Zabuli104vid_pbt

Kumtogola Yalumbile

1Umtogole Mkulu Nguluwi, gwa nhumbula ya heni.Gwa Mkulu Nguluwi, Nguluwi wa heni, hegwe kwa mkulu ng'hatu.Hegwe nakivaliza ukulu na kuhulichiza.2Nawizungulusila lumuli kota ivalo,nakutandazula ulanga kota ihema.3Kwanguzenga honhu ha hegwe ha kikala mchanya mwa mazi gawele kuchanya mwa ulanga.Kwanguidita ng'hungugu iwa mutuka wa hegwe,kwanguguluka mchanya mwa mbeho.4Kwanguidita mbeho iwe msenga wa hegwe,milapi ja chiluli jiwe vitumagwa wa hegwe.
5Isi nakuiwika nzinzili mchanya mwa misisi jake,leka ileche kutigasika mazuwa gose.6Nakuigubika isi kwa bahali kota ivalo,mbaka mazi nagema mchanya mwa vidunda.7Lougang'hanuchile, mazi nagoka,logahuliche kubuma kwa hegwe, nagabilima.8Nagabubujika kulawa kuli chidunda mbaka kuli ibindi,mbaka hala honhu hougagongomanyile.9Nakugawichila ago mazi mbaka,galeche kuigubika isi kahi.
10Kwanguziditaga nzasa kuli mibindi,nzila zake zangukolaga hagati ha vidunda.11Azo zangujigalilaga mazi migongolo jeng'ha kisolo.Amo midogowi ja kisolo jangusindaga ng'halu zawo.12Videje vyanguzengaga vimvulila vyawo kuli migodi jiwele habehi na mazi,vyangudulikaga kuli nhagala zake na kwimba.
13Kulawa kuchanya kilanga kwanguvidulisila vidunda nhonyana isi kwanguigutiza kwa utambichizo wa hegwe.14Kwangoteza misolo kwa chiwalo cha migongolona mizuchila kwa chiwalo cha munhu,leka naye yalime chilyo kuli misanga,15divai ya kumsangalaza,mafuta ga mzeituni kubakala kumeho leka yadedemchena ibumunda lya kumha mong'ho.
16Migodi mikulu ja Mkulu Nguluwi janguwa na mazi ga kuhega,ena, mielezi ja Lebanoni joyajinyalile.17Amo videje vyanguzengaga vimvulila vyawo,misakulang'hola jina haluga kuli misonobali.18Vidunda viwele ng'wemang'wema ndo honhu ha kikala mhene za kisolo,mhimbi zangivisaga mitalawe.
19Nakulumba nyelezi ipime mhela,isanya nalyo lyanguuzela mhela wa kuzinga.20Kwangigala jiza, nechilo yangwinjila,najo migongolo jeng'ha ja kisolo jangulawa.21Misimba jangubumaga leka jiwe na upelembi,jangubetezaga Nguluwi yajipe chilyo chawo.22Isanya holilawa janguhilukaga kwa hewona kwesela hali mhalika za hewo.23Aho, naye munhu kangulutaga kuli mijito ja heyena kukola mijito ajo mbaka matinazo.
24Gwa Mkulu Nguluwi nakudita mbuli nyinji lukami.Geng'ha nakudita kwa luhala.Isi naimema vilumbigwe vya hegwe.25Hala hana bahali ng'hulu na iwele ngazi,kuwele nakumema vilumbigwe vyohambe viwaziche,vilumbigwe vilingikala, vikulu na vidodo.26Ndo zilingujenda melina lila linhu likulu Lewiyatani lyoulilumbile livine amo.
27Vilumbigwe vyeng'ha vyangukubeteza,uvipe chilyo kwa mhela uwichigwe.28Vyangulokota choneche chila choulinguwapa,hougubula moko wa hegwe vyangiguta vinonile.29Louwapa chigosi, vyangudumba,loukusa lweselo lwa hewo, vyangubagamana kuhiluka kuli nhimbwisi kowalawile.30Louwaputila lweselo lwa hegwe, vyangulumbigwa,hegwe kwanguigalila isi kumeho kunyale.
31Ukulu wa Mkulu Nguluwi ulutilile kikala mazuwa gose,Mkulu Nguluwi yanojezwe na madito ga heye yuye,32heye yalinguilola isi nayo yangukakama,yalinguvidoliza vidunda navyo vyangulavya iyosi.
33Ndomwimbila Mkulu Nguluwi kuli ukomu wa heni weng'ha,ndomtogola Nguluwi wa heni mhela weng'ha hondichikala.34Gwa Mkulu Nguluwi, unojezwe na aga majesa ga heni,kwa vila kusangalala kwa heni kwangulawa kwa hegwe.
35Wawele na gehile wosigwe muisi,hawe haduhu wehile woneche.Umtogole Mkulu Nguluwi, gwa nhumbula ya heni.Mumtogole Mkulu Nguluwi.
expand_more
Search