1Bika ti mu tonda Yave!Yave, Nzambi ya munu, nge kele Nzambi ya nene mingi,nge kele kitoko mingi mpe ya kufuluka na nkembo.2Yandi me fukila nsemo mutindu kiyunga,yandi me tanda mazulu mutindu lele.3Yandi me tunga yinzo ya yandi na zulu ya maza,matuti kele mutindu pusu-pusu ya yandi ya mvita,yandi ke na kutambula na mapapu ya mupepe.4Bantumwa ya nge ni mipepe,banzasi ke na kusadila nge.5Nge me tula ntoto na zulu ya lufulu ya yawu,ya mankululu, yawu ke mwangana ve.6Nge fukilaka yawu na mubu ya sunda mingi mutindu kinkuti,maza kumaka tii na bansongi ya myongo.7Kana nge me ngala, yawu ke kimaka.Kana nge me duma, yawu ke lawukaka.8Yawu ke yulukaka na zulu ya myongo, yawu ke kulumukaka na midimba,samu na kukwenda na bisika yina nge kubikaka samu na yawu.9Nge zengilaka yawu bandilu yina yawu lenda luta ve,samu ti yawu kwiza dyaka ve na kufuka ntoto.10Yandi ke twadisaka maza ya bayinto na mizumba,yawu ke kwendaka na kati-kati ya myongo.11Yawu ke pesaka maza ya kunwa na bibulu nyonso ya mfinda,bambuluku ya mfinda ke kunwaka maza samu na kukatula mpwila ya bawu.12Bandeke ya mazulu ke na kutunga manzanza ya bawu, pene-pene ya maza,bawu ke na kuwakisa bandinga ya bawu, na kati-kati ya makasa.13Katuka na bivinga ya yandi kuna na zulu,Nzambi ke na kubolisa myongo,yandi ke na kufulusa ntoto na mambu ya yandi ya mbote.14Nge ke menisaka matiti samu na bibulu,mpe bayinti yina bantu ke kundaka samu ti bantu kuzwa madya.15Malafu ke yangidikaka ntima ya muntu,yawu ke ngengisaka kizizi ya yandi, kulutila mafuta,madya ke pesaka muntu ngolo.16Bayinti ya Yave me yukuta,basedele ya Libane yina yandi kundaka.17Ni kuna bandeke ke tungaka manzanza ya bawu,ndeke yina ba ke bokilaka singone ke vwandaka na bayinti ya sipelese.18Myongo ya yinda kele ya bankombo ya mfinda,bantadi kele kibumbamanu ya bansibisi.19Yandi yidikaka ngonda samu na kuzabaka bantangu ya mikembo,ntangu ke zabaka ngunga ya yandi ya kulala.20Nge ke nataka kitombe mpe mpimpa ke kumaka,ni na ntangu yina bibulu nyonso ya mfinda ke tambulaka.21Bana ya bankosi ke na kulooka samu na kusosa kima ya kudya,bawu ke na kulomba madya ya bawu na sika ya Nzambi.22Kasi kana ntangu me basika, bana ya bankosi me vutuka,bawu me kwenda kota na mabulu ya bawu.23Mpe muntu ke basikaka samu na kisalu ya yandi,yandi ke salaka kisalu ya yandi tii na nkokila.24Yave, nge me sala mambu mingi ya mbote,nge me sala yawu na ndwenga nyonso,ntoto kele ya kufuluka na nyonso yina nge yidikaka.25Tala mubu mutindu yawu kele nene mpe ya kuyalumuka,bambisi ya nene mpe ya fyoti,yina ba lenda tanga ve, ke zingaka na kati ya yawu.26Babwatu ke tambulaka na zulu ya mubu,Levyatane yina nge yidikaka ke sakanaka na kati ya mubu.27Bima nyonso yina me tula kivuvu ya bawu na nge,samu ti nge pesa bawu madya na ntangu ya yawu.28Nge me pesa bawu madya mpe bawu me kuzwa yawu,nge me fungula diboko mpe nge yukutisaka bawu na madya ya kitoko.29Ntangu nge ke bumbamaka, bawu ke kumaka na boma mingi,ntangu nge ke bakaka kiwumunu, bawu ke kufwaka,bawu ke vutukaka fundu-fundu.30Ntangu nge ke vutulaka kiwumunu, bawu me yilama dyaka,mpe nyonso me vutuka ya malu-malu na ntoto.31Bika ti nkembo ya Yave kuzingila bantangu nyonso!Bika ti yandi kuyangala samu na bima nyonso yina yandi yidikaka!32Ntangu yandi ke talaka ntoto, yawu ke tekitaka,ntangu yandi ke simbaka myongo, yawu ke basisaka mulinga.33Na luzingu ya munu nyonso, mu ke yimbidila Yave,mu ke yimbidila Yave ntangu nyonso yina mu kele moyo.34Bika ti mukunga yayi kuyangidika nge!Mu zola kuyangalala samu na Yave.35Bika ti bantu ya masumu kuzimbana awa na ntoto,bika ti bantu ya yimbi kuvwanda dyaka ve.Ee, mu ke na kutonda Yave!Aleluya!