Nɨawari108hch_wb2
Kwikari. Rawiri nɨawarieya.
1Kakaɨyari, ne'iyari pɨheitserie,ne'iyari 'aixɨa pɨ'ane, nɨawari 'ahetsiemieme nepɨtikwika.2Xekenanutanenieri haripa meta xaweri.Hekwame tukari nekananutanieritɨamɨkɨ.3Yawé, nepɨmetsinɨawani hipame teɨteri watsata,'anɨawari neputikwikani hipame nuiwarite watsata.4'Anaki'eriyatsɨ kanimariweni muyuawi kana'iwani,muyuawitsie paitɨ kaniye'axeni 'aniuki yuri maine.5Neuxei Kakaɨyari, 'ekɨ muyuawi pekana'iwani,meta 'axawatɨriya naime kwie kananukanaka.6Ketaneuxɨna 'atɨrɨkariyakɨ, ketaneuta'eiya'ateɨterima pemɨwanaki'erie memɨtawikwenikɨ.7Kakaɨyari mɨpaɨ putayɨ yutukita:«Nerayu'iwakamekɨ Tsikeni nepɨtixitexɨani,meta mayeweri Tsukuti nepɨti'inɨata.8Karaha meta Manatsexi, nehetsɨa mekanimiemetɨni,'Epɨrahini kuya menaketsa kanihɨkɨtɨni nemu'utsie nunuwame, Kura meta ne'itsɨ kanihɨkɨtɨni.9Muhawi hetsie nekaniukamaimawani,'Erumi hetsie nekakai nekaneutaxɨrɨwani,Piritsiteu kwieyari hetsie nepetahiwa neyutemawietɨ».10¿Kemɨ'ane kiekari mukurarutɨarietsie pɨnetsi'anuwitɨni?¿Kemɨ'ane 'Erumi huyeyari pɨnetsixeiyatsitɨani?11'Ekɨ pekanihɨkɨtɨni, Kakaɨyari, kemɨ'ane pemɨtatsi'uku'eiri.Neuxei Kakaɨyari, takuyaxima pepɨkawaparewieri.12Ketaneuparewi mɨtatsi'aye'unie hepaɨtsita,tewi parewiyaya tixaɨtɨ pɨkatiyunaki'erie.13Kakaɨyari tatsiparewiekaku tepɨtehayu'iwa,mɨkɨ memɨtatsi'aye'unie pɨwatiketsini.