Leemiso Maxaafa8gof_ltw

Cincatetha Oge

1Cincatethi xeegawusu; si7ite;akeeki ba qaala dhoqu oothida sissawusu.2Oge doonan de7iya zumata bollannedaggala ogiyan iya eqawusu.3Dirsa penge matan, katamaa geliya pengen eqada,ba qaala dhoqu oothada haysada yaagawusu.4Asaw, ta hintena xeegayis;asa koche ubbaa xeegayis.5Hinteno eratethi baynaysato eratethi tamaarite;hinteno eeyato, akeeka demmite.6Taani lo77oba odiya gisho si7ite;taani doonape suurebay keyees.7Taani tuma odetayis;wordoy ta matan ixetidaba.8Ta oday tuma;geella woyko mirqethi gidenna.9Akeeki de7iya uraas ta oday like;eri de7iya uraas ta oday qonce.10Birape aathidi ta zoriya doorite;geeshsha worqafe aathidi eratethi doorite.11Cincatethi zo7o al7o shuchafe aadhees;ne amotiya ubbay iira liketenna.12Taw, cincatethas akeeki de7ees;eratethinne shaakidi eroy tabaa.13Godaas yashshi iitatethi ixo;taani otoronne ceeqetethi ixayis;iita ogenne wordo oda dosike.14Zoreynne lo77o eray tabaa;akeekinne wolqi taw de7ees.15Kawoti ta baggara kawotoosona;haareysati suure higge ta baggara kessoosona.16Halaqati ta maaddin deriya haaroosona;biitta aysiya gita asata ta maaddayis.17Tana doseyisata ta dosayis;tana minthidi koyeysati demmana.18Duretethinne bonchoy taara de7oosona;wuronna shaloynne injey ta matana.19Hinte taape demmiya go77ay,geeshsha worqafenne birape aadhees.20Ta xillotetha ogen hemetayis;suure pirda ogiyara kanthayis.21Tana doseysatas ta shalo immana;enta keethaa duretethan kunthana.22“Goday tana ubbaafe koyro medhis;benipeka iya oosuwas doomethay tana.23Alamey medhetanaape kasetaani shuumetas.24Abbay bayna wode, pultoti dhuuqonnade7ishin ta yeletas.25Deretinne zumati medhetanaapesinthe ta yeletas.26Goday sa7aanne sa7an de7iya ubbaa medhanaape sinthewoyko koyro kophe biittay oosetanaape sinthe ta yeletas.27Goday salota miccida wode,abbatape bollara salo gufantho giigisida wode,taani yan de7ayis.28Goday shaarata bollara wothida wode,abba pultota dhuusida wode,29abba haathati imetida zawape pinnidi, bolla aadhonada,I enta kiitida wode sa7aa baasuwa minthida wode,taani yan de7ayis.30He wode ta iya matan waanna oosancho;ubba wode ta iya ufaysayis;tawuka iya sinthan ufaytayis.31I medhida alamiyan ufaytayis;asa naytika tana ufaysoosona.
32“Hiza ta nayto, si7ite;ta odeysada ootheysati anjetidaysata.33Ta timirtiya si7ite; cinca gidite;si7idaba dogopite.34Taani odidaba si7iya uray,gallas gallas ta pengiyan bentiya uray,ta pengiyan naagiya uray anjetidaysa.35Tana demmiday de7o demmees;Godaape saba ekees.36Shin tana demmonna uray bana qohees;tana ixiya ubbay hayqo dosees.”
expand_more
Search