ኮኦኪንሢ ማፃኣፔ8mdy_twf

ዔራቶ ዔኤላ ዔኤሊሢ

1ዋይዙዋቴ! ዔራቶ ዔኤሊንታኔ፤ማሊ ጶቂሥሢያ ዑኡዞ ፔኤኮ ዋይዚሳኔ።2ጎይፆ ኮይላ ዓኣ ጌሜሮናጎይፃ ዎላ ካኣማ ካኣማ ካራኣ ዔቃኔ፤3ካታሞ ጌሎ ካራ ዔቂ ሂዚ ጌይ ዒዛ ዔኤሊንታኔ፦4«ዓሲዮቴ! ዒንሢና ቢያ ታ ዔኤላኔ፤ዓሲ ዜርሢ ቢያ ታ ዔኤላኔ፤5ዒንሢ ዔራቶባኣ ዓሳ፥ ዔራቶ ዴንቃኒ ኮዑዋቴ፤ዒንሢ ዔኤዮ ዓሳ፥ ማሊ ጶቂሥሢ ሚኢሼ ማሁዋቴ።6ታ ዒንሢም ኬኤዛ ዼኤፒ ባኣዚ ዓኣሢሮ ዋይዙዋቴ፤ታ ዻንጋፓ ፒዜ ባኣዚ ኬስካኔ።7ታኣኒ ጎኔ ማዔ ባኣዚ ኬኤዛኔ፤ፑርቱሞ ታ ኮራ ዒፂንቴ ባኣዚኬ።8ታኣኒ ኬኤዛ ባካ ቢያ ጎኔኬ፤ዎቦ፤ ጊንሣ ሃሣ ዺዺንቴያቱዋሴ።9ማሊ ጶቂሥሢ ዓኣ ዓሲም ቢያ ባካ ፔጋኣኬ፤ዔራቶ ዓኣ ዓሲማኣ ፒዜ ማዒ ጴዻኔ።10ቢራይዳፓ ባሼ ታ ዞሮ ዶኦሩዋቴ፤ጌኤሺ ዎርቄይዳፓ ባሼ ዔራቶ ዶኦሩዋቴ።»
11«ታኣኒ፥ ዔራቶ ሚዛጶ ሹጫፓ ባሼ ማዔሢሮዓይጎ ባኣዚያ ዒንሢ ዓፃዼቴ ታኣና ዎላ ሄካንዳይ ፔቴታዖ ባኣሴ።12ታና፥ ዔራቶኮ ማሊ ጶቂሥሢ ዓኣኔ፤ዔራቶና ፒዜ ጌስቲሢና ታኣሮኬ።13ፑርታ ባኣዚ ዒፂሢ ናንጊና ናንጋ ጎዳ ዒጊጪሢኬ፤ታኣኒ ዖቶርሙሞና ሄርሺንቲና ዒዒፃኔ፤ፑርታ ጎይሢና ዎቦ ጌኤሲና ታ ናሽኩዋሴ።14ዞሮና ኮሺ ዔራቶና ታጊዳፓ ጴዻኔ፤ማሊ ጶቂሥሢና ዶዱሞና ታኣሮኬ።15ታ ዎልቄና ካኣታ ዎይሣኔ፤ሱኡጎ ማዒ ዶኦሪንቴ ዓሳ ፒዜ ዳምቤ ጊኢጊሻኔ።16ታ ማኣዴም ሱኡጋ ዎይሣኔ፤ሃሣ ዖሎ ዓሶ ሱኡጋኣ ዓጮ ዎይሣኔ።17ታኣኒ ታና ናሽካዞንሢ ናናሽካኔ፤ታና ኮዓዞንሢ ዴንቃንዳኔ።18ዖርጎቹሞና ቦንቾና ታ ኮይላ ዓኣኔ፤ጋፑዋ ቆሎና ዲጪሢና ታኣሮኬ።19ታጊዳፓ ዒንሢ ዴንቃ ባካ፦ጌኤሺ ዎርቄና ሼኤሺ ጊኢጊሾና ቢራናፓኣ ባሻያኬ።20ታ ጎይፃ ፂሉሞ ጎይሢኬ፤ታ ሃንታሢ ፒዜ ዎጌ ጎይሢኬ።21ታና ናሽካዞንሢም ቆሎ ታ ዒንጋንዳኔ፤ማኣሮ ታ ዔያቶኮ ዖርጎቹሞና ኩንሣንዳኔ።»
22«ናንጊና ናንጋ ጎዳ ቢያ ባኣዚኮ ቤርታ ታና ማዤኔ፤ሚና ዓዓርቃዖ ዒዛ ማዾኮ ታና ቤርቲ ማሄኔ።23ሳዓ ማዢንታንዳሢኮ ቤርታሚርጌ ዎዴኮዋ ቤርታ ታ ዶኦሪንቴኔ።24ዓልቃ ዋኣፃ ዓልቃንዳሢኮዼኤፖ ባዞ ዋኣፃኣ ጴዻንዳሢኮ ቤርታ ታ ሾይንቴኔ።25ዹኮና ጌሜሮና ማዢንታንዳሢኮ ቤርታ ታ ሾይንቴኔ።26ፆኦሲ ሳዖ ቢያ ማዣንዳሢኮ ቤርታሃሣ ጊንሣ ቤርታሳ ዓጫታዖ ማዢንታንዳሢኮ ቤርታ ታ ሾይንቴኔ።27ናንጊና ናንጋ ጎዳ ጫሪንጮ ዼጊዲ ሚጬ ዎዶናሳዖኮ ዑፃ ዓኣ ጉሮ ቤዞዋ ዼኤፖ ባዞኮ ዑፃ ማሂ ጊኢጊሼ ዎዶናታኣኒ ዒኢካ ዒዛና ዎላኬ።28ሻኣሮ ሳዖኮ ዑፃ ጉሮ ቤዛ ዒ ጌሤ ዎዶናዼኤፖ ባዞኮ ዓልቃ ካሮ ቡሌ ዎዶና29ባዞ ዋኣፃ ዔያቶም ጌይንቴ ቤዛፓ ዑሣሌካ ዼግ ጎዑዋጉዲ ዒ ዓይሤ ዎዶናሳዖኮ ዓይፆ ካሮ ዒ ዶዲሺ ማዤ ዎዶናታኣኒ ዒኢካ ዒዛና ዎላኬ።30ዒማና ታኣኒ ዔርቴ ማዻ ዓሲ ማዒ ዒዛና ዎላ ዓኣኔ፤ቢያ ኬሊ ታ ዒዛ ዎዛሳኔ፤ታኣኒያ ዒዛ ቤርታ ዎዛዻኔ።31ዒዚ ማዤ ዓጮሮ ታ ዎዛዻኔ፤ዓሶ ዜርፆሮዋ ታ ኮኦማኔ።»
32«ታ ናይዮቴ! ዋይዙዋቴ፤ታ ጎይፆ ሃንታዞንሢ ዎዎዛዻኔ።33ታ ዞራ ዞሮ ማሊ ጶቂሡዋቴ፤ጪንጫ ማዑዋቴ፥ ቄል ጌይፖቴ።34ታኣም ዋይዛሢቢያ ዎዴ ታ ካሮይዳ ዶዲ ጴዻሢታ ማኣሪ ጌሎ ካሮ ኮይላ ታና ካፓ ዓሢ ዓንጂንቴያኬ።35ታና ዴንቃሢ፥ ሼምፖ ዴንቃኔ፤ናንጊና ናንጋ ጎዳይዳፓኣ ቦንቺንቲ ዴንቃንዳኔ።36ታና ዴንቁዋ ዓቴሢ ፔጊዳ ሜቶ ዔኪ ዬዓኔ፤ታና ዒፃሢ ሃይቢ ናሽካኔ።»
expand_more
Search