Ninge118gfk_tbl
1Tanga tahut tano Watong, kanong a bilai ie.No uno harmarsai i kis hathatika.2I tahut bia Israel na tange bia,“No uno harmarsai i kis hathatika.”3I tahut bia no huntunaan ta Aaron na tange bia,“No uno harmarsai i kis hathatika.”4I tahut bia diet ing diet burte no Watong diet na tange bia,“No uno harmarsai i kis hathatika.”5Ing a tamat na tinirih ga ubal iau, iau ga suah tupas no Watong,ma ga taram iau, gaam halangalanga iau.6No Watong ie ken tika ma iau. Iau pa ni burut.Asa ing i tale bia ira tunotuno diet na gil tagu?7No Watong ie ken tika ma iau. Aie no nugu ut na harharahut.Iau ni nanaas ma ra latlaat taar ta diet ing diet malentakuane iau.8Bia da barahit narakoman tano Watong, iakano i manga bilaitano magingin na so nurnuruan ta tiga tunotuno.9Bia da barahit narakoman tano Watong, iakano i manga bilaitano magingin na so nurnuruan ta ira tamat na lualua.10Ira matanaiabar ta ira kantri ing diet ga malentakuane iau, diet ga tur luhutane iau,iesen iau ga haliare diet ma no dadas tano Watong.11Diet ga tur luhutane iau ta ira katon bakut,iesen iau ga haliare diet ma no dadas tano Watong.12Diet ga hung luhutane iau hoing ra kamasoosar,iesen diet ga maat laah hoing ra marangina huro i la iaiaan gasien.Iau ga haliare diet ma no dadas tano Watong.13Di ga harubu dadas ma iau ma iau ga wara punuko,iesen no Watong ga harahut iau.14No Watong aie no nugu dadas ma no suruno no nugu ninge.I te hanuat no nugu Ut na Harhalon.15A kunup na gungunuama tika ma ra barangang kenam narako ta ira hala ta ira ut na takodas.No kata na limana no Watong i te gil ra dadas na gingilaan!16No Watong i te raun haut no kata na limana.No kata na limana no Watong i te gil ra dadas na gingilaan!17Iau pa ni maat, iesen bia iau ni lon,ma iau ni hinawas palai ta ing no Watong i te gil.18No Watong i te tar ra dadas na harpidanau tagu,iesen pai bale tar iau bia ni maat.19Papos tar tagu no matanangaas uta ira ut na takodas.Iau ni haan laka ma ni tanga tahut tano Watong.20Iakan no matanangaas tano Watong.Ira ut na takodas diet na laka kaia.21Iau ni tanga tahut taam, kanong u ga taram iau.U te hanuat nugu Ut na Harhalon.22No haat nong ira ut na pakila hala diet ga malok sei, kanong diet ga lik bia a linge bia ie,i nanaas taar bia aie balik um no dadas na burena tano hala bakut.23No Watong at ga gil hokaikenma i manga bilai saakit bia dahat na nas ie.24Katin no bung no Watong i te bul ie.Dahat na kup ma ra gungunuama tana.25Watong, mehet saring ugu bia nu halon mehet.Watong, mehet saring ugu bia nu harahut mehet waing het naga hatur kawase ira bilbilai.26A haraidaan na kis ta nong i hanuat wara gilgil haruatne ira sinisip gar tano Watong!Meram tano hala na lotu tano Watong mehet haidane muat.27No Watong, aie no God,ma i te murarang naliu ta dahat.Muat na hatahun no lukara ma ra katena daha ta ira lima muat,ma muat na haan tupas no alta.28Augu no nugu God, ma iau ni tanga tahut taam.Augu no nugu God, ma iau ni raun haut no hinsaam.29Tanga tahut tano Watong, kanong a bilai ie.No uno harmarsai i kis hathatika.