1Aleluya!Beno kembila Yave samu ti yandi kele mbote,samu ti kukwikama ya yandi ke zingilaka bantangu nyonso!2Nani ke zonzila mambu ya ngitukulu yina Yave me sala?Nani ke wakisa mikunga samu na nzitusu ya yandi?3Kyese na bayina ke zitisaka bantumunu,mpe ke sadilaka ludedomo bantangu nyonso!4Yave bambukila munu moyo na bumbote ya nge samu na bantu ya nge!Kwiza vuukisa munu.5Sala ti mu tala buyenge ya bantu yina nge me soola,mu yangalala na nsayi ya bantu ya nge,mu tala kilengi samu na mvwilu ya nge!6Beto me sumuka mutindu bankooko ya beto,beto me sala foti, beto me sala yimbi.7Bankooko ya beto yina vwandaka zinga na Ngipiti,bawu bakulaka ata dyambu mosi ve na mambu ya nge ya ngitukulu,bawu bambukaka ve moyo na mambu nyonso yina nge salaka na kukwikama ya nge,bawu mangaka na kutumama pene-pene ya mubu, Mubu ya Batwandu.8Kasi yandi vuukisaka bawu samu na Nkumbu ya yandi,samu na kusala ti bantu kuzaba lulendo ya yandi.9Yandi ngalaka Mubu ya Batwandu, mpe yawu kawukaka,yandi salaka ti bankooko ya beto kutambula na kati-kati ya mubu ya sunda mingi, mutindu na yinsi ya kuyuma.10Yandi vuukisaka bawu na maboko ya muntu yina vwandaka yina bawu,yandi kuulaka bawu na maboko ya mutantu.11Maza dyamisaka mitantu ya bawu,ata mosi ve bikanaka.12Bawu kwikilaka na mambu ya yandi,bawu yimbilaka yandi mikunga ya nzitusu.13Kasi bawu zimbanaka na nswalu nyonso mambu yina yandi salaka,bawu vingilaka ve ti mambu yina yandi kubikaka kusalama.14Kuna na yinsi ya kuyuma,bawu vwandaka na bansatu ya mutindu na mutindu,kuna na ntoto yina ata kima ke menaka, bawu sombolaka Nzambi.15Yandi pesaka bawu nyonso yina bawu vwandaka lomba,yandi salaka ti bawu kwendaka kufwa malembe-malembe.16Kuna na kivwandu bawu sadilaka Moyize kimbanda,mpe na Aloni muntu ya longo ya Yave.17Ntoto fungulaka yinwa mpe yawu zikaka Datane,yawu minaka nkonga ya bantu ya Abilame,18tiya yokaka nkonga ya bantu,tiya ya nene nyengisaka bantu ya yimbi.19Kuna na Olebe, bawu yidikaka kiteki ya mwana ya ngombe,bawu fukamaka na mantwala ya kiteki yina ba yidikaka na kisengo ya kusulumuka,20Na kisika ya Nzambi yina vwandaka nkembo ya bawu,bawu sambilaka kiteki ya ngombe yina ke kudyaka matiti.21Bawu zimbanaka Nzambi, Muvuukisi ya bawu,yandi yina salaka mambu ya nene kuna na Ngipiti.22Yandi salaka mambu ya ngitukulu na yinsi ya Same,mpe mambu ya nsisi na Mubu ya Batwandu,23yandi tubaka samu na kumanisa na kufwa bawu,kasi Moyize yina yandi soolaka,telamaka na mantwala ya Nzambi,samu na kubondila yandi, samu ti Nzambi manisa ve na kufwa bawu.24Bawu mangaka ya bawu yinsi yina ya mbote mingi,bawu mangaka na kuwa mambu ya yandi,25bawu vungutaka na kati ya bayinzo ya bawu ya lele,bawu tumamaka ve na ndinga ya Yave.26Na yina, yandi kudyaka ndefi,na kufwa bawu kuna na yinsi ya kuyuma,27Nzambi mwangisaka bana ya bawu na bayinsi mingi.Yandi salaka ti bawu kufwa na kati ya bayinsi ya nzenza.28Bawu kangamaka na nzambi Baale-Pewole,bawu kudyaka minkayulu yina ba pesaka na bantu ya kufwa.29Na mavanga ya bawu, bawu salaka ti Nzambi kudasukila bawu,mpe kiyoolo bwidilaka bawu.30Na yina, Pineyase telamaka samu na kuyidika dyambu yina,mpe kiyoolo sukaka.31Na kusala mutindu yina,Yave ndimaka Pineyase mutindu muntu ya kudedama samu na kiminu ya yandi,bambandu na bambandu, samu na bantangu nyonso.32Bawu sombolaka nkele ya Nzambi kuna pene-pene ya maza ya Meliba,mpe Nzambi sembaka Moyize samu na bawu.33Ya tsyelika, bawu tumamaka ve na mpeve ya Nzambi,mpe Moyize zonzaka kondwa kuyindula.34Bawu manisaka ve na kufwa bantu ya Kaana,mutindu Nzambi tumisaka bawu na kusala.35Bawu vukanaka na bayinsi ya nkaka,bawu bandaka na kulanda bansalulu ya bawu.36Bawu bandaka na kusambila biteki ya bantu yina,yawu kumaka mutambu samu na bawu mosi.37Bawu pesaka bana ya bawu ya bakento na ya babakalamutindu minkayulu na bampeve ya yimbi.38Bawu kufwaka bantu yina salaka dyambu ve,bawu pesaka menga ya bana ya bawu ya bakento na ya babakala,mutindu munkayulu na banzambi ya luvunu ya Kaana,bawu sumunaka yinsi na menga ya bantu yina bawu vwandaka kufwa.39Na bansalulu ya bawu, bawu kumaka ya kuvedila ve,na mavanga ya bawu, ba sadilaka kindumba.40Na yina, Yave dasukilaka bantu ya yandi,yandi bandaka na kutala mvwilu ya yandi nganzi.41Yandi yekulaka bawu na maboko ya bantu ya bayinsi ya nkaka,mitantu ya bawu bandaka na kuyala bawu,42bambeni ya bawu vwandaka nyokola bawu,bawu kubwaka na yisi ya lutumu ya mitantu ya bawu.43Ntangu nyonso, yandi vwandaka kuula bawu,kasi mabanza ya bawu, kaka ni kumanga na kutumama,mpe bawu tatamanaka kaka na kusala yimbi.44Yandi talaka mpasi ya bawu,mpe yandi kuwaka bidilu ya bawu.45Yandi bambukilaka bawu moyo samu na ngwisani ya yandi,yandi talaka bawu kyadi samu na kukwikama ya yandi ya nene.46Yandi salaka ti bantu yina bakaka,mpe nataka bawu na yinsi ya nzenza kufwila bawu kyadi.47Yave Nzambi ya beto, vuukisa beto!Baka beto na kati na bayinsi nyonso mpe kutikisa beto,samu ti beto kembila Nkumbu ya nge ya longo,mpe beto kuzwa buyenge na kukembila nge!48Nkembo na Yave, Nzambi ya Isayeli ya mankululu,bika ti bantu nyonso kutuba: «Ameni!Aleluya!»