Onger Akaba108msy_pbt
Gumazim apaniba dɨkabɨnasa Godɨn azangsɨsi
Godɨn ziam fer ighiar kam, Devit an osiri.
1O God, kɨ uan navir averiamɨn aven nɨghnɨzir gavgavimra nɨn ikia,egha ua nɨghnɨzir igharaziba nan puvatɨ.Datɨrɨghɨn nan navim dɨkavtɨ,kɨ gitabav soghnɨn ziam famin ighiabar amuasa.2Amɨnim tiraghtɨ,kɨ daguim ategh dɨkavigh uan gita ko kulele mɨsogham.Kɨ dagh ikararangtɨ, dar ararer aghuim otivtɨaruem bigh anangam.3O Ikiavɨra Itir God, kɨ Kantrin Igharazibar Gumazamizibar tongɨn nɨ mɨnamam.Gumazamiziba bar moghɨra oraghtɨ,kɨ nɨn ziam fɨ ighiam bangam.4Kɨ fo, nɨ en apangkuvir arazim,a bar ekefe, egha overiamɨn ababanimɨn tu.Nɨ zurara amir arazir aghuir kabae da meng mangɨtɨ,da mangɨ overiamɨn ghuariabar suiragham.5O God, nɨ overiamɨn uan gavgavim akaghtɨ,nguazimɨn gumazamiziba ganigh fogh suam,nɨn gavgavim bar ekeveghame gafiragha pɨn iti.6Nɨ bar ifongezir darazi bar deravɨra ikiasa,nɨ uan agharir guvir gavgavimɨn en suiragh en akuragh.Nɨ nan azangsɨzim baragh!7God uan Dɨpenimra ikia ghaze,“Kɨ apaniba ko mɨsogha me abɨragha gɨfa.Kɨ datɨrɨghɨn Sekemɨn nguibamɨn nguazim ko Sukotɨn danganir zarim abɨgh,egh uan gumazamizibar anɨngam.8Guizbangɨra, Gileatɨn nguazim ko Manasen nguazim, aning nana.Ezɨ Efraimɨn nguazim a kon mɨdorozir dapanir asuamɨn mɨn iti.Ezɨ Judan nguazim, mati nan atrivir fidizim.9Moapɨn kantri, a nan itarir dɨpar kɨ ruemɨn mɨn iti.Idomɨn kantri, a nan danganir kɨ uan dagarir asuaba arɨzimɨn mɨn iti, egha nana.Ezɨ Filistiaba kɨ mɨdorozimɨn me abɨraghabar akuegha pamten dei.”10O God, tinara na inighegh nguibar gavgavim itir kamɨn aven mangam?Tina nan faragh mangɨtɨkɨ Idomɨn kantrin ekiamɨn aven mangam?11O God, nɨ akɨrim ragha e gasaras ti?Nɨ ti en mɨdorozir gumazibar akurvaghan aghua?12Gumazibar gavgavibar akurvazim, a pura bizim.Kamaghɨn amizɨ, nɨ en akuraghtɨe uan apaniba ko mɨsogham.13E fo, Godɨn akurvazimra,e uan apanibav sogh me abɨnigham.A uabɨ en apanibav soghme agɨvagham.