Kap
113
/
yut_wbt
Piŋkop da yo tagɨsi aŋ yomɨsak do kɨsɨk kɨsɨk aŋ
1
Yawe aŋkɨsini.
Oman amɨni ji Yawe aŋkɨsini.
Mani aŋkɨsini.
2
Dagok dagogɨ mɨni Yawe dakon man aŋkɨsini.
3
Gɨldat da wɨsak tetgɨn ae pɨgɨsak tetgɨn mɨŋat amɨn morap ekwaŋ kɨsi da Yawe aŋkɨsini.
4
Yawe uŋun mɨktɨmɨ mɨktɨmɨ man madepni tosok.
Tɨlɨmni uŋun kundu si yapmaŋek wagɨl tagɨsisi.
5
Yawe Piŋkopnin egɨsak, uŋun yombem kɨnda mɨni.
Uŋun kwensi kɨla amɨn madep yɨtyɨt tamonikon yɨkdak.
6
Uŋudon da mibɨlɨsigwan sɨŋtaŋek kundu gat mɨktɨm gat pɨndakdak.
7
Aŋek yoni mɨni amɨn sɨbɨt sɨbɨt tamokon ekwaŋ uŋun paŋpulugaŋek
8
iyɨ dakon mɨŋat amɨn kabɨni dakon kɨla amɨn gat yopban tagɨsi ekwaŋ.
9
Mɨŋat monjɨ suŋ ekwaŋ uŋun paŋpulugaŋban monjɨ morapmɨ paŋalaŋek kɨsɨk kɨsɨk madepsi aŋ.
Yawe aŋkɨsini.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter