Mama Kuurrku Wangka Kuliranytjalu Warta Purlkurnpirinypa Nyinama
1Yuwa, yarnangu palyamunuku wangka-ya kulira nyinanytjamaaltu wantima.Palunyalu-ya palyamunu pirningka yarangka wanarayintjamaaltu wantima.Palunyalu-ya lurrtjurringkula nyinarranytjamaaltu wantimaMama Kuurrnga-ya panypuratjarralu watjaranyangka.Wiya, Mama Kuurrku wangka mukulyanytjulu-yakarlarla mungangka pukurltu kulinma.Yuwa, palunyapirinypa-yan tirtu nyinarranyangkaMama Kuurrtu-tjananyanta walykumunura kanyinma.3Yuwa, palunyapirinypa-yan nyinarranytjalu warta purlkurnpirinypa nyinama.Tjiinyakurlu warta kapingkartu pakala mirrka purlkanya kanyinma, palunyapirinypa.Palunyalu-yan kutjupa-kutjupa walykumunura palyanma.4Nyangka-ya yarnangu palyamunu tjanmarta minyarrapirinypa nyinama.Tjiinyakurlu tjanmarta rurrmupungama. Nyangka pirriyalu minyarra katima, palunyapirinypa.5Tjiinya yarnangu palyamunu pirnilu-ya purtu kulilkutjiinya Mama Kuurrtu yarnangu pirninya tjarraranyangka.Tjiinya-tjananya yarnangu palyamunu pirninya tjarralku.Palunyangka-ya purtu kulilku Mama Kuurrku yungarrapirtingka nyinakitjalu.6Nyangka-ya yarnangu nyarra yiwarra tjurrkurlwana mapitjalayirni,palunyanya-tjananya Mama Kuurrtu miranykanyira kanyinma.Nyangka yarnangu palyamunu pirninya-yamirrikutu mapitjalayirni yiwarra palyamunuwana.