PESALEM
114
/
jae_png
share
Share
Wê Pasaŋa teŋ
1
Alleluja.
Gêdêŋ taŋ Israel gêdi aŋga Aiguptu,
gedeŋ taŋ Jakobnê gôlôac dêdi aŋga lau aweŋ jaba naŋ,
2
Juda kêtu Apômtaunê gamêŋ dabuŋ
ma Israel kêtu ênê gamêŋ gôliŋŋa.
3
Gwêc tau gêlic e kêtaiŋ su
ma bu Jordan gêlêc tau sa jakêkô.
4
Lôc sêboaŋ têtôm domba kapoac
ma gamêŋ ŋabau têtôm domba ŋalatu.
5
O gwec, asageŋ gêgôm aôm tec kôtaiŋ su.
O Jordan, asageŋ gêgôm aôm tec gôlêc taôm sa jakôkô.
6
O lôc, asageŋ gêgôm amac tec aboaŋ amboac domba kapoac.
O gamêŋ ŋabau, asageŋ gêgôm amac, tec aboaŋ amboac domba ŋalatu.
7
O nom, ôwiwic taôm gebe Apômtau gêmêŋ,
Jakobnê Anôtô mêŋgêmoa gêwiŋ aôm.
8
Ŋac tau gêjam poc ôkwi kêtu bu ŋatoŋ
ma poclô kêtu bumata, taŋ kêpulu kêpi gêmêŋ naŋ.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter