Zabuli105kdc_pbt

ZABULI YA 105

1Mshukuluni Mndewa Imulungu,dikemeni twaga jake,walongeleni iwanhu wa isi zose sang'hano zake.2Mwimbileni heyo, mwimbileni nhogolwa,walongeleni iwanhu sang'hano zake za unzonza.3Muigodele twaga jake ding'ala,mizoyo ya awo omzahila Mndewa Imulungu ideng'helele.4Mzahileni Mndewa Imulungu na nguvu zake,zahileni kihanga chake siku zose.5Kumbukeni sang'hano zake za unzonza ziyasang'hane,vilaguso vake na nhaguso ziyalongile.6Mweye ulelo wa msang'hanaji wake Abulahamu,mweye wanage Yakobo yawasagule.
7Heyo Mndewa Imulungu ayo Imulungu wetu,isi yose imema nhaguso zake.8Kodikumbuka lagano jake milele,mbuli ija yailagize kwa ulelo elufu.9Lagano diyatendile na Abulahamu,na kuiduwila kwake kwa Isaka.10Kadigangamiza kwa Yakobo kamba lagizo,na kwa Izilaeli kamba lagano da milele.11Kalonga, “Nokugwaa gweye isi ya Kanaani,iwe fungu da uhazi wako.”
12Viwakalile iwanhu wadodo,ona wanhu kidogo na wanhu baki mgati yake,13wakala tanga nzulule kulawa isi mbaka isi,kulawa undewa umoja mbaka undewa uyagwe.14Hamulekile munhu yoyose yawagaze,hata iwandewa kawakomhokela mbuli ya hewo.15Kalonga, “Sikumuwakwase iwanhu zangu niwasagule,na sikumuwalumize watula ndagu zangu.”
16Mndewa Imulungu kaikema nzala ize mwiisi,kainanga ndiya yose waitamanile.17Kamgala munhu kuulongozi wao,Yusufu kauzigwa muutumwa.18Wamulumiza magulu gake kwa mhingu,wamfunga mizabi ya mizuma msingo.19Mbaka mkipindi cha kuvikiza mbuli yake,gayalongile Mndewa Imulungu gamwizila.20Mndewa wa Misili katuma wanhu wamfungula,imkulu wa iwanhu kamulekesa.21Kamtenda mkulu mng'anda yake,kawa mwimilizi wa vinhu vake vose.22Kawalongoza iwakulu zake kamba viyalondile,na kawafunza nzewele iwavele zake.
23Izilaeli nayo kengila Misili,Yakobo kawa munhu baki mwiisi ya Hamu.24Mndewa Imulungu kawatenda iwanhu zake walele ng'hani,kawatenda wengi kubanza awo owehila.25Kawahindula mizoyo wawehile wanhu zake,wawatendela gehile wasang'hanaji zake.
26Kamtuma msang'hanaji wake Musa,na Haluni ayo iyamsagule.27Keka mbuli za unzonza hagati ya hewo,na katenda unzonza mwiisi ya Hamu.28Kagala ziza na isi yose ikala ziza,kwavija wailema mbuli yake.29Kagahindula mazi gao gawa damu,kawakoma iwasomba wao.30Isi yao imema mibula,mbaka kudigati da mndewa wao.31Imulungu viyalongile, mikonzi iza,na mhani mwiisi yao yose.32Kawagalila mvula ya mabwe,na mimwesa mwiisi yao.33Kaitowa mizabibu yao na mitini yao,kaibena imibiki ili mwiisi yao.34Imulungu viyalongile mbalangulu weza,na nzige hawapetwa.35Waija iminoga yose ya isi yao,waija ndiya ya isi yao.36Kawakoma wana wose wa chaudele wa isi yao,nguvu za ubwanga wao.
37Kawalava Waizilaeli akuno wapapa shaba na zahabu,haduhu hata munhu imoja yaikwalile.38Misili ideng'helela viwasegele,kwavija mbuli ya hewo wengilwa bwembwe.39Kakunzula wingu diwa ngubiko,na moto umwemwesa ikilo.40Viwalondile kagala ng'hwale,kawagwaa ndiya ya kuulanga mbaka washiba.41Kadigubula dibwe, mbwibwi ya mazi ilawa,mazi gakilima kuluwala kamba lwanda.42Kwavija kaikumbuka mbuli yake ing'ala,iyamgwelele Abulahamu imsang'hanaji wake.
43Kawalava iwanhu zake kwa deng'ho,awo yawasagule kwa nyila za deng'ho.44Kawagwaa isi za iwanhu wayagwe,waihazi sang'hano ya iwenekae,45ili wagagoge malagizo gake,na kugoga gaja goyolonga.Mndewa Imulungu yatogolwe.
expand_more
Search