Mazimuriyaa106dwr_ltw

S'oossay Bare Asaw Bessiyaa Keekatetsaa

1Med'inaa Godaa galatite!I keeka gidiyaa dirawunne,aggena Aa siik'uu med'inaawaa gidiyaa diraw,Med'inaa Godaa galatite.2Med'inaa Goday ootseedda wolk'k'aama oosuwaa odanaw,woy Aa galataa ubbaa k'onc'c'issanaw, danddayiyaawe oonee?3Pirddaa naagiyaawanttunne,ubbaa gede s'illobaa ootsiyaawanttu anjjetteeddawantta.
4Abeet Med'inaa Godaw, neeni ne asaw keekkiyaa wode,taanakka k'oppa;unttuntta neeni ashshiyaa wode,tawukka alla.5Hewenne, ne dooreedda asaw,sa'ay lo"ina, taani be'anaadaana;ne asaa nashshechchaa taanikka nashettanaadaaninnenewanttunna ittippe taanikka galatanaadaana.
6Nuuni nu aawotuwaadan nagaraa ootseeddo;bayzzobaanne iitabaa ootseeddo.7Nu aawotuu Gibs'en de'iyaa wode,ne malalissiyaa oosuwaa k'oppibeykkino.Aggena ne siik'uwaa darotetsaa unttunttu hassayibeykkino;Zo'o Abbaa lank'k'iyaan ne bolla makkaleeddino.8Gidooppekka I bare suntsaa diraw,bare wolk'k'aama wolk'k'aa erissanaw unttuntta ashsheeda.9I Zo'o Abbaa azazina, abbay meleedda;bazzuwaan kaaletsiyaawaadan,c'iimmaa gidduwaana unttuntta kaaletsiide pintseedda.10I unttuntta is's'iyaawanttu kushiyaappe ashsheeda;morkkatuwaa kushiyaappe unttuntta wozeedda.11Unttunttu morkkatuwaa haatsay mitteedda;unttunttuppe ittuunne attibeena.12He wode Israa'eelatuu Aa k'aalaa ammaneeddino;Aa sabbeeddino.13Gidooppenne, unttunttu I ootseeddawaaellekka dogeeddino.Aa zoriyaa naagennan barenttu koyeeddawaa ootseeddino.14Bazzuwaan de'iiddi, unttunttudaroppe amotteeddino;k'ay mela biittaan S'oossaa paac'c'eeddino.15Hewaadan I unttunttu woosseeddawaa immeedda;shin unttunttu shemppoo gilk'k'atetsaa kiitteedda.16Asatuu bazzuwaan barenttu dunkkaaniyaan de'iiddi,Musanne Med'inaa Godaw dummateedda,k'oomaa Aaroona k'anaateedda wode,17biittay dooyettiide Daataana mitteedda;Abiiraam Aa golliyaa asatuwaana moogeedda.18K'ay unttunttu maabaraa giddon tamay ees's'ina,lac'uu he iita asatuwaa s'uuggeedda.19Koreeba Deriyan de'iiddi,work'k'aa muushisiide maraa misiliyaa med'd'eeddino;he misiliyaw goyinneeddino.20Unttunttu barenttu bonchcho S'oossaamaataa miyaa miizzaa misiliyaan laammeeddino.21Unttunttu barena ashsheeda S'oossaa dogeeddino;I Gibs'en wolk'k'aama oosuwaa,22Kaame biittan malalissiyaabaanne,Zo'o Abban, «Hoola!» giissiyaabaa ootseedda.23Hewaa diraw, S'oossay unttuntta d'ayissana geedda;shin d'ayissenna mala, Aa hank'k'uwaa zaaranaw,S'oossay dooreedda Muse gidduwaan ek'k'eedda.24Hewaappe guyyiyaan, unttunttuAa k'aalaa ammanenna diraw,he lo"o biittaa kad'eeddino.25Unttunttu barenttu dunkkaaniyaa giddonzuuzummeeddinonneMed'inaa Godaa k'aalaw azazettibeykkino.26Hewaa diraw, I unttuntta bazzuwaan agganawaa,Bare kushiyaa dentsiide c'aak'k'eedda.27Unttunttu zeretsaa kawutetsatuwaa giddon agganawunnebiittan unttuntta laalanaw c'aak'k'eedda.28Hewaappe guyyiyaan, unttunttu Pa'ooran de'iyaa Ba'aala eek'aw,goyinniyaawanttunna ittippe gakketeeddino;shemppuu bayinna eek'atoo yarshshetteedda yarshshuwaa meeddino.29Unttunttu barenttu oosuwaan Med'inaa Godaa hank'k'etseeddino;unttunttu giddon iita harggii wod'd'eedda.30Shin Piinhaasi denddiide,unttunttu bayzzuwaa pirddina,iita harggii unttunttu bollaappe kichcheedda.31Hewenne, yeletaappe yeletaa gakkanaw,med'inaw aw s'illotetsaa gidiide paydeteedda.32Mariiba pulttuwaa matan Med'inaa Godaa hank'k'etseeddino;unttunttu gaasuwaan Muse bolla metuu gakkeedda.33Ayaw gooppe, unttunttu Aa hank'k'etseeddino;Muse doonaappe bessena k'aalay keseedda.34Med'inaa Goday d'ayissite giina,unttunttu Kanaane asatuwaa d'ayissibeykkino.35Hewaappekka, unttunttu he asatuwaanageletti akkettiide, walaketteeddinonne;unttunttu de'uwaa wogaa kaalleeddino.36S'oossaa asatuu unttunttu eek'aw goyinneeddino;hewenne, unttunttoo p'ire gideedda.37Unttunttu barenttu attumanne mac'c'a naanatuwaas'alahetoo yarshsheeddino.38Unttunttu, s'illo suutsaaKanaane eek'atoo yarshsheeddino;barenttu attumanne mac'c'a naanatuwaa suutsaa gusseeddino;he suutsan biittay tuneedda.39Hewaadan unttunttu barenttu oosuwaan tuneeddinonne,sharmus'aadan unttunttu barenttu S'oossaw ammanettennan is's'eeddino.40Hewaa diraw, Med'inaa Godaa hank'k'uu,Aa asaa bolla ees's'i keseedda;I barewantta sheneteedda.41I unttuntta hara gadiyaa asatuwaa kushiyan aatsiide immeedda;unttunttu is's'eeddawanttu unttuntta mooddeeddino.42Unttunttu morkketuu unttuntta naak'k'eeddinonnebarenttu sheniyaadan ayisseedino.43I unttuntta daro gede ashsheedda;shin unttunttu makkalaw danc'c'i denddeeddino;barenttu nagaraa gaasuwaan d'ayeeddino.44Gidooppenne, I unttunttu waasseedda waasuwaa sisiide,unttunttu waayiyaa k'oppeedda.45I unttunttu diraw, bare c'aak'uwaa hassayeedda;aggena bare siik'uwaa daruwaadan unttuntta maareedda.46Unttuntta omoodeedda ubbay unttunttoo k'arettanaadan ootseedda.47Abeet Med'inaa Godaw, nu S'oossaw, nuuna ashsha.Nuuni ne geeshsha suntsaa galatanaadaaninnene bonchchuwaan c'eek'ettanaadan,kawutetsatuwaa giddoppe nuuna shiishsha.48Med'inaa Goday, Israa'eeliyaa S'oossaymed'inaappe med'inaa gakkanaw galatetto!Asay ubbay, «Amen"i!» go.Med'inaa Godaa galatite!
expand_more
Search