BIGIVAKALA8kij_png

Kala yakaula kabitam

1Ka, kunakaigalaisi - kabitam idoudou.Nanamsa duwosisia ikaigivakaveka mwada availa bilagi.2Itotu wa koya e osiusiula keda,e tuvaila okadilalavi.3Itotu okadumilagela valu,e opapala kalapisila idoudou kawala,4“Yokomi tomota komwaidomi, kunakaigalaigusi!Adoudou baisa komwaidomi mina watanawa.5Yokomi toninitaboda ibodi bitalapula ninami.E yokomi toninagowa ibodi bukunanamsasi duwosisia.6Kunakaigalaisi ulo biga saina bwainigaga.Komwaidona avaka alukwaimi baisa duwosisia goli.7Baisa avaka alivala biga mokwita wala.Toubuwabu si sasopa ivigaki kwekukologu.8Komwaidona avaka alivala baisa mokwitatoula,e gala avai tuta basasopa kaina bakimiliwoli biga.9Availaga toninitalapula, matauna bigisimlili vavagi komwaidona,e availa tokwateta vavagi bidubadu,matauna bidoki vavagi komwaidona migileu wala.10Ibodi bukukwauwaisi ulo vituloki kaimapula siliba.Ibodi bukukwauwaisi nikoli kaimapula goula.
11“Yeigu goli Kabitam. Yeigu akalisuwoli veiguwa kala bwaina.Gala avai vavagi ibodi bukuvitopataisi deli yeigu.12Yeigu goli Kabitam, isim ulo ninitalapula.Anikoli vavagi bidubadu,e tuta tuta aninagi avaka duwosisia.13Kidamwa kutemmalaisi Guyau,e baisa bivigaki mitugaga kwekukolomi wala.Vavagi makwaisina kwekukologu -nona walakaiwa deli kaluvalova,e mitugaga deli biga sopa.14Aninamsi avaka bavagi, e oluvi avagi makawala.Isim ulo ninitalapula, e yeigu goli topeula.15Gweguya apilasi kidamwa bigiyoubwailasi,e tokwaraiwaga apilasi kidamwa bibubulaisi karaiwaga duwosisia.16Komwaidona guyousi mina watanawa ikaraiwogaisi si tomota metoya ogu pilasi,todidabala deli gweguya makawala goli.17Ayebwaili availa availa matausina iyebwailigusi.Availaga ininevaigu, bogwa goli gagabila bibanaigu.18Aiyosi guguwa deli kamaiaba,e tuvaila aiyosi yubwaila e deli sibwabwaila paila balilasi.19Baisa avaka basakaimi ikalisuwoli goula kweminabwaita,e kala bwaina ikalisuwoli siliba migileuwokuva.20Yeigu aliloula okedala bubunela bwaina,e abokuli makadana kedala karaiwaga duwosisia,21e matausina iyebwailigusi asaiki guguwa,deli si bwala avakasau veiguwa.
22“Guyau ibubulibogwaigu oluviga vavagi komwaidona,e yeigu goli kwaimatala la bubuli omitibogwa.23Okala vitouula vavagi komwaidona ibubulaigu,igau tokinabogwa goli, igau gala bikaloubusi valu watanawa.24Igau gala isim bolita, yeigu akaloubusibogwa,tutala gala avai sopi bititayelu ambaisa.25Igau gala ikaloubusisi koya kwevakaveka,tutala gala bisaili koya kwekikekita okabasi, yeigu akaloubusibogwa.26E tutala Yaubada gala bibubuli valu watanawa deli bigulela,e gala goli bibubuli yelitala pwaipwaia, e ka, yeigu akaloubusibogwa.27Tutala isaili labuma okabala, yeigu asibogwa,avai tuta isaili valu obusibusi pilatala bila pilayuwela.28E tutala isaili lowalowa wa labuma,deli iulaim sopila bolita bigibwabula bimwena,29e iluki sopila milaveta bimwaimwenae gala bikalisau avai kalitutila eisaili,e yeigu goli asibogwa.Yeigu asibogwa wala tutala ikusoi tumilela valu watanawa,30e yeigu lasisu otalila makawala topilasi,e yam yam yeigu labudoboda nanogu kala mwamwasila,e tuta komwaidona lammwasawa wala omatala.31Lammwasawa paila komwaidona valu watanawa,deli goli iyomwasali nanogu paila komwaidosi mina watanawa.
32“E tubovau, ka, kunakaigalaigusi.Kuvagaisi avaka lalivali, e bukumwasawasi.33Kulagaisi avaka bavitulokaimi, e bukukwabitamsi.Gala sitana bibodi bukupakaisi kami vituloki.34Availa binakaigalaigu, e matauna bogwa bimwasawa.Matauna yam yam itotu ogu lulu,e itulotula ogu bwala ola kabosusuvi.35Availa bibanaigu, matauwena bogwa bibani momova,e Guyau bimwamwasila nanola paila matauna.36Availa gala bibanaigu, matauna iyomiyuyu titoulela.Availa idokaigu tokukolola, matauwena goli iyebwaili kaliga.”
expand_more
Search