Mazamure Maxaafa
101
/
gmv_ltw
Dawite Mazamure
1
Tani ne siiqo gishshassinne
tuma pirda gishshas yexxana;
abeet GODAWU!
Tani nees galata mazamure yexxana.
2
Tani suure oge kaallana;
neni taakko awude yaanee?
Tani ta keeththan
suureteththan daana.
3
Tani ta ayfera
iita miish xeellike;
Xoossafe kare kezida asata
ooso ixxays;
tani isttara mulekka zuppetikke.
4
Wozina geellati taappe haakketto;
iitateththara taas
gaytoteththi deenna.
5
Geeman ba lagge zigirzayssa
tani sirphi ooththana;
otorettizayssinne ceeqettiza as
tani co7u ga aggike.
6
Istti tanara daana mala
biitta bolla de7iza
ammanettizayta
tani lo7o ayfen xeellays.
Suureteththan hemettiza asi
taas haggazana.
7
Cimo ooththizay oonikka
ta keeththan deenna;
wordo haasayzay
ta sinththan eqqenna.
8
Biittan de7iza iita as ubbaa
tani hach hach dhayssana;
iita ooththizayta ubbaa
tani GODAA katamappe
dhoqalla dhayssana.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter