Read ዓይኑሞ ማፃኣፖ 104

ዓይኑሞ ማፃኣፖ104mdy_twf

ማዤ ፆኦዛሢም ሺኢኬ ጋላታ

¹ታ ሼምፔሌ! ናንጊና ናንጋ ጎዳ ዓንጄ!ናንጊና ናንጋ ጎዳ ማዔ ታ ፆኦዛሢዮ! ኔኤኒ ኮሺ ዼኤፒኬ፤ቦንቾና ዼኤፑሞና ኔ ማይንቴኔ።²ኔ ኔና ፖዒና ካንቄኔ፤ጫሪንጮ ኔኤኒ ዓፒላጉዲ ዳሬኔ።³ማኣሮ ኔኤሲ ኔኤኒ ሎ ዋኣፆ ዑፃ ማዤኔ፤ሻኣሮ ኔኤኮ ሳርጌሎ ዖይቶ ማሄኔ፤ዢባራ ኔኤኮ ጋኣሲ ማዔም ኔ ባራናኔ።⁴ኪኢታንቾ ኔኤኮ ኔ ዢባሬዓይሎ ኔኤሲ ታሚ ሎስቴ ኔኤኒ ማሄኔ።

⁵ናንጊና ዓጊፁዋጉዲሳዖ ማዢንቴ ቤዛ ዶዲሺ ኔ ዴይሤኔ።⁶ባዞና ዓፒላጉዲ ሳዖ ኔ ካንቄኔ፤ዋኣፃ ዹኮኮ ቶኦኪና ማዔኔ።⁷ዔያቶ ኔ ጎሬ ዎዶና ጋዓንቴ ቤዞና ሺኢኬኔ፤ኔኤኮ ጉጉንፆ ዑኡዞ ዔያታ ዋይዛዖጳሽኪ ፑኔኔ።⁸ዹኮኮ ዑፃ ዔያታ ላኣሊንቴኔ፤ኔኤኒ ዔያቶም ጊኢጊሼ፥ ዶኦጫዼ ጊንፆ ዎቴኔ።⁹ጊንሣ ዔያታ ሳዖ ዔኤዺ ባይዙዋጉዲዑሣ ኬስኪያ ላኣሊንቱዋጉዲጌዲ ኔ ጌሤኔ።

¹⁰ዓልቃ ዋኣፃ ዶኦጫዼ ጊንፆ ዎታንዳጉዲ ኔ ማሄኔ፤ዹኮኮዋ ባኣኮና ዔያታ ዎታኔ።¹¹ካዮ ቦዓ ዒኢካፓ ዑሽካኔ፤ኪርሞላ ዒኢካፓ ዼኤቦ ፔኤሲ ዛኣራኔ።¹²ካፓ ማኣሮ ፔኤኮ ዎሮ ዓጫ ማዣኔ፤ሚፆ ካኣፖ ባኣካኣ ዱላኔ።

¹³ኔኤኒ ሎ ኔ ማኣራፓ ዹኮ ዑሻኔ፤ሳዓኣ ኔ ማዾ ዓኣፖ ሙይ ሚሽካኔ።¹⁴ቆልሞም ሳዓፓ ማኣቲ ኔ ባቃልሳኔ፤ዓሲም ሙኡዚ ማኣዳንዳ ዱማ ዱማ ባኣዚ ኔ ኬሳኔ።¹⁵ዓሲ ዎዛሳ ዎይኔዓኣፖ ካሮዋ ዓኣዒሳ ዛይቴዎልቄ ዒንጊ ዶዲሻ ሃኣኮዋ ዒኢፓ ጴዻኔ።

¹⁶ዬያጉዲ ሃሣ ናንጊና ናንጋ ጎዳኮ ሚፃዒዚ ቱኬ ሊባኖኦሴ ሚፃ ዋኣፆ ዑሽኪ ሚሽካኔ።¹⁷ካፓ ፔኤኮ ማኣሮ ዒኢካ ማዣኔ፤ቦኦካሢ ዚቢቆ ባኣካ ዎርቆ ቤሲ ዴንቃኔ።¹⁸ዖዶዞ ዹካ ዎሻ ናንጋ ቤሲላሎ ቆኦፓኣ ሾኦና ጌላ ቤሲኬ።

¹⁹ዓጊና ዎዶ ዱማሳንዳጉዲ ኔ ማዼኔ፤ዓባኣ ፔ ጌላ ዎዶ ዔዔራኔ።²⁰ሳዓ ኔ ዓሚሻዛ ዹሚ ማዓኔ፤ዒማና ካዮ ቦዓ ቢያ ኬስኪ ዲርጊ ሺራኔ።²¹ሃጊ ዔቃ ዞባ ሙዖ ኮይ ጉዻኔ፤ሙዖንዶ ባኮዋ ፆኦሲዳፓ ኮዓኔ።²²ዓባ ፆርቃኣና ዓኣሺንቲ ካዮ ጌላኔ፤ፔኤኮ ቡኡላ ቡኡላ ጌሊ ላሃኔ።²³ዬካፓ ዓሳ ማዾይዳ ሶኦፓኔ፤ሳዓ ዓማንዳያ ሄላንዳኣና ፔኤቃኔ።

²⁴ናንጊና ናንጋ ጎዳሢዮ!ማዻ ኔኤኮ ዎዚ ሚርጋይ!ዬያ ቢያ ኔኤኒ ኔ ቢታንቶና ኮሼኔ፤ሳዓ ኔኤኒ ማዤ ማዢንቶና ኩሜኔ።²⁵ሃይ ዼኤፖ ባዛ ዳልጊና ሚጪንቴያኬ፤ዼኤፒንታ ዻካ ቦዖንታ ፓይዲባኣ ዓጊፃ ባኣዚ ዒኢካ ዓኣኔ።²⁶ዋኣፆ ካኣሚላ ዒኢካ ዑፃ ሃንታኔ፤ኔኤኒ ማዤ ሌዋታኔያ ዒኢካ ዴማ ዓማላኔ።

²⁷ዔያታ ሙዓንዳ ባኮ ዎዶና ኔ ዔያቶም ዒንጋኔ፤ዬይ ቢያ ዎዛና ኔና ካፓኔ።²⁸ኔኤኒ ዔያቶም ዒንጋ ዎዶና ዬያ ዔያታ ቡኩሳኔ፤ኔኤኮ ኩጮ ኔ ቡላ ዎዶናኮሺ ባኣዚ ሙዒ ዔያታ ሚሽካኔ።²⁹ዔያቶይዳፓ ዓኣፖ ካሮ ኔኤኮ ኔ ሺርሻዛዲቃቲሢ ሌሊ ዔያታ ሚርጋኔ፤ሼምፓሢ ኔ ዔያቶኮ ዔካዛ ሃሃይቃኔ፤ኬስኬ ዓጮ ባንሢያ ማዓኔ።³⁰ኔኤኮ ዓያኖ ኔ ዳካዛ ዔያታ ማማዢንታኔ፤ሳዖዋ ኔኤኒ ዓኪ ማሃኔ።

³¹ናንጊና ናንጋ ጎዳኮ ቦንቻ ናንጊና ዶዲ ናንጎም፤ዒዚ ፔኤኮ ማዼ ማዾና ዎዛዾንጎ።³²ሳዖ ዒዚ ዛጋዛ ዓዓጊፃኔ፤ዹኮዋ ካኣማዛ ጩጩባኔ።

³³ታኣኒ ሼምፔና ዓኣና ናንጊና ናንጋ ጎዳም ዓይናዻንዳኔ፤ዔቂ ታ ሃንታ ዎዳ ዒዛ ታ ዓኣሣንዳኔ።³⁴ታኣኒ ናንጊና ናንጋ ጎዳና ዎዛዻሢጉዲታ ማሊፃ ዒዛ ዎዛሶንጎ።³⁵ጎሞ ዓሳ ሳዓፓ ባይቆንጎ!ዋይዞ ዒፃ ዓሳ ማይ ሃይፓ ሴካ ጴዾፓ!ታ ሼምፔሌ! ናንጊና ናንጋ ጎዳ ዓንጄ!ጋላቲያ ዒዛ ጋላቴ።

ዓይኑሞ ማፃኣፖ 104 / mdy_twf

ማዤ ፆኦዛሢም ሺኢኬ ጋላታ

ዓይኑሞ ማፃኣፖ104mdy_twf