ⵉⵥⴻⵀⵀⵉⴷⴻⵏ115rif_tti
1ⵡⴰⵔ ⵉⴵⵉ ⵉ ⵏⴻⵛⵛⵉⵏ, ⴰ ⵙⵉⴷⵉ, ⵡⴰⵔ ⵉⴵⵉ ⵉ ⵏⴻⵛⵛⵉⵏ, ⵎⴰⵖⴰⵔ ⵉ ⵢⵉⵙⴻⵎ ⵏⵏⴻⵛ ⴰⴷ ⵢⵉⵍⵉ ⵓⵄⵓⴵⵉ, ⴷⵉ ⵙⵙⵉⴱⴱⴻⵜ ⵏ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ ⵏⵏⴻⵛ.2ⵎⴰⵢⴻⵎⵎⵉ ⵖⴰ ⵇⵇⴰⵔⴻⵏ ⵍⴻⴳⵏⵓⵙ: ‘ⵎⴰⵏⵉ ⵉⴵⴰ ⵅⴻⵏⵏⵉ ⴰⵔⴻⴱⴱⵉ ⵏⵙⴻⵏ?’3ⴰⵔⴻⴱⴱⵉ ⵏⵏⴻⵖ ⴰⵇⴰ-ⵜ ⴷⴻⴳ ⵓⵊⴻⵏⵏⴰ, ⵉⴳⴳⴰ ⵎⴰⵔⵔⴰ ⵎⵉⵏ ⴷ ⴰⵙ ⵢⴰⵔⴹⴰⵏ.4ⵍⴻⵅⵢⴰⵍⴰⵜ ⵏⵙⴻⵏ ⵏ ⵍ’ⴰⵚⵏⴰⵎ ⴰⵇⴰ ⴰⵜⴻⵏⵜ ⵙ ⵏⵏⵓⵇⴰⵔⵜ ⴷ ⵡⵓⵔⴻⵖ, ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏ ⵉⵡⴷⴰⵏ.5ⵖⴰⵔⵙⴻⵏ ⴰⵇⴻⵎⵎⵓⵎ, ⵎⴰⵛⴰ ⵡⴰⵔ ⵙⵙⵉⵡⵉⵍⴻⵏⵜ, ⵖⴰⵔⵙⴻⵏⵜ ⵜⵉⵟⵟⴰⵡⵉⵏ, ⵎⴰⵛⴰ ⵡⴰⵔ ⵜⵜⵡⵉⵍⵉⵏⵜ,6ⵖⴰⵔⵙⴻⵏⵜ ⵉⵎⴻⵣⵣⵓⵖⴻⵏ, ⵎⴰⵛⴰ ⵡⴰⵔ ⵜⵜⴻⵙⵍⵉⵏⵜ, ⵖⴰⵔⵙⴻⵏⵜ ⵡⴰⵏⵣⴰⵔⴻⵏ, ⵎⴰⵛⴰ ⵡⴰⵔ ⵜⵜⵛⴻⵎⵎⵉⵏⵜ.7ⵉⴼⴰⵙⵙⴻⵏ ⵏⵙⴻⵏ ⵡⴰⵔ ⵣⴻⵎⵎⴰⵔⴻⵏ ⴰⴷ ⵛⴻⴱⴱⴰⵔⴻⵏ, ⵉⴹⴰⵔⴻⵏ ⵏⵙⴻⵏ ⵡⴰⵔ ⵣⴻⵎⵎⴰⵔⴻⵏ ⴰⴷ ⵓⵢⵓⵔⴻⵏ. ⵏⵉⵜⵏⵉ ⵡⴰⵔ ⵙⵙⵓⴼⴼⵓⵖⴻⵏ ⵍⵃⴻⵙⵙ ⵣⵉ ⵜⵎⵉⵊⵊⴰ ⵏⵙⴻⵏ.8ⴻⵊⵊ ⵉⵏⵏⵉ ⵜⴻⵏⵜ ⵉⴳⴳⵉⵏ ⴰⴷ ⴷⴰⵢⵙⴻⵏⵜ ⴰⵔⴻⵡⵙⴻⵏ, ⴽⵓⵍ ⵉⵊⵊ ⵣⴻⴳ ⵉⵏⵏⵉ ⵅⴰⵙⴻⵏⵜ ⵉⵜⵜⴻⵛⵍⴻⵏ.9ⵉⵙⵔⴰⵉⵍ, ⵜⵛⴻⵍ ⵅ ⵙⵉⴷⵉ. ⵏⴻⵜⵜⴰ ⴷ ⵜⵡⵉⵣⴰ ⵏⵙⴻⵏ ⴷ ⵜⴰⵙⴻⴷⴷⴰⵔⵜ ⵏⵙⴻⵏ ⵉ ⵓⵙⴻⵍⵇⵉ.10ⵜⴰⴷⴷⴰⵔⵜ ⵏ ⵀⴰⵔⵓⵏ, ⵜⵛⴻⵍ ⵅ ⵙⵉⴷⵉ. ⵏⴻⵜⵜⴰ ⴷ ⵜⵡⵉⵣⴰ ⵏⵙⴻⵏ ⴷ ⵜⴰⵙⴻⴷⴷⴰⵔⵜ ⵏⵙⴻⵏ ⵉ ⵓⵙⴻⵍⵇⵉ.11ⵎⴰⵔⵔⴰ ⴽⴻⵏⵏⵉⵡ ⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵙⵉⴷⵉ, ⵜⴻⵛⵍⴻⵎ ⵅ ⵙⵉⴷⵉ. ⵏⴻⵜⵜⴰ ⴷ ⵜⵡⵉⵣⴰ ⵏⵙⴻⵏ ⴷ ⵜⴰⵙⴻⴷⴷⴰⵔⵜ ⵏⵙⴻⵏ ⵉ ⵓⵙⴻⵍⵇⵉ.12ⵙⵉⴷⵉ ⵉⵄⵇⴻⵍ ⵅⴰⵏⴻⵖ, ⵏⴻⵜⵜⴰ ⴰⴷ ⵉⴱⴰⵔⴻⴽ. ⴰⴷ ⵉⴱⴰⵔⴻⴽ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⴰⴷ ⵉⴱⴰⵔⴻⴽ ⵜⴰⴷⴷⴰⵔⵜ ⵏ ⵀⴰⵔⵓⵏ.13ⵏⴻⵜⵜⴰ ⴰⴷ ⵉⴱⴰⵔⴻⴽ ⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵣⵉ ⵙⵉⴷⵉ, ⵉⵎⴻⵥⵢⴰⵏⴻⵏ ⵊⵎⵉⵄ ⴰⴽ-ⴷ ⵉⵎⴻⵇⵇⵔⴰⵏⴻⵏ.14ⵙⵉⴷⵉ ⴰⴷ ⴰⵡⴻⵎ ⵉⵙⵙⵎⴰⵔⵏⵉ ⵜⴰⵔⵡⴰ, ⵉ ⴽⴻⵏⵏⵉⵡ ⵓⵍⴰ ⵉ ⵉⵃⴻⵏⵊⵉⵔⴻⵏ ⵏⵡⴻⵎ.15ⴽⴻⵏⵏⵉⵡ ⵜᵉⵜⵜⵡⴰⴱⴰⵔⴽⴻⵎ ⵣⵉ ⵙⵉⴷⵉ, ⵡⴻⵏⵏⵉ ⵉⴳⴳⵉⵏ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ.16ⵉⵊⴻⵏⵡⴰⵏ, ⵡⴰⵀ, ⵉⵊⴻⵏⵡⴰⵏ ⵏ ⵙⵉⴷⵉ, ⵎⴰⵛⴰ ⵜⴰⵎⵎⵓⵔⵜ ⵉⵡⵛⴰ ⵉ-ⵜⵜ ⵉ ⵜⴰⵔⵡⴰ ⵏ ⴱⵏⴰⴷⴻⵎ.17ⵉⵎⴻⵜⵜⴰⵏ ⵡⴰⵔ ⵣⴻⵎⵎⴰⵔⴻⵏ ⴰⴷ ⵙⵙⴻⵎⵖⴰⵔⴻⵏ ⵙⵉⴷⵉ, ⵓⵍⴰ ⴷ ⵉⵏⵏⵉ ⴷⴷ-ⵉⵀⵡⴰⵏ ⴷⴻⴳ ⵓⵙⵓⵙⴻⵎ.18ⵏⴻⵛⵛⵉⵏ ⴰⴷ ⵏⴱⴰⵔⴻⴽ ⵙⵉⴷⵉ, ⵣⵉ ⵍⴻⵅⵅⵓ ⴰⵍ ⵉ ⵍⴻⴱⴷⴰ. ⵀⴰⵍⵍⵉⵍⵓ-ⵢⴰⵀ!