Nɨawari10hch_wb2
1¿Yawé, titayari 'ateewa paitɨ petiuyeika?¿Titayari kepauka temɨte'uka'eniwatsie petiu'ati'awiwieta?2Kwinimieme tiha'atɨ tiyumiekame mɨkayɨhɨawe kaniuweiyani,peru hatsuaku yuwiniyaritsie kaniyuhɨamɨkɨ.3'Axatiyuruwame tita mɨtihiwe'erie mariweme pɨrayeitɨwa,naime mɨtihiwe'erie hepaɨtsita 'aixɨa putaine Yawé xani'erietɨ.4'Axatiyuruwame teikɨ peneniere 'uyuta'ɨretɨ,'etsiwatɨma Kakaɨyari pɨkaku'eriwa.5Naitɨ 'uximayatsikayatsie 'aixɨa pɨtikuyɨne,peutiteewa meta peteewa hetsiena mieme 'a'aitsika metimanikɨ,pɨwananaima kemɨ'ane mɨwaraye'unie.6Mɨpaɨ katiniyukɨhɨaweni: «Nitixaɨtɨ pɨkanerekahɨani.Yanetinetemawietɨ 'anepuyeikani. Hatsuaku 'uximatɨarika nepɨkahekaxeiya».7'Axaniuki tetana kanihɨneni,'itarika meta tierika,yunenitɨa katini'awietani 'axamɨti'ane meta nanaimarika.8Kaniutihupani kiekari 'etsimɨyeyeutsie,kaniuyuti'awiwietani mɨwakwinikɨ hipame,kaniwatakukuyani 'atsimemɨkateyurie 'atsimemɨkayɨa.9Maye hepaɨ terɨta payehupumɨkayɨhɨawe hupietɨ 'iwiyake,heimana 'uweme yuwiniyaritsie kanihanimɨkɨ.10Waɨkawa mɨtɨrɨkaɨyekɨ'imierimama kwiepa menatixɨrɨweni.11Mɨpaɨ kaniutaineni yuxaɨta: «Kakaɨyari pɨkawara'eriwa teɨteri.Yuhɨxie kaneuyukunaka, tixaɨtɨ pɨkatixeiya».12Xeiya, Yawé.Kakaɨyari, ketaneuparewi.Memɨkayuhɨawawe pepɨkawaratɨtɨmaiyani.13'Axapɨmatikumamateke 'axatiyuruwame.Mɨpaɨ pɨtiku'eriwa kename 'atsipeka'iyurieni.14'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya'aixɨa pepɨtiyurieni mɨkɨ hepaɨtsita.Mɨyamemɨte'anuyehu matsi 'ahetsie mekaneuwaɨreni,'ekɨ pepɨhɨkɨ nutuite waparewiwame.15'Axamɨtiuka'iyari tɨrɨkariyaya keneunawairi meta Kakaɨyari mɨka'ayexeiya.Ke'axamemɨteyurie yaketiniwarakapitɨa,meta keniwarukumaweriya yunaime.16Yawé ti'aitame kanihɨkɨtɨni yuheyemekɨ,matsi 'iya memɨkametsimate mepeuyehɨiyani yukwietsie.17'Ekɨ, Yawé, haweri memɨyɨa wanenewieri pepɨ'enie,pepɨwatɨrɨkariya meta kememɨmatewawirie pepɨraye'atɨwa.18'Ekɨ nutuite meta memɨte'uka'eniwa wahetsie pepɨnua,tewi kwiekɨ mɨwewiya,'axamɨti'ane mɨkati'enenikɨri.