Read ዬ ማጻፋ 109

ዬ ማጻፋ109gmv_etw

ዳዊቲ ዛማሬታ ካቦስ ዬጺዳ ማዛሙሬ

¹ኣቤት ታኒ ጋላቲዛ ጾሳዉ!ኔኒ ታስ ጮኡ ጎፓ።²ኢታቲኔ ዎርዳንቻቲ ባ ዶናታ ቦላ ዶይዳ፤ታ ቦላካ ዎርዶ ሃሳይዳ።³ኢስቲ ኢጾ ቃላራ ታና ጊዶዳ፤ጋሶይካ ባይንዳታና ኬሂ ቆሂዳ።⁴ታኒ ኢስታ ሲቂሺንኢስቲ ታና ሞቲዳ፤ጊዶ ኣቲን ታ ዎሳይስ።⁵ታኒ ሎኦ ኦንታስ ኢታ ዛሪዳ፤ታ ኢስታ ሲቂን ታና ኢጺዳ።

⁶ኢዛ ቦላ ኢታ ዳና ሹማ፤ኢዛ ሞቲዛይካኢዛ ኡሻቻን ኤቆ።⁷ፒርዳሶን ኢዚ ሞራንቻጊዲ ቤቶ፤ኢዛ ዎሳይካኢዛስ ሲሚዲ ጎሜቶ!⁸ኢዛ ላይ ቃሞ፤ኢዛ ሹሜቴካ ሃራይ ኤኮ!⁹ኢዛ ናይቲ ኣዋ ይዲ ዪኦቴቶ፤ኢዛ ማቼያካ ኣምኦ ጊዱ!¹⁰ኢዛ ናይቲ ዩዪ ዩዪዲ ዎሴቶ፤ሃኢ ባ ዲዛ ላሌቲዳኬፌካ ጎዴቴቶ!¹¹ኢዛ ኣቆታ ኡባ ኣጮ ኣዋይ ላቶ፤ኢዚ ዳቡርዲ ኬሲዳ ኡባኣላጋይ ቦንቆ!¹²ኦኒካ ኢዛ ማሮፖ፤ዎይኮ ዪኦ ጊዲዳ ናይታስቃቲዛይ ዶፖ!¹³ኢዛ ናይቲ ኡባይ ዬቶ፤ካሊዛ ዬሌታንኢዛ ሱን ዶጌቶ።¹⁴ኢዛ ኣዋታ ናጋራይጎዳ ሲንን ቆፌቶ፤ኢዛ ኣዬይ ናጋራይሙሌካ ቁጬቶፎ!¹⁵ኢስታ ናጋራይጎዳ ሲንን ኡባቶ ቤቶ፤ኢስታ ኣኬኪሲዛ ሚሺቢታ ቦላ ዶፖ።

¹⁶ጋሶይካ ኢዚ ማንቂዳዴ፥ሜቶቲዛዴኔዎዚናይ ማዱንጺዳዴሃይቃና ጋካናስጎዲዴስ ኣቲንኢዛ ማራናስ ቆፒቤና።¹⁷ኢዚ ቃንጋናስ ዶሲዛ ጊሻስኢዚ ቃንጌቶ!ኢዚ ኣንጃናስ ዶሶንታ ጊሻስኢዛፔ ሃኪዴስ!¹⁸ቃንጌ ማይኦ ማላ ማይኢዴስ፤ሃ ማላ ኢዛስ ቦላን ጌሊዴስ፤ዛይቴ ማላካሜቄ ጊዶ ጌሊዴስ።¹⁹ኣፋላ ማላ ኢዛ ካሞ፤ሳቄ ማላ ኡባ ዎዴኢዛ ጼሳን ዴኦ!²⁰ሃይሲ ታና ሞቲዛይታሲኔታ ቦላ ኢታ ሃሳይዛይታስጎዳይ ኢሚዛ ዎይቶ ጊዶ!

²¹ጊዶ ኣቲን ኣቤትኡባፌ ቃ ጎዳዉ!ኔ ሱን ጊሻስታና ሎኦ ኣይፌን ጼላ፤ኔ ሲቆይ ሎኦ ጊዲዳ ጊሻስታና ኣሻ።²²ታኒ ሂዬሳኔ ሜቶታንቻ ኣሳ፤ታ ዎዚናይ ማዱንጺዴስ።²³ታኒ ኦማርሳ ዎዴ ኩዋ ማላያና ሃናይስ፤ቦሌ ማላካ ቆቆፌታዲስ።²⁴ጾሚሺን ታ ጉልባቴይ ዳቡርዴስ፤ታ ኣሾይ ጊልቂዲሜቄ ኣቲዴስ።²⁵ታ ሞርኬታስ ታኒቂልጪዛ ሚሽ ጊዳዲስ፤ኢስቲ ታና ቤኢዲባ ቆ ቃቴስ።

²⁶ኣቤት ጎዳዉ ታ ጾሳዉ!ታና ማዳ፤ኔ ሜርና ሲቆ ማላታና ኣሻ።²⁷ኣቤት ጎዳዉ!ሃይሳ ኔ ኩሼይ ኦዳይሳኔኔኒ ፖሊዳይሳታ ሞርኬቲ ኤሬቶ።²⁸ኢስቲ ታና ቃንጌቴስ፤ኔኒ ጊዲኮ ታና ኣንጃሳ፤ታ ቦላ ዴንዲዛይቲ ዬላታና፤ጊዶ ኣቲን ታኒኔ ኣይሌይ ኡፋዬታና።²⁹ታና ሞቲዛይቲካዉሻቴ ማይኤቶ፤ባንታ ዬላካኩታ ማላ ቁማኤቶ።

³⁰ታኒ ታ ኢንጻርሳንጎዳ ኬሃ ጋላታና፤ዳሮ ዴሬይ ሺቂዳ ዱላታንኢዛ ሳባና።³¹ጋሶይካ ኢስታ ቦላ ሃይቆ ፒርዳፒርዲዛይታፔ ኣሻናስማንቆታፔ ኡሻቻ ባጋራኢዚ ኤቄስ።

ዬ ማጻፋ 109 / gmv_etw

ዳዊቲ ዛማሬታ ካቦስ ዬጺዳ ማዛሙሬ

ዬ ማጻፋ109gmv_etw