SALMOS102nhw_tbl

Inetlatlajtil se catli motequipachohua

1¡TOTECO, techtlacaquili quema nimotlatlajtía!Xijchihua cuenta nocamanal quema nimitztzajtzilía para techpalehui.2Amo ximohuejcatlali tlen na ipan nopa hora quema nitlaijiyohuía.¡Ximohuijtzoma para techtlacaquilis huan nimantzi technanquili quema nimitznotza!3Pampa mojmostla nonemilis tlantiya quen poctli.Huan noomiyohua nijmachilía quen tlatlasquía.4Tlahuel nimococohua ipan noyolo.Ayacmo nijpiya chicahualistli.Niitztoc quen se xihuitl catli pilintoc.Ayacmo nimayana huan niquelcahua para nitlacuas.5Huan pampa tlahuel nitlaayijhuijtoc,tlamicuahuaqui nocuetlaxo ipan noomiyo.6Nijmati quen nielisquía nopa tzopilotl catli nemi ipan nopa tlali campa amo tleno eli,o quen cuamojmojtli catli iseltzi itztoc ipan huactoc tlali.7Nochi yohuali ayacmo nicochi.Niitztoc quen nopa tototl catli nemi iseltzi huan mosehuía itzonatipa se cali.8Nocualancaitacahua mojmostla nechpinajtíaj huan nechtelchihuaj.9Ayacmo nijcua pantzi.Ama nijcua cuanextli huan catli niquiji momanelohua ica noixayo,10pampa tlahuel ticualantoc ica na.Ama techtlanantoc huan teipa techhuejcamajcajtoc.11Nonemilis panoti chicahuac quen tlayohuilotl.Huan notlacayo pilinti quen xihuitl.12Pero ta TOTECO, tiitztos para nochipa,huan nochi catli tlacajtiyase para nochipa mitzelnamictose.13Na nijmati para ta timotlananas huan tihualas para tijtlasojtlaqui altepetl Jerusalén.Huan ama ya ajsic tonali para tijtlasojtlas huan tijpalehuis quen tijtlajtolcajtoc.14Pampa momasehualhua tlahuel quinicnelíaj nopa teme tlen itepa Jerusalén,huan hasta quitlasojtlaj nopa tlaltejpoctli catli onca ipan icalles ni altepetl pampa nochi moaxca ta.
15Huajca nochi tlalme huan inintlanahuatijcahua ma huihuipicaca iixpa TOTECO.Quena, huihuipicase quema quiitase ihueyitilis.16Pampa TOTECO sempa quicualtlalis altepetl Jerusalén.Huan nopona yaya monextis ica nochi ihueyitilis.17Yaya quintlacaquilis nopa teicneltzitzi quema motlatlajtise,pampa yaya nochipa mochixtoc para quintlacaquilis huan quinmacas catli quitlajtlaníaj.18Niquijcuilohua ya ni para nochi catli tlacajtiyase teipa ma nojquiya quihueyichihuase TOTECO por nochi catli quichijtoc.19Pampa TOTECO quihualtlachili tlaltipactli tlen nepa ilhuicac campa eltoc itiopa,Quena, tlen ilhuicac quitlachili catli onca ipan tlaltipactli.20Huan quintlacaquili quema tlaayijhuiyayaj imasehualhua catli tetequipanohuayayaj ipan sequinoc tlalme.Huan quinmanahui imaco miquilistli.21Huajca miyac masehualme sempa hualase ipan altepetl Jerusalén para quipaquilismacase TOTECO.Quena, quipaquilismacase ipan nochi ni altepetl.22Huan miyac tlanahuatiani tlen ni tlaltipactli hualase para quitequipanose huan quihueyichihuase TOTECO.23Yaya nechquixtili nochicahualis quema noja polihuiyaya tlajco para nimiquis,huan nonemilis quichijqui más cototzi.24Pero nijtzajtzili huan niquilhui:“NoTeco Dios, ta tiitztoc para nochipa.Amo techcahuili nimiquis quema noja nechpolohua tlajco imiyaca tonali para niitztos.25Hasta ipejya tonali ta tijtlali itzinpehualtil ni tlaltipactli,huan ica momax tijsencajqui ilhuicactli.26Masque nochi catli tijsencajqui se tonali tlamis,ta tiitztos para nochipa.Quena, nochi catli tijchijtoc sosolihuise quen se yoyomitl,huan ta tiquinpatlas quen se tlacatl mopatla huan moquentía se iyoyo catli yancuic,huan nopa catli sosoltic quitlahuisohua.27Pero ta amo quema tihuehuejtiyas.Nochipa san se tiitztos.Tiitztos para nochipa huan monemilis amo quema tlamis.28Pero tojuanti catli timotequipanojcahua,hasta toixhuihua, itztose ica temachili,huan hasta iniixhuihua catli tlacajtiyase itztose cuali moixpa.”
expand_more
Search