Read ሌሚሶ ማጻፋ 9

ሌሚሶ ማጻፋ9gmv_etw

ኣ ኤራቴኔ ኤያቴ

¹ኣ ኤራቴያባስ ኬ ኬጻዱስ፤ኬስ ላፑንቱሳታ ኤሳዱስ።²ኢዛ ሞ ሜሄ ሹካዱስ፤ዎይኔ ኡሹ ኣጋዱስ፤ማዳካ ጊጊሳዱስ።³ሂስታዳ ኣሳ ጼይጋናስባ ማጫ ኣይሌታ ኪታዱስ።ኢዛ ካታማይፔ ቃ ሶንኤቃዳ ጼይጋዱስ፤⁴«ኢንቴኖ! ኤራይ ፓጪዳይቶሃ ጌሊቴ!» ጋዱስ።ኤያታካ ኢዛ፥⁵«ሃ ዪዲ ታ ቁማ ሚቴ፤ታኒ ኣጊዳዎይኔ ኡሻካ ኡዪቴ!⁶ኢንቴ ኤያቴ ኦጌዛ ኣጊቴ፤ኢንቴ ሼምፖራ ፓጻ ዴኣና፤ኣኬካ ኦጌን ሄሜቲቴ» ጋዱስ።⁷ቂልጪዛ ኣስ ሴሪዛ ኣሲ ኡባይባስ ጫሼ ካላና፤ኢታ ኣስ ዞሪዛዴይካባስ ካዉያና።⁸ቂልጪዛ ኣስ ዞሮፓ፤ኔ ኢዛ ዞሪኮ ኢዚ ኔና ኢጻና።ኣ ኤራንቻ ኣስ ሴራ፤ኔ ኢዛ ሴሪኮ ኢዚ ኔና ዶሳና።⁹ኣ ኤራንቻ ኣስ ታማርሳ፤ሂስቲኮ ኢዚ ካሴይሳፌካኣ ኤራንቻ ጊዳና።ጺሎ ኣስ ታማርሳ፤ሂስቲኮ ኢዚ ኤራቴ ጉጃና።

¹⁰ኣ ኤራቴስ ኮይሮይጎዳስ ያሻቴ፤ጌሻዛ ኤሮይካ ኣኬካ።¹¹ታ ጋሶን ኔስ ባሬይ ኣዱቃና፤ኔስ ዴኦ ላይይካ ጉጄታና።¹²ኔኒ ኣ ኤራንቻ ጊዲኮጎኤታና፤ኔ ቂልጪዛዴ ጊዲኮ ቆሄታና።

¹³ኤያ ማጫሲ ዎጫማ ዳራዉስ፤ኢዛ ባና ሃሩኩ፤ኢዛ ኣይኮካ ኤሩኩ።¹⁴ኢዛ ባ ካሬን ኡታ ፔኣዉስ፤ካታማ ጊዶን ቃሶኬዛ ኡታዉስ።¹⁵ሄራ ኣባ ኦጌ ቢዛይታ ጼይጋዉስ።¹⁶ኢዛካ ዎዚና ፓጬታስ፥«ኢንቴኖ! ኣኬካይ ፓጪዳይቶታኮ ሃ ዪቴ።¹⁷ካይሲ ኡዪዛ ሃ ማልኤስ፤ጌማን ሚዛ ቁማይካሱኬሴስ» ጋዉስ።¹⁸ጊዶ ኣቲን ሃይቂዳ ኣሳይሄን ዴኢዛይሳ፥ኢዚ ኢማቲካ ዱፎ ጊዶንዲዛይሳ ኢስቲ ኤሬቴና።

ሌሚሶ ማጻፋ 9 / gmv_etw

ኣ ኤራቴኔ ኤያቴ

ሌሚሶ ማጻፋ9gmv_etw