Read ዓይኑሞ ማፃኣፖ 116

ዓይኑሞ ማፃኣፖ116mdy_twf

ሃይቢፓ ዓቴ ዓሲ ፆኦሲም ጋላቴ ጋላታ

¹ታኣኮ ዒላቶንታ ሺኢጲፆዋ ዋይዜሢሮናንጊና ናንጋ ጎዳ ታ ናሽካኔ።²ዋዮ ፔኤሲ ዒ ታ ባንሢ ማሄሢሮታ ናንጎ ዎዶ ቢያይዳ ታ ዒዛ ባንሢ ዒላታንዳኔ።³ሃይቢ ፒራ ታና ዓርቄኔ፤ዱኡፖኮ ዒጊቺፃ ታና ሜታሴኔ፤ዖዪሢንታ ሜቶንታ ታና ባሼኔ።⁴ታኣኒ ናንጊና ናንጋ ጎዳ ሱንፆ ዔኤላዖ፦«ናንጊና ናንጋ ጎዳሢዮ! ታኣኮ ሼምፓሢኔ ዓውሳንዳጉዲ ታ ሺኢቃኔ» ጌዔኔ።

⁵ናንጊና ናንጋ ጎዳ ኮሺ፥ ሃሣ ፂሎኬ፤ኑ ፆኦዛሢ ሚጪንታያኬ።⁶ናንጊና ናንጋ ጎዳ ዒና ሼሌዔዞንሢ ካፓኔ፤ታኣኒ ሚርጌና ሜታዺ ዓኣንቴ ዒ ታና ዓውሴኔ።⁷ናንጊና ናንጋ ጎዳ ኮሺ ባኣዚ ኔኤም ማዼሢሮታ ሼምፔሌ! ኔኤኮ ሃውሾሢ ባንሢ ማዔ።

⁸ዒዚ ሼምፓሢ ታኣኮ ሃይቢፓዓኣፖዋ ታኣኮ ዓቢሢዳፓቶኮ ታኣኮ ዹቆይዳፓ ዓይሴኔ።⁹ዬያሮ ሼምፔና ዓኣ ዓሳ ናንጋ ቤዛናንጊና ናንጋ ጎዳ ኮራ ታ ናንጋንዳኔ።¹⁰«ኮሺ ታ ሜታዼኔ» ጌዔ ዎዶናታዖኔና ጉሙርቂፆ ታ ሃሺባኣሴ።¹¹ካራ ታኣም ባይቄ ዎዶና«ዓሲ ቢያ ሉኡዚኬ» ታ ጌዔኔ።

¹²ዒዚ ታኣም ማዼ ኮዦ ባኮሮ ቢያናንጊና ናንጋ ጎዳም ታ ዓይጎ ጪጋንዳይ?¹³ናንጊና ናንጋ ጎዳ ታና ዓውሴሢሮ ጋላታንዳኔ፤ዎይኖ ዑዦ ዒንጊሢ ማሂ ታ ዒዛም ሺኢሻንዳኔ።¹⁴ቡኬ ዴሮ ቢያሢ ቤርታ ኬስኪታ ናኣቤ ናኣቦ ኩንሣንዳኔ።

¹⁵ፆኦሲም ዱማዼ ዓሶኮ ሃይባናንጊና ናንጋ ጎዳ ቤርታ ቦንቺንቴያኬ።¹⁶ናንጊና ናንጋ ጎዳሢዮ! ታኣኒ ኔኤኮ ዓይላሢኬ፤ታ ኔ ዓይሌሎ ናኣዚ፥ ኔኤም ማዻሢኬ፤ታኣኮ ቱኡዛፓ ኔ ታና ቡሌኔ።¹⁷ታ ኔኤም ዒንጎ ባኣዚ ማሂ ጋላታ ሺኢሻኔ፤ሱንፆዋ ኔኤኮ ታ ዔኤላኔ።¹⁸ቡኬ ዴሮ ቢያሢ ቤርታናንጊና ናንጋ ጎዳም ታ ናኣቤ ናኣቦ ኩንሣንዳኔ።¹⁹ዬሩሳላሜ! ታኣኒ ኔ ጋራናንጊና ናንጋ ጎዳ ማኣሮኮ ዓሳ ቡካ ጶኦካዬያ ማዻንዳኔ።ናንጊና ናንጋ ጎዳም ጋላታ!

ዓይኑሞ ማፃኣፖ 116 / mdy_twf

ሃይቢፓ ዓቴ ዓሲ ፆኦሲም ጋላቴ ጋላታ

ዓይኑሞ ማፃኣፖ116mdy_twf