SAM103cth_bcf
BAWIPA lungmanae pholennae
Kathutkung: Devit
1Oe ka hringnae BAWIPA teh pholen haw.Ka thung kaawm e puenga min kathoung teh pholen awh.2Oe ka hringnae BAWIPA teh pholen natehahawinae pueng hah pahnim hanh.3Na payonnae pueng ka ngaithoumkung,na patawnae pueng kadamsakkung,4rawk kahmanae koehoi na hringnaekaratangkung hoi ngai kaawm e lungmanae hoilungpatawnae bawilakhung na kamuksakkung,5Na nawnae hah mataw patetlah bout katha nahanlah,na cue toteh hnokahawi hoi na lung a kuep sak.6BAWIPA ni kângingnae hah a kangdue sak teh,repcoungroenae pueng hanelah,kângingnae lah a kangdue sak.7A lamthung hah Mosi koe a panue sak teh,a sak e naw hah Isarelnaw koe a panue sak.8BAWIPA teh lungmanae hoi pahrennae lah ao.A lungsaw teh, lungpatawnae hoi a kawi.9Pou na yue mahoeh,a lung pou khuek mahoeh.10Yon awh e patetlah maimouh koe sak mahoeh.Payon e patetlah na pathung mahoeh.11Bangkongtetpawiteh,kalvan teh talai hlak a rasang e patetlah,ama kataketnaw koe vah a lungmanae teh a len.12Kanîtho hoi kanîloum a kâhla e patetlah,kâtapoenae teh maimouh koehoiahla poungnae koe na ta pouh awh.13Na pa ni canaw a lungma e patetlah,BAWIPA ni ama kataketnaw hah a lungma.14Bangkongtetpawiteh,maimae tak heh a panue tehvaiphu lah o awh e hah pahnim hoeh.15Tami e ahninnaw teh pho kahring patetlah ao tehkahrawng e a pei patetlah doeh ao.16Bangtelah tetpawiteh, kahlî ni a palek teh a pei a kahma,a onae hmuen hai panuek hoeh toe.17Hatei, BAWIPA lungmanae teha ma taketnaw lathueng vah,a yungyoe hoi a yungyoe totouh a kangning.18A lawkkam tarawi kangainaw hoikâpoelawk kapâkuemnaw teh,a lannae hoi catounnaw totouh a kangning han.19BAWIPA ni kalvan vaha bawitungkhung a caksak teh,a uknaeram ni bangpuengpa koung a uk.20Kalvantaminaw BAWIPA teh pholen awh.A lawk ka ngai ni teh katarawinaw hoiacawilah thaonae hoi pathoup e lah na o awh.21Nangmouh ransahu pueng,a thaw katawkkungnaw hoi,a ngainae kasaknaw BAWIPA teh pholen awh,22A sak e hno pueng kecu dawk,a uknaeram pueng thungvah,BAWIPA teh pholen awh.Oe ka hringnae BAWIPA teh pholen haw.