1Mukunga ya Davidi.Bika ti mu tonda Yave,bika ti nyonso yina kele na kati ya munu kutonda Nkumbu ya yandi ya longo!2Bika ti mu tonda Yave,mu me zimbana ve mambu ya yandi nyonso ya mbote yina yandi me sala!3Ni yandi ke lemvokilaka masumu ya nge nyonso,ni yandi ke nyakisaka nge na bimbevo ya nge nyonso.4Ni yandi ke kuulaka nge na mpasi ya lufwa.Ni yandi ke fulusaka nge na luzolo mpe bumbote.5Ni yandi ke fulusaka nge na bimvwama na buboba ya nge,ni yandi ke vutulaka nge buntwenya mutindu ngo-nuni.6Yave ke fundisaka na ludedomo,yandi ke nwaninaka bantu nyonso yina ba ke nyokolaka.7Yandi lakisaka mabanza ya yandi na Moyize,yandi sadilaka bana ya Isayeli mambu ya ngitukulu.8Yave ke fwilaka bantu kyadi, yandi ke lembaka ve na kulemvokila,yandi ke dasukaka mbangu ve, yandi kele ya kufuluka na bumbote.9Yandi ke sembaka ve konso ntangu,yandi ke bumbaka ve nkele ya yandi bantangu nyonso.10Yandi ke sembaka beto ve mutindu kele masumu ya beto,yandi ke pesaka ve beto kitumbu mutindu kele yimbi ya beto.11Mutindu mosi mazulu kele ya kuzangama na zulu ya ntoto,mutindu mosi mpe bumbote ya yandi kele na zulu ya bayina ke zitisaka yandi.12Mutindu mosi lweka ya esete kele ntama na lweka ya wesete,mutindu mosi mpe yandi ke na kukatula yimbi ya beto, samu na kunata yawu ntama.13Mutindu tata ke fwilaka bana ya yandi kyadi,Yave ke fwilaka kyadi bantu yina ke zitisaka yandi.14Ya tsyelika yandi zaba mutindu beto yilamaka,yandi me zimbana ve ti beto kele fundu-fundu.15Bilumbu ya luzingu ya muntu kele mutindu matiti,yandi kele mutindu bifulu ya matiti ya bilanga.16Ntangu mupepe ke fulaka na zulu ya yawu, yawu ke zimbanaka,kisika yina yawu vwandaka ke zabanaka dyaka ve.17Kasi kukwikama ya Yave ke zingilaka bantangu nyonso, samu na bayina ke zitisaka yandi,ludedomo ya yandi kele samu na bana ya bana ya bawu,18mpe samu na bayina ke bumbaka ngwisani ya yandi,ke bambukaka moyo na bantumunu ya yandi, samu na kusadila yawu.19Yave me vwandisa kiti ya yandi ya kintinu na mazulu,kimfumu ya yandi ke na kuyala bima nyonso.20Beno tonda Yave beno bambazi ya yandi,beno yina kele ya kufuluka na lulendo mpe ngolo, beno yina ke na kusadila mambu ya yandi,mpe ke na kuwaka ndinga ya yandi!21Beno tonda Yave, beno binwani ya yandi nyonso,beno yina ke sadilaka yandi mpe ke salaka luzolo ya yandi!22Beno tonda Yave, beno nyonso yina yandi yidikaka,beno tonda Yave na bisika nyonso yina yandi ke na kuyala.«Bika ti mu tonda Yave!»