Zabuli107kdc_pbt

ZABULI YA 107

1Mshukuluni Mndewa Imulungu kwavija kanoga,unogelo wake hawishaga okala milele.2Wanhu wakomboligwe na Mndewa Imulungu walonge vivo,awo yawakombole mmagazo.3Kawating'haniza kulawa mziisi zose,kulawa mwambu wa kudilawila zuwa na kudihongela,kulawa kasikazini na kusini.
4Wakala tanga nzulule kuluwala,hawajone buga da kukala.5Wona nzala na ng'hilu,mizoyo yao isinduka.6Wamulilila Mndewa Imulungu mmagazo gao,kawakombola mmadununzo gao.7Kawalongoza kwa nzila igoloke,mbaka wavika kudibuga da kukala.8Avo, wamshukulu Mndewa Imulungu kwa unogelo wake hawishaga,na unzonza wake kwa iwanhu wose.9Heyo kodigwaa mazi zoyo dikona ng'hilu,na loho ikona nzala koigwaa ganogile.
10Wayagwe wakala kudiziza na vihame,wafungwa mmagazo na minyololo,11kwavija wailema mbuli ya Imulungu,wagabezeli magesa ga ayo yeli Uchanha Ng'hani.12Wadonha kwa sang'hano ngaga,wagwa hasi, kuduhu munhu wa kuwataza.13Wamulilila Mndewa Imulungu mmagazo gao,kawakombola mmadununzo gao.14Kawalava kudiziza na ukiwa,minyololo yao kaibena bena.15Avo, wamshukulu Mndewa Imulungu kwa unogelo wake hawishaga,na unzonza wake kwa iwanhu wose.16Kwavija kaibena milango ya shaba,kaibena mizuma.
17Wayagwe wakala wabozi mbuli ya nzambi zao,wagazwa kwa gehile gao,18ndiya ikala usungu kumwao,walonda kudanganika.19Avo mmagazo gao wamulilila Mndewa Imulungu,heyo kawakombola mmadununzo gao.20Koituma mbuli yake iwahonye,kowalava mwiiifa yao.21Avo, wamshukulu Mndewa Imulungu kwa unogelo wake hawishaga,na unzonza wake kwa iwanhu wose.22Wamulavile nhosa za kumshukulu,na wazilonge sang'hano zake kwa nyila za deng'ho.
23Wayagwe wakala mmwanza mbahali kwa meli,awo wasang'hane mmazi mengi.24Awo wazona sang'hano za Mndewa Imulungu,na unzonza wake mgamazi mengi.25Kalonga na kukuzumbi dilawila,ng'humbi ya bahali inuka uchanha.26Gakwela uchanha kuulanga,abaho hasi mvidibo,mizoyo yao ilumbuka kwa mbuli ayo.27Wachola wahembeluka kamba munhu yakoligwe,ubala wao wose upotela.28Wamulilila Mndewa Imulungu mmagazo gao,kawakombola mmadununzo gao.29Kaihoza ng'humbi nayo inyamala tuluu,mazi gasafuke ganyamala.30Avo wadeng'helela kwavija inyamala tuluu,kawagala mbaka kudiloko diwalondile.31Avo, wamshukulu Mndewa Imulungu kwa unogelo wake hawishaga,na unzonza wake kwa iwanhu wose.32Wamtogole hagati ha umting'hano wa iwanhu,wamgwee ukulu mkitala cha iwavele.
33Kavihindula vizanda viwa luwala,na mbwibwi za mazi zigalamuka isi inyalile.34Isi ya matunda mengi igalamuka isi ya mkele,kwa gehile ga awo okala mumo.35Kahindula luwala luwa lamba,isi inyalile iwa mazi gokilima.36Kaweka wene nzala kuko,na watenda buga da kukala.37Wahanda mbeyu mmigunda,na vivija mgunda uyagwe wahanda mizabibu,wasenga ndiya na matunda.38Kawatenda wamwede na kongezeka ng'hani,na fugo yao haihungule.
39Abaho iwanhu wa Imulungu wahunguka na kuhumuluswa,kwavija oneligwa na gehile na wanyunyuwala.40Kawabezeli iwakulu wawadununze,kawawegeza kuluwala hanhu haduhu nzila.41Lakini kawakombola iwanhu mmagazo gao,kawongeza ulelo wao kamba bumbila da ng'hondolo.42Wanhu wanogile viwachone kinhu acho wadeng'helela,lakini wanhu wehile wanyamala tuluu.
43Wanhu wene ubala wagalole gago,na waugelegeze unogelo hawishaga wa Mndewa Imulungu.
expand_more
Search