Zabuli102kdc_pbt
ZABULI YA 102
(Kupula kwa munhu yeli mmagazo na yomulongela Mndewa Imulungu ago gomgaza.)
1Gweye Mndewa Imulungu, uhulike vinikupula,kililo changu kikuvikile.2Sikuufise kihanga chako siku ya magazo gangu,utege gwiti jako unihulike,siku nahakukema unidike himahima.3Kwavija siku zangu zolawanya kamba yosi,na mizege yangu yolukula kamba biwi.4Moyo wangu utowigwa kamba mijani na kunyala,ona noisemwa kuja ndiya yangu.5Mbuli ya kuiyalala kwa magazo,mizege yangu iilumba na nyama yangu.6Nilinga kamba bundi yokala kuluwala,na niigala na bundi yokala kuvihame.7Nokala meso kamba kinega,yokala yaiyeka uchanha ya ng'anda.8Iwanhu onihila onilonga imisi yose,awo oiduwila akuno onitambula niye.9Noiyalala ng'hani na tozi diwa kamba ndiya yangu,na king'waji changu nikihanganya na mahozi,10mbuli ya ng'hasiliki yako na kugevuzika kwako,na kwavija kuninula na kunitupa kutali.11Siku zangu kamba sisila da ichungulo,ona nonyala kamba mijani.12Lakini gweye Mndewa Imulungu kokala na kutawala milele,na twaga jako dokumbukigwa ulelo mbaka ulelo.13Gweye mwenyego kokwima na kojonela bazi buga da Sayuni,kwavija ayo saa ya kujonela bazi,kipindi kikigwe kivika,14kwavija wasang'hanaji wako oganogela mabwe gake,na wajonela bazi timbwisi jake.15Abaho iwanhu wa isi zose odidumba twaga da Mndewa Imulungu,na wandewa wose wa mwiisi odumba ukulu wake.16Mndewa Imulungu vonda yadizenge Sayuni,vonda yoneke muukulu wake,17vonda yalole ukupula kwa iwanhu wakiwa,hakubezeli kupula kwao.18Ulelo onda wize okwandikilwa gago,wanhu onda walumbigwe omtogola Mndewa Imulungu.19Kwavija kalola kulawa hanhu hake hong'ala,kulawa kuulanga Mndewa Imulungu kailola isi,20ili yahulike kililo cha ayo yafungigwe,na yawafungulile watagusigwe ifa.21Wanhu wadilonge twaga da Mndewa Imulungu ako Sayuni,nhogolwa zake zolongwa ako Yelusalemu,22wanhu wa isi ziyagwe na wandewa wahaiting'hana hamoja,ili wamtambikile Mndewa Imulungu.23Imulungu kazihungula nguvu zangu mnzila,kazihungula siku zangu za ugima.24Avo nilonga, “Go Mndewa Imulungu,sikuunisegese hagati ha siku zangu,gweye Mndewa miyaka yako yogendelela ulelo wose.25Aho haichanduso kusimika mhanda za isi,na ulanga sang'hano ya makono gako.26Avo vosegela lakini gweye kosigala,vose volala kamba viwalo,na kamba viwalo kovisaula,navo volawanya.27Lakini gweye kwa vivija,na miyaka yako yabule uhelelo.28Wana wa iwasang'hanaji zako osigala,na ulelo wao okala kuulongozi wako.”