Zabuli106kdc_pbt

ZABULI YA 106

1Mtogoleni Mndewa Imulungu,Mshukuluni Mndewa Imulungu kwavija kanoga,na unogelo wake hawishaga osigala milele.2Nani yodaha kuzilonga sang'hano za Mndewa Imulungu?Nani yodaha kuzilonga nhogolwa zake zose?3Wamweda iwanhu otenda haki,waja otenda ganogile kamba viilondigwa siku zose.
4Gweye Mndewa Imulungu unikumbuke niye,wahawanogela iwanhu zako.Wahawakombola unitaze,5ili nigalole ganogile ga waja wauwasagule,na nideng'helele hamoja na iwanhu wa isi yako,na kuigoda hamoja na iwanhu wa uhazi wako.
6Tutenda nzambi hamoja na iwahenga zetu,tutenda gehile, tubananga.7Wahenga zetu ako Misili hawagelegeze mbuli zako za unzonza,hawakumbuke ukulu wa unogelo wako hawishaga,wakulema kuingema ya bahali ya Shamu.8Lakini kawakombola mbuli ya twaga jake,kalagusa nguvu zake.9Kaikomhokela bahali ya Shamu, nayo inyala,kawalongoza mmazi mengi kamba kuluwala.10Kawakombola na imunhu yowehila,na kawahonya na iwanhu owehila.11Mazi gawagubika awo owadeta,hasigale hata munhu imoja.12Abaho wazitogola mbuli zake,wamwimbila nhogolwa zake.
13Lakini wazisemwa sang'hano zake himahima,hawagabetile magesa gake.14Ako kuluwala wakala osulukila ndiya ng'hani,wamgeza Imulungu ako kudibawe.15Kawagwelela gawalondile,lakini kawagalila utamu.
16Wamonela migongo Musa ako kuing'hambi,na Haluni ayo yong'ala wa Mndewa Imulungu.17Isi igubuka immeza Datani,igubika mting'hano wa Abilamu.18Moto ukwaka kwa iwanhu owakweleleza,milambi ya moto iwasakaza iwanhu wehile.
19Watenda kinyago cha ng'ombe ako Holebu,wakitambikila kinyago kilumbuka.20Wauhindula ukulu wa Imulungu,kwa kutambikila kinyago cha ng'ombe yajaga mijani.21Wamsemwa Imulungu, mkombola wao,yatendile vinhu vikulu mwiisi ya Misili.22Katenda mbuli za unzonza mwiisi ya Hamu,na mbuli ng'hulu mna ibahali ya Shamu.23Imulungu kalonga kamba kowabananga,ila Musa ayo iyamsagule kema kuulongozi wake,na kaikimila ng'hasiliki yake sikuiwanange.
24Waibezeli isi ija inogile,hawagatogole gaja gayalongile.25Waiyalala mvibanda vao,hawaitegeleze sauti ya Mndewa Imulungu.26Abaho kawenulila mkono wake kaiduwila,kamba kowakoma ako kuluwala,27na kuwapwililisa ulelo wao hagati ya iwanhu wa isi ziyagwe,na kuwaswaswanya isi ya kutali.
28Wailumba kumtambikila Baali Peoli,wazija zinhosa zilavigwe kwa imilungu ilibule ugima.29Wamgevuza Mndewa Imulungu kwa sang'hano zao,mikubulo igaligwa hagati yao.30Abaho Finehasi kema kagala nhaguso,mikubulo ikimilwa.31Kagesigwa kamba kana haki,ulelo mbaka ulelo milele.
32Wamgevuza hana gamazi ga Meliba,Musa kagaya mbuli ya hewo.33Kwavija wamulema loho wa Imulungu,kalonga bila kugesa.
34Hawawanangile iwanhu wa isi,kamba Mndewa Imulungu viyawalagize.35Lakini waihanganya na iwanhu wa isi,waifunza kusang'hana mbuli zao.36Wavitambikila vinyago vao,kinhu acho kikala mtego kumwao.37Ona, walava wanao wa kimbigalo na wa ikitwanzi,walava nhosa kwa vinyamkela.38Weta damu ilibule kitala,damu ya wanao wa kimbigalo na wa ikitwanzi,wawalava nhosa kwa vinyago va Kanaani,isi igeligwa dikwe kwa damu.39Avo, wageligwa dikwe kwa sang'hano yao,waleka kutamanilwa kwa Imulungu kamba wagoni.
40Avo Mndewa Imulungu kawagevuzikila wanhu zake,kawehila iwanhu wa uhazi wake.41Kawagela mmakono ga iwanhu wa isi ziyagwe,awo iwasede wawatawala.42Iwanhu owehila wawonela,na wawatawala kwa nguvu.43Miyanza mingi Imulungu kawakombola wanhu zake,lakini hewo wasagula kumulema,wadidimila mzinzambi zao.44Lakini kagalola magazo gao,viyahulike kililo chao.45Mbuli yao kadikumbuka lagano jake,kawonela bazi kamba unogelo wake hawishaga viwili mkulu.46Kawatenda awo wawagogile wawonele bazi.
47Go Mndewa Imulungu, Imulungu wetu,tukombole, twike hamoja kulawa kwa iwanhu wa isi ziyagwe,ili tudishukulu twaga jako ding'ala,na tuzigodele nhogolwa zako.
48Yatogolwe Mndewa Imulungu, Imulungu wa Izilaeli,kulawa milele mbaka milele.Wanhu wose walonge, “Ona!”Yatogolwe Mndewa Imulungu.
expand_more
Search