Nongezi8kdc_pbt

Usenga wa ubala

1Tegelezeni ubala kokemelela,nzewele yotowa lukenze.2Uchanha kulugongo behi na nzila mhanda,baho kuyemile.3Behi na milango ya kwingilila kudibuga,hanhu kuwokwingilila wanhu kokema kwa sauti,4“Mweye wanhu wose,nowakema mweye!lukemo lwangu mbuli ya mweye iwanhu.5Mweye mizozolo, ifunzeni ubala,mweye wabozi, gelegezeni goya.6Munhegeleze kwavija gaja ganilonda kulonga ganoga,mmulomo wangu molawa mbuli za haki.7Mulomo wangu olonga ukweli wiiyeka,nowihila uvizi kulawa mmulomo wangu.8Mulomo wangu olonga gaja ga haki,mbuli za mulomo wangu hazipindile hebu kwiha.9Kwa munhu mwene nzewele kila kinhu kigoloka,kwa waja otanga vinhu gose ga haki.10Sagula kuzumwa kwangu, badala ya shaba,na kutanga vinhu badala ya zahabu ing'alile.
11Kwavija ubala nofaya kubanza mabwe ga bei ng'hulu,chochose chonda usulukile hakiigala na niye.12Niye ubala nokala na nzewele, na notanga vinhu na nosagula goya.13Kumdumba Mndewa Imulungu kuigala na kwihila gehile,nokihila kibuli na kuitapa,na ukazi wihile, na ulonzi wihile.14Nina udahi wa kulava ubala na kulamula vinogile.Nina nzewele na nguvu.15Kubitila niye wandewa otawala,wakulu otagusa kwa haki.16Kwa bazi jangu vilongozi otawala,na wakulu olamula.17Nowanogela waja oninogela,na waja onizahila onyona.18Ugoli na heshima va kumwangu,ugoli ukalaga na kumweda.19Matunda gangu ganoga kubanza zahabu ing'alile,faida yangu inoga kubanza shaba inogile.20Notembela mwiinzila ya gaja golondigwa na Imulungu,nokweleleza nzila ya haki.21Niye nowagwaa uhazi waja oninogela,nozimemeza ngama zao waja oninogela.
22Mndewa Imulungu kanilumba mwanduso wa sang'hano yake,yang'hali hanalumba chochose.23Nitendigwa mwanduso kipindi acho,isi ing'hali hainalumbigwa.24Nivumbuka ving'hali vidibo va bahali havinalumbigwa,hebu nzasa hazikalile baho bule.25Vigongo ving'hali havinalumbigwana visugulu havinasimikigwa hanhu hake niye ng'hala baho,26yang'hali hana ilumba isi na migunda,wala timbwisi da isi hadinalumbigwa.27Ng'hala baho kipindi viyalumbile ulanga,viyacholile msitali wakulola kwa meso mkihanga cha bahali,28kipindi viyaugangamize ulanga,na kuzigwaa nguvu mbwibwi za mbahali,29kipindi viyekile imbaka ya bahali,mazi sikugabene lagizo jake,na kipindi viyekile chandusilo cha isi.30Ng'hala hamoja nayo kamba galu wa sang'hano,ng'hala deng'helelo yake kila siku,nideng'helela siku zose,31noideng'helela isi na vose vikala mumo,na deng'ho jangu dikala kwa wanhu.
32Avo, wanangu, nitegelezeni,kwavija wamweda hewo okweleleza nzila zangu.33Tegelezeni mafundizo gangu mupate ubala,sambi mugaleme.34Kamweda munhu yonitegeleza,iyokala kila siku mmulango wangu,iyokala behi na ikizingiti changu.35Yomhata niye kapata ugima,konogeligwa na Mndewa Imulungu.36Yong'hosa niye koinanga mwenyego,wose onihila niye onogelwa na ifa.”
expand_more
Search