1Aleluya!Kyese na muntu yina ke zitisaka Yave,Yandi ke talaka kilengi na kusadila bantumunu ya Yave.2Bana ya yandi ke vwanda na lulendo na yinsi,bambandu ya bantu ya kusungama ke kuzwa lusakumunu.3Na kati ya yinzo ya yandi kele na bima mingi na bimvwama,kudedama ya yandi ke zingilaka bantangu nyonso.4Nsemo ke kyenzolaka kitombe samu na bantu ya kusungama,samu na muntu ya mbote, muntu yina ke talaka bampangi kyadi mpe kele ya kudedama.5Ya kele mbote ti muntu kuvwanda na kyadi ya bampangi, yandi kudefisa na bampangimpe yandi yidika mambu na mutindu ya kufwanakana.6Samu ti yandi ke kubwa ata fyoti ve,ba ke bambuka moyo na muntu ya kusungama bantangu nyonso.7Yandi kele ve na boma ya bansangu ya yimbi,ntima ya yandi kele ya kukwikama, kivuvu ya yandi kele na Yave.8Ntima ya yandi ke ninganaka ve, yandi kele ve na boma,yandi ke tala kubwa ya bambeni ya yandi.9Yandi ke kabulaka mingi na bamputu,yandi kele ya kudedama bantangu nyonso,ngolo ya yandi ke bwelamaka na nkembo nyonso.10Muntu ya ntima ya yimbi ke tala yandi mpe yandi ke vwanda na nkele,yandi ke kwetisa meno mpe yandi ke lemba,bansatu ya bantu ya yimbi ke salama ve.