Read ዓይኑሞ ማፃኣፖ 10

ዓይኑሞ ማፃኣፖ10mdy_twf

ፒዜ ዎጌ ዎጊንታንዳጉዲ ሺኢቂንቴ ሺኢጲሢ

¹ናንጊና ናንጋ ጎዳሢዮ!ዓይጎሮ ኔኤኒ ሃያይዲ ሃኪ ዔቄይ?ሜታሢ ዎዶና ዓይጋ ኔ ዓኣሺንታይ?²ፑርቶ ማዻ ዓሳ ዖቶርቃኔ፥ ማንቆ ዓሶዋ ዔያታ ዳውሳኔ፤ሜሌ ዓሶም ዔያታ ፒራ ፒራሢዳ ፔኤሮ ዓዺንቶንጎ።

³ፑርቶ ዓሳ ፔኤኮ ፑርቶ ዓፁሞና ሄርሺንታኔ፤ዔኤቢ ጊዴኔ ጎዑዋ ጎጋይቂ ሺራ ዓሶ ዔያታ ዓንጃኔ፤ናንጊና ናንጋ ጎዳ ዔያታ ጫጫሽካኔ።⁴ፑርቶ ማዻ ዓሳ ፆኦሲ ዔኤቢኬ ጎዑዋሴ፤ዔያታ ፔ ዖቶርሙሞና ፆኦሲ ባኣሴ ጌይ ማላኔ።

⁵ፑርቶ ዓሶም ዔኤቢ ቢያ ዎዴ ጊኢጋኔ፤ፆኦሲ ዎጎ ዔያታ ዔራኒ ዳንዳዑዋሴ፤ዬያሮ ዒዚ ፔ ሞርኮ ሚሚኢጫኔ።⁶ዔያታ ፔ ማሊፆና፦ «ኑና ዓጊሣንዳይ ባኣሴ፤ዓይጎ ሜታኣ ባኣያ ቢያ ዎዴ ኑ ዎዛዻንዳኔ» ጋዓኔ።⁷ዔያታ ጌስታ ጌኤዞይዳጋዳማንታ ሉኡዙሞንታ ዚርቂሢያ ኩሜያኬ፤ጌኔ ባኣዚንታ ፑርቱሞዋ ዔያቶ ዻንጋኬ።

⁸ጉርዶኮ ጎይፆ ዓጫ ካቲ ዔያታ ዴዓኔ፤ፂሎ ዓሶዋ ዉቱንቃ ካርካ ዔያታ ዎዻኔ፤ዓኣፓ ዔያቶኮ ማንቆ ዓሶ ፑርቱሞና ዛጋኔ።⁹ካይዚዳ ናንጋ ዞቢጉዲ ዓኣሺንቲ ዔያታ ዴዓኔ፤ማንቆ ዓሶ ዓርቃኒ ዒኢካ ካታኔ፤ዔያቶኮ ፒራሢና ዓይሢ ጎቺ ዔያታ ዔካኔ።

¹⁰ማንቆ ዓሶ ጳርቂ ዔያታ ኬኤራኔ፤ማኣዳይ ባኣ ላቤ ዓሳዔያቶ ኩጮ ጋሮ ጌሊ ሎኦሚ ዓታኔ።¹¹ፑርታ ማዻ ዓሲ ፔ ዒኖና፦«ፆኦሲ ታና ዋሌኔ፤ዓኣፖ ካሮ ፔኤኮ ካንቂ ታና ዴንቁዋሴ!» ጋዓኔ።

¹²ናንጊና ናንጋ ጎዳሢዮ ዔቄ!ፆኦዛሢዮ ኔኤኮ ዎልቆ ኩጮ ዔቂሴ!ሄርቂንቲ ዎርቃ ዓሶ ዋሊፖ።¹³ፑርቶ ማዻ ዓሳፆኦሲ ዑፃ ዓይጋ ፑርታ ጌስታይ?ፔ ዒኖና፦«ታ ማዻ ባኮሮ ዒ ታጊዳ ሜቶ ዓጋዓኬ» ዓይጋ ጋዓይ?

¹⁴ፆኦሲዮ! ኔኤኒ ጋዓንቴ ሜቶና ዋኣዮና ዛጊዬያ ሼሌዒሶንዶ ጎይሢ ጊኢጊሻኔ፤ሜታዼ ዓሳ ፔና ኔኤም ሃሻኔ፤ዜኤሮ ናኣቶዋ ኔኤኒ ማኣዳኔ።¹⁵ጎሞ ዓሶንታ ፑርቶ ዓሶንታኮ ዎልቆ ላቢሴ፤ሃካፓ ሴካ ፑርታ ባኣዚ ዔያታ ማዹዋጉዲዔያታ ማዻ ፑርቶ ማዾሮ ሜቶ ዔያቶይዳ ዓጌ።

¹⁶ናንጊና ናንጋ ጎዳ ካኣቲ ማዒ ናኣናና ናንጋኔ፤ሜሌ ፆኦዞም ዚጋ ሜሌ ዴራ ጋዓንቴሳዖይዳፓ ጋፒ ባይቃንዳኔ።¹⁷ናንጊና ናንጋ ጎዳሢዮ!ኔኤኒ ማንቆ ዓሶኮ ሺኢጲፆ ዋይዛኔ፤ዔያታ ሺኢቃ ሺኢጲፆ ዋይዚ ኔ ዔያቶ ዶዲሻኔ።¹⁸ሳዖይዳ ዓሲ ማዒ ማዢንቴ ዓሲሜሌ ዓሶ ዲቃሡዋጉዲዜኤሮ ናኣቶንታ ሄርቂንቲ ዎርቃ ዓሶንታ ዛሎኔኤኒ ሞኦታኔ።

ዓይኑሞ ማፃኣፖ 10 / mdy_twf

ፒዜ ዎጌ ዎጊንታንዳጉዲ ሺኢቂንቴ ሺኢጲሢ

ዓይኑሞ ማፃኣፖ10mdy_twf