Mazimuriyaa116dwr_ltw

Hayk'k'uwaappe Atteedda Asaa Galataa

1I ta kooshshaanne ta watiwatuwaa siseedda diraw,taani Med'inaa Godaa siik'ay.2I bare haytsaa taakko yeggeedda diraw,taani pas'a de'eedda keenan ubbaan Aa s'eesana.3Hayk'k'uu p'iriyaadan taana oyk'k'anaw haneedda;moogettana hirggay taana iisseedda.Taana un"ay toleedda.4He wode taani, «Abeet Med'inaa Godaw, hadaraa!Taana ashsha» yaagaade Med'inaa Godaa suntsaa s'eesaad.
5Med'inaa Goday keekkanne s'iluwaa;nu S'oossay k'arettiyaawaa.6Med'inaa Goday ashikke wozanay de'iyaawantta naagee;taani metooteedda wode, I taana ashsheeda.7Ta shemppattee, simmi woppu ga;ayaw gooppe, Med'inaa Goday new keekeedda.
8Med'inaa Goday taana hayk'k'uwaappe,ta ayifiyaa afotsaappe,ta gediyaakka d'ubiyaappe ashsheedda.9Hewaa diraw, taani,pas'a de'iyaawanttu giddon,Med'inaa Godaa sintsan hamettay.10Taani, «Taana un"ay toleedda» giyaa wodekka,ta ammanuwaa aggabeyikke.11Taani dagamaade, «Asay ubbay wordduwaa» yaagaad.12I taw keekkeedda keekkatetsaa diraw,taani Med'inaa Godaw ay c'igganaw danddayayitaa?13Taani s'uu'aa woyniyaa eessaa galataw shiishshaade,I taana asho diraw,Med'inaa Godaa suntsaa s'eesana.14Aa asaa ubbaa sintsantaani k'anggiyaa Med'inaa Godaw gatsana.15Geeshshatuwaa hayk'k'uu Med'inaa Godaa sintsan,loytsi daroppe bonchchetteeddawaa.16Abeet Med'inaa Godaw, taani ne k'oomaa;ee, taani ne k'oomaa, ne k'oomati na'aa.Taana k'ashuwaappe neeni billaada.17Abeet Med'inaa Godaw,taani galataa yarshshuwaa new yarshshana;ne suntsaa s'eesana.18Asaa ubbaa sintsan,taani k'anggeteedda k'anggetsaa Med'inaa Godaw gatsana.19Hewaakka taani gatsanawe,Yerusaalamen de'iyaa Med'inaa Godaa golliyaa dabaabaanna.Med'inaa Godaa galatite!
expand_more
Search