቃላዳ ታና ደኦን ዎ።108አቤት ጎዳዉ፥ታ ጋላታ ያርሹዋ ኤካ፤ታና ነ ፕርዳ ታማርሳ።109ታ ሸምፖይ ኡባ ዎደ መቶን ደኤስ፤ሽን ታኒ ነ ህግያ ዶግከ።110ኢታት ታዉ ግተ የግዶሶና፤ሽን ታኒ ነ ዎጋፐ ካረ ከያብከ።111ነ ህገይ ታዉ መርና ሻሎ፤እ ታ ዎዛናስ ኡፋይስ እሜስ።112ታ ሀይቃና ጋካናዉነ አዋጁዋዳ ኦናዉ ቆፋ ቃቻስ።113ታኒ ናምኡ ቆፍ ደእያ አሳ እፃይስ፤ሽን ነ ህግያ ዶሳይስ።114ነ ታዉ ጎንዳለነ ቆሰታዳ አትያ በሰታኒ ነ ቃላን ኡፋይስ ኦይስ።115ታኒ ታ ፆሳ ኪታ ናጋና መላ፥ህንተኖ፥ ኢታ ኦያ ኡባይ ታፐ ሃክተ።116ታኒ ደኦን ዳና መላነ ኡፋይሳ ቃላዳ ታና ምን፤ታ ኡፋይሳ ምሶፓ።117ታ ሳሮ ዳና መላ ታና ዘምፕሳ፤ታ ኡባ ዎደ ነ አዋጁዋ ስአና።118ነ አዋጁዋፈ ሃከይሳታ ነ ኮያካ፤ኤንታ ጭሞይ ሀዳ።119ኢታታ ኡባ ነ ፕቶዳ ታይባሳ፤ሄሳ ግሾ፥ ታኒ ነ ኪታ ዶሳይስ።120ታ አሳተይ ያሻን ነዉ ኮኮሬስ፤ታ ነ ህግያ ዳሮ ያያይስ።121ታ ሱረነ ፅሎ ኦስ፤ታና ታ ሞርከታስ አዳ እሞፋ።122ታና ነ አይልያ ማዳናዉ ጫቃ፤ታና ኦቶራንቾት ኡንኤና መላ ኦፋ።123ነ ታና አሻና ጋዳ ታ ፄልሽን፥ነ ፅሎ ቃላ ታ ናግሽን፥ታ አይፈይ ተልጁምስ።124ታዉ ነ አይልያስ፥ ነ ሲቁዋዳ ኦ፤ነ ህግያ ታና ታማርሳ።125ታና ነ አይልያ ነ ሲቁዋ በሳ፤ነ ዎጋ ኤራና መላ ታዉ አኬካ እማ።126አቤት ጎዳዉ፥ አሳይ ነ ህግያ መንዳ ግሾ፥ነ ፕርዳና ዎደይ ሀእ ጋክስ።127ታኒ ነ ኪታ ዎርቃፈ አዳ ዶሳይስ፤ኤ፥ ዋላህ ባይና ዎርቃፈ አዳ ዶሳይስ።128ሄሳ ግሾ፥ ታ ነ ዎጋታ ኡባ ካላይስ፤ጌላ ኦገ ኡባ እፃስ።129ነ ዎጋ ኡባይ ማላልስያባ፤ሄሳ ግሾ፥ ታ እያ ኪተታይስ።130ነ ቃላ ብርሸይ ፖኦ እሜስ፤ጭንጫተ ፓጭዳይሳታስ አኬካ እሜስ።131ታኒ ነ ኪታ ሳሞታዳ፥ታ ዶና ዶያስ።132ሃ ታኮ ስማ፤ነና ዶሰይሳታስ ነ ኦይሳዳ ታዉ ቃታ።133ነ ኡፋይሳ ቃላዳ ታ ሄመ ሱርሳ፤ናጋር ታና ሃራና መላ ኦፋ።134ታ ነ ዎጋ ኪተታና መላታና ኡንኤይሳታ ኩሸፐ ዎዛ።135ነ አይልያ ታ ቦላ ነ ሶምኡዋ ፖእሳ፤ነ ህግያ ታማርሳ።136አሳይ ነ ህግያ መንዳ ግሾ፥ታ አፉይ ሃዳ ጎጌስ።137አቤት ጎዳዉ፥ ነ ፅሎ፤ነ ፕርዳይ ሱረ።138ነ ህገይ ፅሎ፤አይ ዎደካ አማነቴስ።139ታ ሞርከት ነ ቃላ ቶችዳ ግሾ፥ታ ምሻይ ታማዳ ኤፅድ ከይስ።140ነ ኡፋይሳ ቃላይ ዳሮ አማነቴስ፤ታ ነ አይለይ ዳሮ ዶሳይስ።141ታኒ ፓናነ ካትዳ አስ፤ግዶሽን ታ ነ ዎጋ ዶግከ።142ነ ፅሎተይ መርናዉ ደኤስ፤ነ ህገይ ቱማ።143መቶይነ ኡንእ ታና ጋክስ፤ሽን ነ ኪታት ታና ኡፋይሶሶና።144ነ ዎጋይ መርናዉ ፅሎ፤ታ ደኦን ዳና መላ ታዉ አኬካ እማ።145አቤት ጎዳዉ፥ ታ ኩመ ዎዛናፐኔኮ ዋሳስ፤ ታና አላ፤ታ ነ አዋጁዋ ናጋና።146ታ ኔኮ ዋሳስ፤ ታና አሻ፤ታ ነ ህግያ ናጋና።147ፃልቀይ ጫሮና ዎንታ ደንዳዳ፥ታና ማዳ ጋዳ ኔኮ ዋሳይስ፤ነ ገልዳ ቃላን ኡፋይስ ዎይስ።148ነ ቃላባ ዛራ ዛራ ቆፓናዉ፥ቃማ ኡታ አቃይስ።149አቤት ጎዳዉ፥ ነ ሲቁዋ ግሾ፥ ታና ስአ፤ነ ፅሎ ፕርዳዳ ታና ደኦን ዎ።150ታና የደያ ኢታት ታኮ ማቶሶና፤ሽን ኤንቲ ነ ህግያፈ ሃኮሶና።151ሽን አቤት ጎዳዉ፥ ነ ታዉ ማታን ደኣሳ፤ነ ኪታ ኡባይ ቱማ።152ታኒ በንፐ ዶማዳ፥ ነ ህግያ ታማራስ፤ነ እያ መርናዉ ምንዳ ኤሳዳሳ።153ታ ነ ህግያ ዶጎና ግሾ፥ታ መቱዋ በአዳ ታና አሻ፤154ታ ግሾ ሞተታዳ ታና ዎዛ፤ነ ኡፋይሳ ቃላዳ ታና ደኦን ዎ።155ነ ህግያ ኤንቲ ኤኮና ግሾ፥ኢታት አቶተ ደሞኮና።156አቤት ጎዳዉ፥ ነ ቃይ ዳሮ፤ነ ፅሎ ፕርዳዳ ታና ደኦን ዎ።157ታና እፀይሳትነ የደይሳት ዳሮ፤ሽን ታ ነ ህግያፈ ጋፃ ከይከ።158ኤንቲ ነ ኪታ ናጎና ግሾ፥ታ ነና ካደይሳታ በአዳ ሻተታስ።159አቤት ጎዳዉ፥ ታ ነ ዎጋ ዶሰይሳ በአ፤ነ ሲቁዋዳ ታና ደኦን ዎ።160ነ ቃላይ ቱማ፤ነ ፅሎ ፕርዳይ መርናዉ ደኤስ።161ሀላቃት ታና ጮ የደሶና፤ሽን ታ ዎዛናይ ነ ቃላ ያዬስ።162ዳሮባ ድእዳ አስ ኡፋይተይሳዳ፥ነ ኡፋይሳ ቃላን ታ ኡፋይታይስ።163ታኒ ዎርዶ እፃይስ፤ ሻተታይስ፤ሽን ነ ህግያ ዶሳይስ።164ነ ፅሎ ፕርዳ ግሾ፥ታ ነና ጋላስ ላፑን ቶሆ ጋላታይስ።165ነ ህግያ ዶሰይሳታስ ፖሎ ሳሮተ ደኤስ፤ኤንታ አይብካ በናዉ ዳንዳኤና።166አቤት ጎዳዉ፥ ታ ነ አቶተ ኡፋይሳን ናጋይስ፤ነ ኪታ ካላይስ።167ታኒ ነ ህግያ ናጋይስ፤ታ ኩመ ዎዛናፐ ዶሳይስ።168ታ ኦገ ኡባ ነ በእያ ግሾ፥ታኒ ነ ህግያነ ነ ዎጋ ናጋና፤169አቤት ጎዳዉ፥ ታ ዋሶይ ነ ስን ጋኮ፤ነ ኡፋይሳ ቃላዳ ታዉ አኬካ እማ።170ታ ዎሳይ ነ ስን ጋኮ፤ነ ኡፋይሳ ቃላዳ ታና አሻ።171ኔኒ ነ አዋጁዋ ታና ታማርስያ ግሾ፥ታ ዶናፐ ጋላት ፑልታና።172ነ ኪታ ኡባይ ፅሎ ግድያ ግሾ፥ታ እንፃርሳይ ነ ቃላባ የፃና።173ታኒ ነ ዎጋ ዶርዳ ግሾ፥ነ ኩሸይ ታና ማዳናዉ ጊግዳይሳ ግዶ።174አቤት ጎዳዉ፥ ነ አሻና መላ ታ ላሞታይስ፤ነ ህገይ ታና ኡፋይሴስ።175ታኒ ነና ጋላታና መላ፥ታና ደኦን ዎ፤ነ ፕርዳይ ታና ማዶ።176ታኒ ይዳ ዶርሳዳ ቶይላታስ፤ታና ነ አይልያ ኮያ፤ታ ነ ኪታ ዶግከ።