Read ዬ ማጻፋ 102

ዬ ማጻፋ102gmv_etw

ጬጪዳ ዎዴኔ ሜቶቲዳ ዎዴ ጾሳ ሲንን ዎሲዳ ዎሳ

¹ኣቤት ጎዳዉ!ታ ዎሳ ሲያ፤ታ ዋሶይ ኔኮ ጋኮ።²ታ ሜቶቲዳ ጋላስኔ ሲን ታፔ ጌንፋ፤ኔ ሃይ ታኮ ዛራ፤ታኒ ኔኮ ዋሲዛ ዎዴታስ ኤሶን ኣላ።

³ኣይስ ጊኮ ታ ላይይጩዋ ማላ ዬስ፤ታ ሜቄይካታማ ቦንቆ ማላ ኤጼስ።⁴ታ ዎዚናይኣዋይ ላቢዳ ማታ ማላ ሃንዴስ፤ታስ ቆይ ካ ኢጺዴስ።⁵ታስ ኦሌ ዳሮፔ ዴንዶይሳንሜቄ ጻላ ኣቲዴስ።⁶ታኒ ባዞን ዲዛ ቢያ ካፎዎይኮ ላሌቲዳ ኬንዴኢዛ ጉቶ ማላ።⁷ታኒ ኢቺን ስኮይ ዬና፤ታኒ ኬ ሁኤንባርካ ኡቲዳ ካፎ ማላ ጊዳዲስ።⁸ታ ሞርኬቲ ኡባ ጋላስታና ጫዬቴስ፤ታና ኢሴዛይቲ ታ ሱንቃንጌቲዳ ማላ ቆዲዳ።

⁹ታኒ ቢዲን ሌ ማላ ቃምኣዲስ፤ታ ኣፉንካኡሻራ ዋላካ ኡያዲስ።¹⁰ኔ ሃንቆ ጋሶኒኔኔ ቦሻ ጋሶንኔ ታና ፑዴ ዴንሶፔዱጌ ኦላዳሳ።¹¹ታ ዴኦ ላይይ ኦማርሳ ዎዴኩዋ ማላ፤ታኒ ማታ ማላ ሜላዲስ።

¹²ጊዶ ኣቲን ኣቤት ጎዳዉ!ኔኒ ካዎቴ ኣራታንሜርናስ ኡታዳሳ፤ኔ ሱንይካ ዬሌታፔዬሌታ ጋካናስ ሃሳኤታና።¹³ኔኒ ጺዮኒስኪያቴ ኦዛ ዎዴይጋኪዳ ጊሻሲኔዎዴዚካ ሃኢ ጊዲዳ ጊሻስኔኒ ዴንዳዳ ኢዚስ ቃታና።¹⁴ኔ ኦሳንቻቲ ኢዛን ዲዛሹቻታ ዶሴቴስ፤ቡቲዳ ቢታስካቃቴቴስ።

¹⁵ካዎቴቲ ጎዳሱንስ ያያና፤ሳኣ ካዎቲ ኡባይኢዛ ቦንቻና።¹⁶ጎዳይ ጺዮኖ ዛሪ ኤሲዛ ዎዴኢዚ ባ ጊታቴ ቤሳና።¹⁷ኢዚ ሂዬሳታ ዎሳ ሲያና፤ኢስታ ሾቤካ ካና።

¹⁸ቡሮን ዬሌታናይጎዳ ጋላታና ማላሃይሲ ዪዛ ዬሌታስ ጻፌቶ።¹⁹ጎዳይ ቃን ዲዛባ ጌሻ ሶሆፔዱጌ ጼሊዴስ፤ኢዚ ሳሎፔ ዱጌሳኣ ቤኢዴስ።²⁰ሄሲካ ቃሼቲዳኣሳታ ዋሶ ሲያናሲኔሃይቆስ ፒርዴቲዳ ኣሳታቃሾፔ ቢርሻናሳ።²¹ሄሳ ጊሻስ ጎዳ ሱንጺዮኒን ዮቴታና፤ኢዛ ጋላታይዬሩሳላሜን ኣዋጄታና።²²ዴሬቲኔ ካዎቲ ኢሲፌ ሺቂዲጎዳስ ሄ ዎዴ ጎይናና።

²³ታኒ ናቴቴን ዲሺን፥ኢዚ ታ ሚኖቴኦጌን ኣሺዴስ፤ታ ዳና ላይካቃንዴስ።²⁴ሂስቲን ታኒ፥«ኣቤት ታ ጾሳዉ!ታኒ ዳና ላይቡሮ ባጋሲሺንኔ ታና ኤኮፋ።ኣቤት ጎዳዉ!ኔኒ ዬሌታፔ ዬሌታ ጋካናስዳሳ» ጋይስ።

²⁵ኔኒ ቤኒ ሳኣ ሜዳሳ፤ሳሎቲካ ኔ ኩሼ ኦሶ።²⁶ሄይቲ ኡባይ ያና፤ጊዶ ኣቲን ኔኒ ሚና ዳና፤ኢስቲ ኡባይካኣፋላ ማላ ዉራና፤ኔኒ ኢስታ ጫርቃማላ ላማና፤ኢስቲካ ኣና።²⁷ጊዶ ኣቲን ኣዉዴካኔኒ ኔና፤ኔ ላይይ ሙሌካ ዉሬና።²⁸ኔስ ኦዛይታ ናይቲሳሮቴን ዳና፤ኢስታ ዜሬይካኔ ሲንን ሚኒ ኤቃና።

ዬ ማጻፋ 102 / gmv_etw

ጬጪዳ ዎዴኔ ሜቶቲዳ ዎዴ ጾሳ ሲንን ዎሲዳ ዎሳ

ዬ ማጻፋ102gmv_etw