IBA GANA
113
/
hui_png
share
Share
Wali agalime Anduane Homogohanda tihondo bayale biyagonaga turu henego ogo
1
Anduane Homogonaga mini yaraga holene nga.
Ibunaga biabe biahaga kamiru
tígua Anduane Homogonaga mini yaraga hadaba.
2
Ibunaga mini áyubi manibi yaraga haaboore holene nga.
3
Ni tagira ibiragohayagi howabi ni paliragohayagi howabi
wali agali bibahendeme Anduane Homogonaga mini yaraga holene nga.
4
Anduane Homogohanda hameigini tara tara dindi bibahendeni karu
handayaho howa haru haame haga kagoni.
Ibunaga wá holene hari daliga bolangua howa daligaorene daliga kagoni.
5
Mbirali Anduane Homogo inanaga Ngode Datagaliwabe ale mbira naheore.
Ibu daligaorene daligaha kagoni.
6
Ibu de handadali halu
hari daligabi dindibi handape haga kagoni.
7
Ibugua yagibano dindiha karu mo yaraga halu
wali agali maru burupale karu ti gendayu karia
mo heyu howa bayale helaga ka.
8
Ibugua wali agali urunibi mini lene helalu
ibunaga wali agali haguane karu baba mandagi helo helaga biaga ka.
9
Wali waneigini nataba hanaga bedaru biamogo buwa
ibugua wali urunibi turuore ho berelo waneigini dewaore miaga ka.
Anduane Homogonaga mini yaraga hama.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter