Dagiti Salmo113ilo_ulb
1Idaydayawyo ni Yahweh. Idaydayawyo isuna, dakayo nga adipen ni Yahweh; idaydayawyo ti nagan ni Yahweh.2Madaydayaw koma ti nagan ni Yahweh, ita ken iti agnanayon.3Manipud iti pagsingsingisingan ti init agingga iti paglenlennekanna; rumbeng a maidaydayaw ti nagan ni Yahweh.4Katatan-okan ni Yahweh kadagiti amin a pagilian ket ringbawan ti dayagna dagiti tangatang.5Siasino ti kas kenni Yahweh a Diostayo, a nakatugaw idiay ngato,6a mangtantan-aw iti tangatang ken iti daga?7Iyaonna ti marigrigat manipud iti rugit ken ipangatona dagiti agkasapulan manipud iti bunton ti dapo8tapno patugawenna isuna kadagiti prinsipe, kadagiti prinsipe dagiti tattaona.9Ik-ikkanna iti pagtaengan ti lupes a babai a kasla narag-o nga ina dagiti ubbing. Idaydayawyo ni Yahweh.