Tamo kumbra bole yeqnub qaji naŋgi areboleboleinjreqnu
1Niŋgi Tamo Koba Qotei aqa ñam soqtoqniy! Niŋgi aqa sorgomq di sosib aqa dal anjam qa tulaŋ arearetŋgeme. Tamo a degyqas di a areboleboleiyqas.2Aqa aŋgro naŋgi ñoro koba ti ñam koba ti sqab. A tamo bole unu deqa Qotei na aqa moma kalil naŋgi tulaŋ boletnjrqas.3Aqa talq di iŋgi iŋgi koba sqas. Aqa kumbra bole tiŋtiŋ bati gaigai sqas.4Tamo di a kumbra bole tiŋtiŋ yeqnu. A are boleiyqajqa kumbra ti dulqajqa kumbra ti dauryeqnu. A degyeqnu deqa a gulbe osim sawa ambruq di sqas di uŋgum. Suwaŋ olo aqaq di brantqas.5A aqa iŋgi iŋgi saiaoqnsiq aqa segi qa marosaieqnu deqa a bole sqas. Tamo qudei naŋgi aqa silali yaiyosib olo bunuqna yqajqa minjqab di a naŋgi saidnjrqasai. A silali di naŋgi enjrqas. A kumbra tiŋtiŋ na aqa wau kalil yeqnu.6A tamo bole tiŋtiŋ unu deqa a siŋgila na tigelesqas. Deqa gulbe bei na a yala gotraŋyqa keresai. Tamo uŋgasari naŋgi aqa ñam qa are walnjrqasai. Naŋgi aqa ñam qa gaigai are qaloqnsib sqab.7Tamo di a gulbe bei bam deqa qusimqa are lawo sqas. A ulaqasai. Gulbe bati qa aqa are miligiq di a Tamo Koba Qotei qa aqa areqalo siŋgilatqas.8A gulbe kalil qa are koba qalosaieqnu. Qotei na aqa are miligi siŋgilateteqnu deqa a ulaosaieqnu. A qalie, a qoto buŋyosim aqa jeu tamo naŋgi padaltnjrqas.9A na aqa iŋgi iŋgi jeiyoqnsiq tamo uŋgasari sougetejunub qaji naŋgi enjreqnu. Aqa kumbra bole tiŋtiŋ di bati gaigai sqas. Tamo uŋgasari naŋgi aqa kumbra bole di unoqnsib aqa ñam soqteqnub. Deqa a ñam koba ti unu.10Ariya tamo uge naŋgi aqa kumbra bole di unoqnsib ŋiriŋoqnsib a qa are ugeinjreqnaqa qalagei anjam ateqnu. Bunuqna tamo uge naŋgi di torei padalqab. Iŋgi bole bole naŋgi oqajqa arearetnjreqnu qaji di naŋgi oqa keresaiinjrqas.