1Ubala kamba munhu yazengile ng'anda yake,ng'anda ili na mhanda saba .2Kachinja wanyama wa nyimwilinyimwili,kaihanganya divai yake,vivija kaitanda meza.3Kawatuma wasang'hanaji zake wa kitwanzi kudibuga,wawakeme wanhu kulawa kila hanhu henuke.4“Munhu yoyose yeli zozolo yeze hano!”Na kwa yoyose hagelegeza goya,5“Izo uje ndiya,na ung'we divai inihanganye.6Mweye mizozolo lekeni kukala kamba avo ili mupate kuwa wagima,kwelelezeni nzila ya nzewele.”7Yomzuma munhu yeli na bezi kokwambulila maligo,yomkomhokela mtenda gehile kokwambulila kulumila.8Sambi umzume munhu yeli na bezi kwavija kokwihila,mzume munhu yeli na ubala, heyo kokunogela.9Mfunze munhu yeli na ubala,na heyo kokwengeza kuwa na ubala.Mfunze mwene haki na heyo kogendelela kuifunza.10Kumdumba Mndewa Imulungu awo mwanduso wa ubala,na kumtanga ija yang'alile ako kuwa na nzewele.11Kwa kutazigwa na niye ubala siku zako zokwengezigwa,kokwengeziligwa miyaka mingi muugima wako.12Kamba kuna ubala, okufaya gweye mwenyego,na kamba wahaubezeli, gweye mwenyego ayo yonda upate hasala.
Nzila ya ubozi
13Mtwanzi mbozi kana gubu,mbozi na hatanga kinhu.14Kokala hamulango wa ng'anda yake,kokwika kigoda chake hanhu henuke kudibuga.15Kowakema wanhu obita nzila,awo ochola mna izisang'hano zao.16“Munhu yoyose yeli zozolo yeze hano!”Na kwa yoyose hagelegeza goya,17“Mazi gebigwe gamulile ng'hani,na gate didigwa kinyelegezi damulile ng'hani.”18Lakini hatanga kamba wafile wamumo,wageni wa mtwanzi ayo wa hasi kuzimu.