Lulanga lwa10shr_buk

Nyamuzinda Mushinganyanya ho ali

1Yâgirwa Nnâmahanga, cirhumire wabêra kulî,cirhumire ocîfulika amango g’amalibuko?2Oku omuhera gwacîbona, omukenyi arhindibuka,agwârhwe omu bulyâlya bw’entimanya z’owâbo.
3Omuhera gunacishingire enyifinjo z’omurhima gwâgwo,omuhubu kulogorha alogorha, anagayaguze Nyamuzinda.4Omu bucîbone bwâge omuhera kwo guderha, mpu:«Ntà buhane; Nyamuzinda arhahabà!» Zo nkengêro zoshi ezo.
5Ngasi mango amâjira gâge kubêra gamubêra;emmanja enyanya zimugera, arhankazirhimanya;abashombanyi bâge boshi kumeshera abamesherakwo.
6Anaderhe omu murhima gwâge, erhi:«Nie ntadundwa; amâburha gàja oku gandi ntanabona malibuko.»7Akanwa kâge kayunjwîre malogorha n’obunywesi n’obulyâlya;olulimi lwâge lurharhêngamwo oburhali buhanya n’obubî.
8Y’oyo oshurhamire omu masheke,acîfulisire mpu ayîrhe omwêru-kwêru;amasù gâge gadwîrhe gahigira omuhanya.9Kwo acîfulika nka ntale omu bulumba bwâyo,alingûze mpu alonze omuhanya ayehûkana;amuyehûkane, amukululire omu murhego gwâge.
10Anajè abundabunda, anashurhame,omuhanya amugwe omu nfune.11Aderhe omu murhima gwâge, erhi:«Nyamuzinda ayibagire! Ahengwîre obusù bwâge,arhanacidwirhi abona!»
12Yimuka, Nyamuzinda, Nnâmahanga,olengeze okuboko kwâwe;omanye wankayibagira abali omu bulagîrire.13Cankarhuma omuhera gwagayaguza Nnâmahanga,cankarhuma guderha omu murhima gwâgwo mpu arhabona?
14Wêne obwîne, walolêrîze amalibuko n’emirenge,mpu ohiyankirire omu nfune zâwe,omukenyi we acîkubagira, we lwâkiro lw’enfûzi.
15Shangula okuboko kw’omubî n’omuhera;obubî bwâge obuhane, burhacifâga bwabonesire.16Nyamuzinda ye Mwâmi w’ensiku n’amango,amashanja g’abapagani gàhirigirha omu igulu lyâge.
17Yâgirwa Nyamuzinda, oyumvîrhize omwîfinjo gw’abîrhôhye;ozibuhye emirhima yâbo onayirhege okurhwiri.18Mpu lyo otwîra enfûzi n’odwîrhe arhindibuzibwa olubanja,lyo n’omuntu warhengaga omu bidaka alekikâlibuza abandi n’ebihamba.
expand_more
Search