ⵉⵥⴻⵀⵀⵉⴷⴻⵏ106rif_tti
1ⵀⴰⵍⵍⵉⵍⵓ-ⵢⴰⵀ, ⵇⴰⴷⴰⵎ ⵙⵉⴷⵉ, ⵎⴰⵖⴰⵔ ⵏⴻⵜⵜⴰ ⵉⵚⴱⴻⵃ, ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵜᵉⵜⵜⵖⵉⵎⴰ ⵉ ⵍⴻⴱⴷⴰ.2ⵡⵉ ⵉⵣⴻⵎⵎⴰⵔⴻⵏ ⴰⴷ ⵉⵃⴰⵊⴰ ⵜⵉⵎⴻⴳⴳⴰ ⵜⵉⵎⴻⵇⵇⵔⴰⵏⵉⵏ ⵏ ⵙⵉⴷⵉ, ⴰⴷ ⵉⴱⴰⵔⵔⴻⵃ ⵎⴰⵔⵔⴰ ⵛⵛⴰⵏ ⵏⵏⴻⵙ?3ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵉⵃⴹⴰⵏ ⵍⵃⴻⵇⵇ, ⵙⵙⴻⵄⴷ ⵏⵏⴻⵙ ⵉ ⵡⴻⵏⵏⵉ ⵉⵜⵜⴻⴳⴳⴻⵏ ⵍⴻⴱⴷⴰ ⵜⴰⵙⴻⴳⴷⴰ.4ⵄⵇⴻⵍ ⵅⴰⴼⵉ, ⴰ ⵙⵉⴷⵉ, ⵙ ⴰⵔⴹⴰ ⵖⴰⵔ ⵍⴳⴻⵏⵙ ⵏⵏⴻⵛ, ⵄⴰⵀⴻⴷ ⴰⵢⵉ ⵙ ⵓⵙⴻⵏⵊⴻⵎ ⵏⵏⴻⵛ,5ⵎⴰⵃⴻⵏⴷ ⴰⴷ ⵥⴰⵔⴻⵖ ⵍⵅⴰⵔ ⵉ ⵢⵉⵏⵏⵉ ⵣⵣⴰⵢⴻⴽ ⵉⵜⵜⵡⴰⴼⴰⵔⵣⴻⵏ, ⵎⴰⵃⴻⵏⴷ ⴰⴷ ⴼⴰⵔⵃⴻⵖ ⵙ ⵍⴻⴼⵔⴰⵃⴻⵜ ⵏ ⵍⴳⴻⵏⵙ ⵏⵏⴻⵛ, ⵎⴰⵃⴻⵏⴷ ⴰⴷ ⴼⴰⵔⵃⴻⵖ ⵙ ⵢⵉⵅⴻⴼ ⵉⵏⵓ ⵊⵎⵉⵄ ⴰⴽ-ⴷ ⵜⴻⵙⵖⴰⵔⵜ ⵏⵏⴻⵛ.6ⵏⴻⵛⵛⵉⵏ ⵏⴻⵅⴹⴰ, ⵊⵎⵉⵄ ⴰⴽ-ⴷ ⵍⴻⵊⴷⵓⴷ ⵏⵏⴻⵖ, ⵏⴻⴳⴳⴰ ⵍⵖⴻⵛⵛ, ⵏⴻⴳⴳⴰ ⵜⵓⵄⴻⴼⴼⵏⴰ.7ⵍⴻⵊⴷⵓⴷ ⵏⵏⴻⵖ ⴷⵉ ⵎⵉⵚⵔⴰ ⵡⴰⵔ ⴼⵀⵉⵎⴻⵏ ⵉ ⵍⵎⵓⵄⵊⵉⵣⴰⵜ ⵏⵏⴻⵛ, ⵡⴰⵔ ⵅⴰⵔⵔⵚⴻⵏ ⴷⴻⴳ ⵓⴼⴻⵢⵢⴻⴹ ⵏ ⵜⵎⴻⴳⴳⴰ ⵏ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ, ⵎⴰⵛⴰ ⵖⴻⵡⵡⵖⴻⵏ ⵖⴰⵔ ⵍⴻⴱⵃⴰⵔ, ⵖⴰⵔ ⵍⴻⴱⵃⴰⵔ ⵏ ⵜⴻⵍⴳⴰ.8ⵎⴰⵛⴰ ⵏⴻⵜⵜⴰ ⵉⵙⵙⴻⵏⵊⴻⵎ ⵉ-ⵜⴻⵏ ⴷⵉ ⵟⵟⵡⴻⵄ ⵏ ⵢⵉⵙⴻⵎ ⵏⵏⴻⵙ, ⵃⵉⵎⴰ ⴰⴷ ⵜᵉⵜⵜⵡⴰⵙⵙⴻⵏ ⵍⴻⵎⵖⴰⵔⴻⵜ ⵏⵏⴻⵙ.9ⵏⴻⵜⵜⴰ ⵉⵡⴻⴱⴱⴻⵅ ⵍⴻⴱⵃⴰⵔ ⵏ ⵜⴻⵍⴳⴰ ⴰⵍⴰⵎⵉ ⵉⴷⵡⴻⵍ ⵢⵓⵥⴻⵖ, ⵓⵛⴰ ⵉⵊⵊⴰ ⵉ-ⵜⴻⵏ ⴰⴷ ⴽⴽⴻⵏ ⵅ ⵡⵓⴷⴻⵎ ⵏ ⵜⴻⵎⵎⵓⵔⵜ ⵊⴰⵔ ⵡⴰⵎⴰⵏ ⵉⵀⴻⵡⵍⴻⵏ ⴰⵅⵎⵉ ⴷⵉ ⵍⴻⵅⵍⴰ.10ⵏⴻⵜⵜⴰ ⵉⴼⴻⴽⴽ ⵉ-ⵜⴻⵏ ⵣⴻⴳ ⵓⴼⵓⵙ ⵏ ⵢⵉⵏⵏⵉ ⵉ-ⵜⴻⵏ ⵉⵛⴰⵔⵔⵀⴻⵏ, ⵉⴼⴻⴽⴽ ⵉ-ⵜⴻⵏ ⵣⴻⴳ ⵓⴼⵓⵙ ⵏ ⵍⴻⵄⴷⵓ.11ⴰⵎⴰⵏ ⴷⵍⵉⵏ ⵉⵏⵏⵉ ⵜⴻⵏ ⵉⵃⴻⵚⵚⴰⵔⴻⵏ, ⵡⴰⵔ ⵉⵇⵇⵉⵎ ⵓⵍⴰ ⴷ ⵉⵊⵊⴻⵏ ⵣⵣⴰⵢⵙⴻⵏ.12ⵏⵉⵜⵏⵉ ⵜⵜⴻⵛⵍⴻⵏ ⵅ ⵡⴰⵡⴰⵍⴻⵏ ⵏⵏⴻⵙ, ⵚⴻⴱⴱⵃⴻⵏ ⴰⵙ ⵙ ⵢⵉⵊⵊ ⵏ ⵢⴻⵣⵍⵉ ⵏ ⵓⵚⴻⴱⴱⴻⵃ.13ⵎⴰⵛⴰ ⵜⵜⵓⵏ ⴷⴻⵖⵢⴰ ⵜⵉⵎⴻⴳⴳⴰ ⵏⵏⴻⵙ, ⵡⴰⵔ ⵅⵙⴻⵏ ⴰⴷ ⵔⴰⵊⴰⵏ ⵄⴰⴷ ⵛⵛⵡⴰⵔ ⵏⵏⴻⵙ.14ⵏⵉⵜⵏⵉ ⴷⴻⵡⵍⴻⵏ ⵜⵜⵎⴻⵖⵖⵍⴻⵏ ⴰⵟⵟⴰⵙ ⴷⵉ ⵍⴻⵅⵍⴰ, ⵇⴻⴵⴱⴻⵏ ⴰⵔⴻⴱⴱⵉ ⴷⵉ ⵜⵏⴻⵣⵔⵓⴼⵜ.15ⵅⴻⵏⵏⵉ ⵉⵡⵛⴰ ⴰⵙⴻⵏ ⵎⵉⵏ ⵜⵜⴰⵔⴻⵏ, ⵎⴰⵛⴰ ⵉⵙⵙⴻⵎⵥⵉ ⵍⵇⴻⴷⴷ ⵏ ⵍⴻⵄⵎⵓⵔ ⵏⵙⴻⵏ.16ⵏⵉⵜⵏⵉ ⴷⴻⵡⵍⴻⵏ ⵓⵙⵎⴻⵏ ⵣⵉ ⵎⵓⵙⴰ ⴷⵉ ⵍⵎⴰⵔⴳⴻⵃ ⵏ ⵍⵄⴻⵙⴽⴰⵔ, ⵓⵍⴰ ⵣⵉ ⵀⴰⵔⵓⵏ, ⴰⵎⵇⴻⴷⴷⴻⵙ ⵏ ⵙⵉⴷⵉ.17ⵜⴰⵎⵎⵓⵔⵜ ⵜⴻⵏⵏⵓⵔⵣⴻⵎ, ⵜⵚⴰⵔⴹ ⴷⴰⵜⴰⵏ, ⵓⵛⴰ ⵜⴻⵏⵜⵉⵢ ⴰⴱⴰⵔⵔⵓ ⵏ ⴰⴱⵉⵔⴰⵎ.18ⵜⵉⵎⴻⵙⵙⵉ ⵜⴻⴱⴷⴰ ⵜⴻⵛⵎⴻⴹ ⵊⴰⵔ ⵓⴱⴰⵔⵔⵓ ⵏⵙⴻⵏ, ⵉⵊⵊ ⵏ ⵓⵛⴻⵄⵄⴰⵍ ⵏ ⵜⵎⴻⵙⵙⵉ ⵉⵇⵇⴻⴷ ⵉⵄⴻⴼⴼⴰⵏⴻⵏ ⵏⵏⵉ.19ⵏⵉⵜⵏⵉ ⴳⴳⵉⵏ ⵉⵊⵊ ⵏ ⵓⵄⴻⵊⵎⵉ ⵖⴰⵔ ⵃⵓⵔⵉⴱ, ⴱⴻⵏⴷⵇⴻⵏ ⵉ ⵢⵉⵊⵊ ⵏ ⵍⴻⵅⵢⴰⵍ ⵉⴼⴻⵙⵢⴻⵏ.20ⵏⵉⵜⵏⵉ ⴱⴻⴷⴷⵍⴻⵏ ⴰⵄⵓⴵⵉ ⵏ ⵙⵉⴷⵉ ⴰⴽ-ⴷ ⵍⴻⵅⵢⴰⵍ ⵏ ⵉⵊⵊ ⵏ ⵓⴼⵓⵏⴰⵙ ⵉ ⵉⵜⵜⴻⵜⵜⴻⵏ ⴰⵔⴱⵉⵄ.21ⵜⵜⵓⵏ ⴰⵔⴻⴱⴱⵉ, ⴰⵎⵙⴻⵏⵊⴻⵎ ⵏⵙⴻⵏ, ⵡⴻⵏⵏⵉ ⵜⵓⵖⴰ ⵉⴳⴳⵉⵏ ⵜⵉⵎⴻⴳⴳⴰ ⵜⵉⵎⴻⵇⵇⵔⴰⵏⵉⵏ ⴷⵉ ⵎⵉⵚⵔⴰ,22ⵍⵎⵓⵄⵊⵉⵣⴰⵜ ⴷⵉ ⵜⴻⵎⵎⵓⵔⵜ ⵏ ⵃⴰⵎ, ⵜⵉⵎⴻⴳⴳⴰ ⵙⵙⴰⴳⴳⵯⴰⴷⴻⵏⵜ ⵖⴰⵔ ⵍⴻⴱⵃⴰⵔ ⵏ ⵜⴻⵍⴳⴰ.23ⵉⵏⵏⴰ ⴰⵇⴰ ⴰⴷ ⵜⴻⵏ ⵉⴽⴻⵃⵃⴻⴹ, ⵎⵍⵉ ⵡⴰⵔ ⵉⴵⵉ ⴷ ⵎⵓⵙⴰ, ⵡⴻⵏⵏⵉ ⵣⵣⴰⵢⴻⵙ ⵉⵜⵜⵡⴰⴼⴰⵔⵣⴻⵏ, ⵉⴽⴽⴰⵔ-ⴷⴷ ⴷⵉ ⵜⵅⴻⵏⴷⵓⵇⵜ ⵣⵣⴰⵜ ⵉ ⵡⵓⴷⴻⵎ ⵏⵏⴻⵙ ⴷⵉ ⵟⵟⵡⴻⵄ ⵏⵙⴻⵏ, ⵎⴰⵃⴻⵏⴷ ⴰⴷ ⵉⵙⵙⴱⴻⵄⵄⴻⴷ ⴰⵙⵄⴰⵔ ⵏⵏⴻⵙ ⵉ ⵣⵉ ⵉⵅⵙ ⴰⴷ ⵜⴻⵏ ⵢⴰⵔⴻⴷⴷⴻⴵ.24ⵏⵉⵜⵏⵉ ⴽⴽⵙⴻⵏ ⵜⴰⵇⵛⵓⵔⵜ ⵅ ⵜⴻⵎⵎⵓⵔⵜ ⵉⵄⵉⵣⵣⴻⵏ, ⵡⴰⵔ ⵜⴻⵛⵍⴻⵏ ⵛⴰ ⵅ ⵡⴰⵡⴰⵍ ⵏⵏⴻⵙ.25ⵏⵉⵜⵏⵉ ⵏⴷⴻⵇⵎⴻⵏ ⴷⴻⴳ ⵉⵇⵉⴹⴰⵏ ⵏⵙⴻⵏ, ⵡⴰⵔ ⵙⵍⵉⵏ ⵖⴰⵔ ⵜⵎⵉⵊⵊⴰ ⵏ ⵙⵉⴷⵉ.26ⵏⴻⵜⵜⴰ ⵉⵙⵙⴳⴻⵄⵄⴻⴷ ⴰⴼⵓⵙ ⵏⵏⴻⵙ ⵅⴰⵙⴻⵏ, ⵉⵊⵊⵓⴵ ⴰⴷ ⵜⴻⵏ ⵉⵙⵙⴻⵖⴹⴻⵍ ⴷⵉ ⵍⴻⵅⵍⴰ,27ⵎⴰⵃⴻⵏⴷ ⴰⴷ ⵉⵙⵙⴻⵖⴹⴻⵍ ⵜⴰⵔⵡⴰ ⵏⵙⴻⵏ ⵊⴰⵔ ⵍⴻⴳⵏⵓⵙ, ⵎⴰⵃⴻⵏⴷ ⴰⴷ ⵜⴻⵏ ⵉⵣⴻⴵⴻⵄ ⴷⵉ ⵜⴻⵎⵎⵓⵔⴰ.28ⵏⵉⵜⵏⵉ ⵙⵙⵍⴻⵃⵎⴻⵏ ⵉⵅⴻⴼ ⵏⵙⴻⵏ ⵖⴰⵔ ⴱⴰⵄⴰⵍ-ⴼⴰⵖⵓⵔ, ⵛⵛⵉⵏ ⵜⵉⵖⴰⵔⵚⴰ ⵉ ⵉⵎⴻⵜⵜⴰⵏ.29ⵙⵄⴰⵔⴻⵏ ⵜ ⵙ ⵜⵎⴻⴳⴳⴰ ⵏⵙⴻⵏ, ⴰⵍⴰⵎⵉ ⴷⴷ ⵅⴰⵙⴻⵏ ⵜⴻⵡⴹⴰ ⵊⵊⵔⵉⵃⴻⵛⵜ.30ⵅⴻⵏⵏⵉ ⵉⴽⴽⴰⵔ-ⴷⴷ ⴼⵉⵏⴰⵃⴰⵙ, ⵢⵓⵙⴰ-ⴷⴷ ⵊⴰⵔ ⴰⵙⴻⵏ, ⵓ ⴰⵎⵎⵓ ⵉ ⵜᵉⵜⵜⵡⴰⵙⵙⴱⴻⴷⴷ ⵊⵊⵔⵉⵃⴻⵛⵜ.31ⴰⵢⴰ ⵉⵜⵜⵡⴰⵃⵙⴻⴱ ⴰⵙ-ⴷⴷ ⴷ ⵜⴰⵙⴻⴳⴷⴰ, ⵣⵉ ⵊⵊⵉⵍ ⴰⵍ ⵊⵊⵉⵍ ⵉ ⵍⴻⴱⴷⴰ.32ⵏⵉⵜⵏⵉ ⵙⵄⴰⵔⴻⵏ ⴰⴼⵓⴳⴻⵎ ⵏⵏⴻⵙ ⵖⴰⵔ ⵡⴰⵎⴰⵏ ⵏ ⵎⴰⵔⵉⴱⴰ, ⴰⵍⴰⵎⵉ ⵉⴳⴳⴰ ⵎⵓⵙⴰ ⵍⵖⴰⵔ ⴷⵉ ⵙⵙⵉⴱⴱⴻⵜ ⵏⵙⴻⵏ,33ⵎⴰⵖⴰⵔ ⵙⵙⴰⵔⴻⵣⴳⴻⵏ ⵍⴻⵄⵎⴰⵔ ⵏⵏⴻⵙ, ⵖⴰⵔⴻⵙ ⴰⵍⴰⵎⵉ ⵉⴼⴼⴻⵖ ⵡⴰⵡⴰⵍ ⵡⴰⵔ ⵉⴹⴱⵉⵄⴻⵏ ⵣⴻⴳ ⵉⵢⴻⵏⵛⵉⵛⴻⵏ ⵏⵏⴻⵙ.34ⵏⵉⵜⵏⵉ ⵡⴰⵔ ⵜⴻⵃⵃⴰⵏ ⵍⴻⴳⵏⵓⵙ ⵄⵍⴰⵃⵙⴰⴱ ⵎⵉⵏ ⴷ ⴰⵙⴻⵏ ⵢⵓⵎⵓⵔ ⵙⵉⴷⵉ.35ⵎⴰⵛⴰ ⵚⵚⵓⵔⴻⵏ ⵉⵅⴻⴼ ⵏⵙⴻⵏ ⴰⴽ-ⴷ ⵍⴻⴳⵏⵓⵙ ⵍⴻⵎⴷⴻⵏ ⴰⴷ ⴳⴳⴻⵏ ⵎⵉⵏ ⴳⴳⵉⵏ ⵏⵉⵜⵏⵉ.36ⵏⵉⵜⵏⵉ ⵜⵓⵖⴰ ⵜⵜⵙⴻⵅⵅⴰⵔⴻⵏ ⵉ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ ⵏⵙⴻⵏ, ⵉⵏⵏⵉ ⴷ ⴰⵙⴻⵏ ⵉⴷⴻⵡⵍⴻⵏ ⴷ ⵍⴼⴻⵅ.37ⵏⵉⵜⵏⵉ ⵉⵡⵢⴻⵏ ⵉⵃⴻⵏⵊⵉⵔⴻⵏ ⵏⵙⴻⵏ ⴷ ⵜⵃⴻⵏⵊⵉⵔⵉⵏ ⵏⵙⴻⵏ ⴷ ⵜⴰⵖⴰⵔⵚⵜ ⵉ ⵛⵛⵡⴰⵟⴻⵏ.38ⵏⵉⵜⵏⵉ ⵙⵙⵉⵣⵣⵍⴻⵏ ⵉⴷⴰⵎⵎⴻⵏ ⵉⵎⴻⵣⴷⴰⴳⴻⵏ, ⵉⴷⴰⵎⵎⴻⵏ ⵏ ⵉⵃⴻⵏⵊⵉⵔⴻⵏ ⵏⵙⴻⵏ ⴷ ⵜⵃⴻⵏⵊⵉⵔⵉⵏ ⵏⵙⴻⵏ, ⵏⵏⵉ ⵉⵡⵢⴻⵏ ⴷ ⵜⴰⵖⴰⵔⵚⵜ ⵉ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ ⵏ ⴽⴻⵏⵄⴰⵏ, ⴰⵍⴰⵎⵉ ⵜⴻⴷⵡⴻⵍ ⵜⴻⵎⵎⵓⵔⵜ ⵜⴻⴼⵙⴻⴷ ⵙ ⵉⴷⴰⵎⵎⴻⵏ.39ⵏⵉⵜⵏⵉ ⴷⴻⵡⵍⴻⵏ ⵅⴻⵎⵊⴻⵏ ⵣⵉ ⵜⵎⴻⴳⴳⴰ ⵏⵙⴻⵏ, ⵙⵙⴼⴻⵙⴷⴻⵏ ⵉⵅⴻⴼ ⵏⵙⴻⵏ ⵙ ⵍⴻⵅⴷⴰⵢⴻⵎ ⵏⵙⴻⵏ.40ⵢⴰⵔⵖⴰ ⵡⴻⵖⴹⴰⴱ ⵏ ⵙⵉⴷⵉ ⵅ ⵍⴳⴻⵏⵙ ⵏⵏⴻⵙ ⵓ ⵏⴻⵜⵜⴰ ⵉⵄⵉⴼⴼ ⵜⴰⵙⵖⴰⵔⵜ ⵏⵏⴻⵙ.41ⵏⴻⵜⵜⴰ ⵉⵙⴻⵍⵍⴻⵎ ⵉ-ⵜⴻⵏ ⵖⴰⵔ ⵉⴼⴰⵙⵙⴻⵏ ⵏ ⵍⴻⴳⵏⵓⵙ ⵓ ⵉⵏⵏⵉ ⵜⴻⵏ ⵉⵛⴰⵔⵔⵀⴻⵏ ⴷⴻⵡⵍⴻⵏ ⵜⵜⵙⴻⴵⴰⴹⴻⵏ ⵅⴰⵙⴻⵏ.42ⵃⵚⴰⵔⴻⵏ ⵜⴻⵏ ⵍⵄⴻⴷⵢⴰⵏ ⵏⵙⴻⵏ, ⵏⵉⵜⵏⵉ ⵜⵜⵡⴰⵙⵙⵡⴰⴹⵄⴻⵏ ⵙⴰⴷⵓ ⴰⴼⵓⵙ ⵏⵙⴻⵏ.43ⴰⵟⵟⴰⵙ ⵏ ⵜⵡⴰⵍⴰⵡⵉⵏ ⵜⵓⵖⴰ ⵉⵜⵜⴼⴻⴽⴽⴰ ⵉ-ⵜⴻⵏ, ⵎⴰⵛⴰ ⵏⵉⵜⵏⵉ ⵙⵙⴰⵔⴻⵣⴳⴻⵏ ⵅⴰⵙ ⵙ ⵜⵖⴻⵏⵏⴰⵏⵜ ⵏⵙⴻⵏ, ⵜⵜⵡⴰⵙⵙⵎⴻⵥⵢⴻⵏ ⵙ ⵍⵎⵓⵄⵚⵉⵢⵢⴻⵜ ⵏⵙⴻⵏ.44ⵡⴰⵅⵅⴰ ⴰⵎⴻⵏⵏⵉ ⵏⴻⵜⵜⴰ ⵉⵅⵣⴰⵔ ⵄⴰⴷ ⵖⴰⵔⵙⴻⵏ ⵓⵎⵉ ⵜⴻⵏ ⵜⵓⵖⴰ ⴷⵉ ⵍⴻⵃⵚⴰⵔⴻⵜ, ⵓⵎⵉ ⵉⵙⵍⴰ ⵜⵖⵓⵢⵢⵉⵜ ⵏⵙⴻⵏ.45ⵢⵉⴷⴰⵔ ⵍⵄⴰⵀⴷ ⵏⵏⴻⵙ ⴷⵉ ⵟⵟⵡⴻⵄ ⵏⵙⴻⵏ ⵓ ⵉⵏⴷⴻⵎ ⵣⵉ ⵙⵙⵉⴱⴱⴻⵜ ⵏ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ.46ⵉⵙⵙⵛⴻⵏ ⴰⵙⴻⵏ ⴰⵔⵔⴻⵃⵎⴻⵜ ⵏⵏⴻⵙ ⵣⵣⴰⵜ ⵉ ⵡⵓⴷⴻⵎ ⵏ ⵎⴰⵔⵔⴰ ⵉⵏⵏⵉ ⵜⴻⵏ ⵉⵃⴻⴱⴱⵙⴻⵏ.47ⵙⴻⵏⵊⴻⵎ ⴰⵏⴻⵖ, ⴰ ⵙⵉⴷⵉ, ⴰⵔⴻⴱⴱⵉ, ⵏⴷⴻⵀ ⴰⵏⴻⵖ ⵏⵎⵓⵏ ⵣⵉ ⵍⴻⴳⵏⵓⵙ, ⵃⵉⵎⴰ ⴰⴷ ⵏⵇⴰⴷⴰ ⵉⵙⴻⵎ ⴰⵎⵇⴻⴷⴷⴰⵙ ⵏⵏⴻⵛ, ⴰⴷ ⵛⴻⴽ ⵏⵚⴻⴱⴱⴻⵃ ⵙ ⵢⴻⵣⵍⴰⵏ ⵏ ⵓⵙⴻⵎⵖⴰⵔ.48ⴰⴷ ⵉⵜⵜⵡⴰⴱⴰⵔⴻⴽ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ, ⵣⵉ ⵍⴻⴱⴷⴰ ⴰⵍ ⵍⴻⴱⴷⴰ!”
ⴻⵊⵊ ⵎⴰⵔⵔⴰ ⵍⴳⴻⵏⵙ ⴰⴷ ⵢⵉⵏⵉ: ‘ⴰⵎⵉⵏ! ⵀⴰⵍⵍⵉⵍⵓ-ⵢⴰⵀ!’
ⴻⵊⵊ ⵎⴰⵔⵔⴰ ⵍⴳⴻⵏⵙ ⴰⴷ ⵢⵉⵏⵉ: ‘ⴰⵎⵉⵏ! ⵀⴰⵍⵍⵉⵍⵓ-ⵢⴰⵀ!’