Nɨawari114hch_wb2
1Kepauka 'Ixaheri, Kakuwu xiɨyarimama,memayekɨ 'Ekipitu kwieyaritsie, hipame teɨteri wakie,2Kura Kakaɨyari tukieya kanayani,'Ixaheri kwieyari mɨra'aita patɨa.3Haramara 'ixaheritsixi waruxeiyaka huye kananuwewieni memanukɨnekɨ,metatsiere hatuxame Kurutani ka'uhanetɨ kanayani.4Hɨrite 'amɨtɨtɨ muxatsi 'ukitsi wahepaɨ mepɨte'utsunaxɨametatsiere yemurite 'etsimɨpepe.5¿Haramara, kemetiuyuri, titayari peranutayepierixɨ?¿'Ekɨta Kurutani, titayari perewake pe'uhanetɨ?6Xemeta hɨrite 'amɨtɨtɨ meta yemurite 'etsixemɨpepe,¿titayari muxatsi 'ukitsi wahepaɨ xete'utsunaxɨa?7Neuxei kwie, Yawé hɨxie keneuyɨyɨakani,Kakuwu Kakaɨyarieya hɨxie.8Mɨkɨ 'aitsie haa kananetɨani,meta tete mayetse'itsie haixa kananetɨaxɨani.