ዓይኑሞ ማፃኣፖ109mdy_twf
ዓይኑሞ ሱኡጋሢ ዓይሣ ጎይፆ ዓይናዺንታ ዳውቴ ዓይኑሞ
ሜቶይዳ ዓኣ ዓሲ ሺኢቃ ሺኢጲሢ
1ታ ኔና ጋላታ፥ ፆኦዛሢዮ!ሃዳራ ዚቲዮ ጌዒፖ።2ፑርቶ ዓሶና ጌሻ ዓሶና ታና ማኬኔ፤ታ ጊዳ ሉኡዙሞና ጌስታኔ።3ዔያታ ታና ዒፃ ዑኡሲና ማንጌኔ፤ታ ማዼ ባኣዚ ባኣንቴ ታና ዔያታ ዖሌኔ።4ታ ዔያቶ ናሽኬቴያ ዔያታ ታና ፑርታ ማሃኔ፤ታኣኒ ጋዓንቴ ዔያቶም ሺኢቄኔ።5ታ ዔያቶም ኮሺ ማዼሢሮ ፑርታታኣኒ ናሽኬሢሮ ዒፂ ታና ዔያታ ዒፄኔ።6ዒዛም ዎጋንዳያ ፑርታ ዓሲ ጌሤ፤ዓሲ ዒዛ ዎጌና ዓይሢሳንዳጉዲ ማዼ።7ዎጎና ጌስቶ ቤዛ ዻቢንቴያ ማዒ ዒ ጴዾንጎ፤ዒዚ ሺኢቃ ሺኢጲፃኣ ዒዛ ዎጋያ ማዖንጎ።8ናንጎ ዎዳ ዒዛኮ ቃሚቆንጎ፤ሱኡጋቶ ዒዛሲ ሜሌ ዔኮንጎ።9ናኣታ ዒዛኮ ዓዴ ባኣያ ማዒ ዓቶንጎ፤ማቻኣ ዜኤሪንዶ ማዖንጎ።10ናኣታ ዒዛሲ ካራ ባይዚ ሜታዾንጎ፤ሺኢቂ ሃንታያ ማዖንጎ፤ዔያቶኮ ሻሂንቴ ማኣራፓ ዳውሲንቲ ባይቆንጎ።11ዒዛ ባኮ ቢያ ጋሌ ዓኣ ዓሲ ዔኮንጎ፤ዒዚ ላቢ ዴንቄ ባኮ ፃንጎ ዓሲ ቡሮንጎ።12ዖኦኒያ ዒዛም ሚጪንቶፓ፤ዒዛኮ ዜኤሮ ናኣቶም ዓይጎ ዓሲያ ማሎፓ።13ዜርፃ ዒዛሲ ዱማዺ ባይቆንጎ፤ሱንፃ ዔያቶሲ ሙካ ሾይንቶ ባኣካፓ ዲርካቺንቶንጎ።14ዒዛኮ ዓዶንሢ ዻቢንቶናንጊና ናንጋ ጎዳ ዓርቃያ ማዖንጎ፤ዒንዶ ጎማኣ ባይቆፓ።15ሳዓፓ ዜርሢ ዔያቶኮ ባይዛኒጎማ ዔያቶሲ ናንጊና ናንጋ ጎዳ ቤርታዔርቴያ ማዒ ዴዖንጎ።16ዓይጎሮ ጌዔቴ ዒዚ ሜታዼ ዓሶንታ ማንቆ ዓሶንታሃሣ ዒና ሜቄ ዓሶዋሃይቃንዳያ ሄላንዳኣና ዳውሳንዳኣፓ ዓቴም ሚጪንቲባኣሴ።17ጋዳማ ዒዚ ናሽኬሢሮ ዒዛ ባንሢ ሙኬኔ፤ዓንጆ ናሽኪባኣሢሮ ዒዛፓ ሃኬኔ።18ጋዳማ ዓዳ ማኣዖጉዲ ዒ ማይንቴኔ፤ዬይ ዋኣሢጉዲ ዒዛኮ ዑፆ ጋሮዛይቴጉዲያ ዒዛኮ ሜጌፆና ዓኣዼኔ።19ዑፆ ዒዛኮ ዒ ዓኣቻ ማኣዓሢጉዲቢያ ዎዴ ዒ ቱኡታ ቃልሾጉዲ ዬይ ማዖንጎ።20ታና ፑርታ ማሃ ዓሶምታ ሼምፓሢዳ ፑርታ ጌስታዞንሢምናንጊና ናንጋ ጎዳ ጪጋንዳ ባካ ዬያ ማዖም።21ኔኤኒ ጋዓንቴ ናንጊና ናንጋ ጎዳሢዮ!ኔ ሱንፆሮ ጌዒ ኮሹሞና ታና ዛጌ፤ሚጪንቲፃ ኔኤኮ ዼኤፒታሢሮ ታና ዓውሴ።22ታኣኒ ማንቆ፥ ሜታዼ ዓሲኬ፤ጋሮ ዒና ታኣኮ ኪፃዼኔ፤23ዋኣንታኣ ዔኤዤጉዲ ታ ዛጋማፓ ሺሬኔ፤ታኣኒ ዓቢሢጉዲ ሃርፒንቴኔ።24ሙዖ ሃሺፆ ዳምቦና ዎልቃ ታኣኮ ላቤኔ፤ዑፃኣ ታኣኮ ዖኦፒ ዲቢንሢ ማዔኔ።25ታ ዔያቶኮ ሚኢቺ ማዔኔ፤ታና ዔያታ ዛጋዖ ቦሂ ቶኦኪ ዓጊሣኔ።26ናንጊና ናንጋ ጎዳ ማዔ ታ ፆኦዛሢዮ! ታና ማኣዴ፤ኔ ሚጪንቲፆና ታና ዓውሴ።27ናንጊና ናንጋ ጎዳሢዮ! ኔ ኩጮኬ ሃያይዴሢኔኤኒ ማዼያ ማዔሢ ዔያታ ዔሮንጎ።28ዔያታ ጋጋዳንቃኔ፥ ኔ ጋዓንቴ ዓንጃኔ፤ዔያታ ዔቃዖ ዻውሲንታኔ፤ኔኤኮ ዓይላሢ ጋዓንቴ ዎዛዻኔ።29ታና ፑርታ ማሃ ዓሳ ዻውሲንቶንጎ፤ቦርሲንቲና ዔያታ ቦኦሪ ዴዖንጎ።30ናንጊና ናንጋ ጎዳ ታ ዻንጎና ታኣኒ ጋላታኔ፤ሚርጌ ዓሶ ባኣካ ታ ዒዛ ሄርሻኔ።31ዓይጎሮ ጌዔቴ ዎዻኒ ዎጋ ዓሶይዳፓ ዓውሳኒዬያ ሜታዼ ዓሢኮ ሚዛቆ ዛላ ዒ ዔቃሢሮኬ።