يَبُرَ103sus_apb

عَلَ شَ مَرَقَنيِ

عَلَ مَتْشْي

1دَوُدَ شَ بّيتِﭑ شَ عَلَتَلَ تَنتُ ﭑ نِي بِرِن نَ،ﭑ شَ عَ شِلِ سّنِيّنشِ مَتْشْ.2ﭑ شَ عَلَتَلَ تَنتُ ﭑ نِي بِرِن نَ،ﭑ نَشَ نّيمُ عَ شَ هِننّ مَ.3عَ تَن نَن دِحّمَ عِ شَ يُنُبِيٍ مَ،عَ عِ شَ قُرٍيٍ رَيَلَن،4عَ عِ رَتَنفَ قَشّ مَ،عَ عِ رَبِلِن عَ شَ شَنُنتٍيَ نُن عَ شَ كِنِكِنِ رَ.5عَ هِننّمَ عِ رَ عِ شَ دُنِحّءِفِرِ كُي،عَلَكٌ عِ مَن شَ سّنبّ سْتْ عِ شَ قٌرِحَ كُي عَلْ سّفّ.
6عَلَتَلَ حّرّ مَ تِنشِنيِ كُي،عَ كِيتِ تِنشِنشِ سَمَ تْورْ مِشِيٍ بّ.7عَ بَرَ عَ شَ كِرَ مَسٍن عَننَبِ مُنسَ بّ،عَ عَ شَ كَابَنَكٌييٍ مَسٍن عِسِرَيِلَكَيٍ بّ.8عَلَتَلَ كِنِكِنِمَ مِشِيٍ مَ، عَ هِننّ عٍ رَ،عَ مُ شْنْمَ عٍ مَ مَقُرٍن مَقُرٍن، عَ شَ شَنُنتٍيَ فبٌ.9عَ مُ مِشِيٍ تْورْ مَ تّمُي بِرِن،عَ شَ شْننَنتٍيَ مُ بُمَ.10عَ مُ وٌن حَشَنكَتَمَ وٌن مَ يُنُبِ رَبَشِ كِ مَ،عَ مُ وٌن مَ يُنُبِ سَرٍ رَفبِلٍنمَ وٌن مَ.11كٌورٍ عِتٍشِ بْشِ شُن مَ كِ نَشّ،عَ شَ شَنُنتٍيَ قَن فبٌشِ نَ كِ نّ عَ يَرَفَاشُييٍ بّ.12سٌفٍتٍدٍ مَكُيَشِ سٌفٍفٌرٌدٍ رَ كِ نَشّ،عَ وٌن مَ يُنُبِيٍ قَن مَكُيَشِ وٌن نَ نَ كِ نّ.13بَبَيٍ كِنِكِنِمَ عٍ شَ دِيٍ مَ كِ نَشّ،عَلَتَلَ قَن كِنِكِنِمَ عَ يَرَفَاشُييٍ مَ نَ كِ نّ،14بَرِ مَ عَ عَ كٌلٌن وٌن يَءِلَنشِ سٍ نَشَن نَ،عَ رَتُشِ عَ مَ عَ بّندّ نَن وٌن نَ.15عَدَ مَدِيٍ شَ سِمَيَ مَنِيَ سَنسِ رَ نَشَن قُفَمَ قِيلِ مَ،16كْنْ قٌيٍ نَ بْنبْ عَ رَ، عَ شَرَ مَ نّ، عَ لْي.17كْنْ عَلَتَلَ عَ يَرَفَاشُييٍ شَنُمَ نّ عَبَدَن،عَ شَ تِنشِنيِ بِرَ مَ نّ عٍ بْنسْييٍ قْشْ رَ،18نَشٍيٍ عَ شَ سَاتّ بِنيَمَ،عٍ عَ شَ سّرِيّ رَبَتُ.19عَلَتَلَ بَرَ عَ شَ كِبَنيِ دْشْ كٌورٍ مَ،عَ دُنِحَ بِرِن يَمَرِ.
20وٌ تَن مَلٍكّيٍ، وٌ شَ عَلَتَلَ تَنتُ،وٌ تَن نَشٍيٍ سّنبّ فبٌ، وٌ تَن نَشٍيٍ عَ رَبَتُمَ.21وٌ تَن سّنبّمَ نَشٍيٍ نَ كٌورٍ مَ، وٌ شَ عَلَتَلَ تَنتُ،وٌ تَن نَشٍيٍ عَ وَشْنقٍ رَبَمَ.22وٌ تَن بِرِن نَشٍيٍ دَاشِ، وٌ شَ عَلَتَلَ تَنتُ يِرٍ بِرِن عَ شَ مَنفّيَ بُن مَ.ﭑ شَ عَلَتَلَ تَنتُ ﭑ نِي بِرِن نَ.
expand_more
Search