1Bajari dae sakai saore!Nunda natofo tafaroro ari totorugarera ainda jokada teredo,nanda janje joká isambuimi Bajari dae aiyakoe sarena.2Bajari da ari ava roera garigarigo ava ututeraira!Maveju maveju nu uju eraera, aimi nunda ari ovia kotise irágheraera.3Nunda ari rea ututeraira ava isambu bino ghaeri, kotofu da ari ava nembo eraira,nunda irari dambugo beká ava jo nanjigo tano ae arira.4Bajari da ari garigarigo eraira ava, kotoro dae eraira. Kavevera a joka ari kato, numori.5Evetu genembo mave nu kakara eraera, ainda uvu bayau nune muturaira. Nu nunda kotua gatari ava jo sifo nanjigo kote doyae arira.6Nunda fakina ava nunda natofo kena ijuguse, teana embo da enda ghabuda bambu nendae futusira.7Nu rea ari dae sisira ava, bekáda bekáda use irágheraira.Nunda natofo rea aoro dae sise, nenda fakina mavega ava, kote simbugedo sisira.8Namonde rea aoro dae sisira amo, nu ari dambugo use geka bekáda bekáda sisira.Kotugo geka sisira amo, evovodae irarira, tano tefori.9Nu nunda natofo vujegetiri, jebuga irera.Nemokena beka gajari rea usira ava, evovodae irarira, tano tefori.Kakarago, a fakina kato amo, numori!10Dubo kotari bari da emboro amo, Bajari kakara use nundae igheghi aresa.Evetu genembo mave nunda sari ava kaifa use, irágheraera aikena, nune kotari eveva muteari buraera.Evovodae numokena sakai sise irarera!