1Nɨghnɨzir aghuim, mati amizir mam tughav ikiaegha en dei.2Egha a tuavimɨn boroghɨra itir danganir pɨn tibar tuivav ikiaegha uaghan tuavir akabar tuivav iti.3Egha a nguibar ekiamɨn danganir uari akuvimɨn tughav ikia,kamaghɨn dei,4“Kɨ gumazamiziba bar ian dei.5Ia gumazir fofoziba puvatɨziba, ia izi fofozim ini.Ia gumazir nɨghnɨziba puvatɨziba ia nɨghnɨzir aghuim ini.6Ia deraghvɨra na baragh, kɨ akar bar aghuim ia mɨkɨmasa.Nan akam guizɨn araziba ian akagham.7Kɨ zurara guizbangɨn akamɨn gun ia mɨgei.Kɨ akar kurar maba bar adar aghua.8Nan akaba da guizbangɨra.Kɨ akar ifavarir tam mɨkemeghan kogham.9Gumazir nɨghnɨzir aghuim ko fofozim itiba,me bar nan akam gɨfogha ghaze, akar kam bar guizbangɨra.10Nan aghuzir akaba ko fofozim, aning bar deragha silva ko golɨn aghuim gafira.Kamaghɨn ia silva ko gol bagh nɨghnɨghan markɨ. Ia pamtem nan akaba inisɨ nɨghnɨgh.11“Kɨ uabɨ kɨ nɨghnɨzir aghuim, egha kɨ dagɨar igharagha gari bar pɨn koziba kobizir ia bar ifongezibagh afira.12Kɨ dabirabir aghuimɨn arazim gɨfo.Egha kɨ fofoziba bar iti, egha kɨ biziba bar da tuisɨghamin fofozim iti.13Ezɨ gumazir Ikiavɨra Itir Godɨn apengan ikia an atiatiba, me arazir kurabar aghua.Kɨ, akaba batozir arazim ko, gumazamiziba uarira uan ziaba fer arazim ko, bizir kurabagh amir arazim ko, akar ifavaribav geir arazim, kɨ bar dar aghua.14Kɨ nɨghnɨzir aghuim gumazamizibar anɨngɨva, egh men akurvaghtɨ me ingangarir aghuibar amuam.Kɨ nɨghnɨzir aghuim ko gavgavir ekiam iti.15Kɨ atriviba ko gavmanɨn gumazir dapanibar akurvazima me uan kantribagh ativagha bar deraghavɨra men gara,egha arazir aghuiba arɨsi, eghtɨ men kantribar gumazamiziba arazir aghuibar gɨntɨgham.17Ezɨ gumazamizir manaba gavgavigha na buri, me nan ganam.Ezɨ gumazamizir manaba na gifonge, kɨ uaghan bar me gifuegham.18Kɨ ziar ekiam ko dagɨar avɨriba isɨ gumazamizibar anɨngasa.Kɨ men akurvaghtɨ me arazir aghuimɨn gɨn mangɨva, bizir bar aghuiba iniam.19Ezɨ bizir kɨ me ganɨdiba,bar guizɨn gol ko guizɨn silva gafira.20Kɨ zurara arazir aghuimɨn gɨntɨsi.Kɨ dughiaba bar guizɨn arazibar gɨn zui.21Kɨ bizir aghuir avɨriba gumazir na gifongezibar dɨpenibagh arɨsi.Ezɨ men dɨpeniba bar izefi.22“Bar fomɨra fomɨra, Ikiavɨra Itir God tɨghar bizibar ingaramin dughiam, a faragha nan ingari.Egha a gɨn bizir igharazibar ingari.23Bar fomɨra, a tɨghar nguazimɨn ingaram,a nan ingarizɨ kɨ iti.24A tɨghar ongarim ko dɨpabar ingaram,kɨ faragha oto.25A tɨghar mɨghsɨar ekiaba ko dozibar ingaram, kɨ faragha oto.26A nguazir asɨzir zariba ko nguazir mɨnemɨniar tamɨn ingarizir puvatɨzɨ,kɨ faragha oto.27Kɨ Ikiavɨra Itir God ko itima, an overiam gamizɨma, an oto.Kɨ itima, an overiam ko ongarim uaning mitivi naghɨn mɨtaghniam atɨ.28Kɨ itima, a ghuriabagh amizɨma da overiamɨn iti.Kɨ itima, a dɨpabagh amizɨma da nguazim abɨgha anaga nguazim bar agizɨvazɨ ongarir ekiam oto.29Ezɨ an Akar Gavgavimɨn ongarim mɨgɨa ghaze, Ongarim, nɨ izɨvagh mangɨ mɨtaghniar kɨ atɨzimɨn tugh, egh an ikiavkɨnan markɨ.Kɨ itima, God nguazim ikiamin danganimɨn abara.30Ikiavɨra Itir God ingangarir kabagh amir dughiamɨn, kɨ a ko itima a na mɨsevezɨ, kɨ mati fofozir gumazim ingangarimɨn gari.Dughiaba zurara kɨ a ko itima, a na bagha bar akonge. Ezɨ kɨ uaghan a ko ikiasa bar akonge.31Dughiaba bar kɨ nguazimɨn itir bizir a ingarizibar gara bar akonge. Egha kɨ gumazamiziba bagha bar akonge.Kamaghɨn amizɨ, kɨ Ikiavɨra Itir Godɨn damazimɨn bar akuegha ikia mamaghɨra iti.”32Ezɨ nɨghnɨzir aghuim ua kamaghɨn mɨgei, “Nan boriba, ia deraghvɨra nan akam baragh egh nan arazibar gɨn mangɨ.Ia kamaghɨn damuva, ia bar akuegham.33Kɨ ian sure damutɨ, ia nɨghnɨzir aghuim ko fofozim iniam.Egh ia akɨrim ragh nɨghnɨzir kam gasan markɨ.34Gumazamizir deraghvɨra nan akam baraziba, me bar akongegh.Me zurara dughiabar iza nan dɨpenimɨn tiar akamɨn boroghɨra tuivav ikia egha na mɨzuai, ezɨ kɨ akam me ganɨdi.35Na inizir gumazamiziba, me ikɨrɨmɨrir aghuim isi.Ezɨ Ikiavɨra Itir God bar me gakonge.36Ezɨ gumazamizir na inizir puvatɨziba, me uarira uarigh asɨghasɨsi.Ezɨ gumazamizir bar na gifongezir puvatɨziba, me mati gumazamizir ovevem gifongeziba.”