Psalms
1
/
nna_wbt
share
Share
Psalm 1
1
Pikaly yiji nyarrarrangu marrngurrangu yakal manakata kurlujartiny jinakatarrangumilaku muwarrku,
munu manal-manal jarrinyayijanaku kurlujartinyarrangumilingi jinangapa
munu kulurnayijaninyi palarrangu nyurni manakata Ngarrkaku.
2
Pikaly yiji waninyayi kurlkarri manajalu Ngarrkamilaku muwarrku, pinakarrinyayalu ngarrakunyju.
3
Miranu nyurra nyarra mungka yintamartaji waninyi,
ngalypa kakuputu,
mayi karrinyili ngalypakatapa
parrka munu tikirl jarrinyakayi.
Ngalypakata marrngurrangu palajunngarra mungkakapali.
Jurtulu jinayi nganiwarralpirti, ngalypa jarrulinyjanaku.
4
Munu yiji yakujun kurlujartiny jinakatarrangu marrngurrangu;
jana nyarra ngapikapali, yapinajakapali mayikurnukapali, wangalju kanganyi.
5
Ngarrkalu marrjalu wirlalkulinyjaninyi.
Palinyju jinta pilkulinyjaninyi,
jana munu wantulupiyijanaku palinymilirrangungu.
6
Ngarrkalu tukulu kalkunajaninyi palinymilirrangu jurtungu ruwurtungu.
Wariny yiji kurlujartiny jinakatarranguku,
jana yananyayi yijakarti yiji kurluny-kurlunykarti.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter