Read ሌምሶ ማፃፋ 8

ሌምሶ ማፃፋ8gof_etw

ጭንጫተ ኦገ

¹ጭንጫተ ፄጋዉሱ፤ ስእተ፤አኬክ ባ ቃላ ቁ ኦዳ ስሳዉሱ።²ኦገ ዶናን ደእያ ዙማታ ቦላነዳጋላ ኦግያን እያ ኤቃዉሱ።³ድርሳ ፐንገ ማታን፥ ካታማ ገልያ ፐንገን ኤቃዳ፥ባ ቃላ ቁ ኦዳ ሀይሳዳ ያጋዉሱ።⁴አሳዉ፥ ታ ህንተና ፄጋይስ፤አሳ ኮቸ ኡባ ፄጋይስ።⁵ህንተኖ ኤራተህ ባይናይሳቶ ኤራተ ታማርተ፤ህንተኖ ኤያቶ፥ አኬካ ደምተ።⁶ታኒ ሎኦባ ኦድያ ግሾ ስእተ፤ታ ዶናፐ ሱረባይ ከዬስ።⁷ታኒ ቱማ ኦደታይስ፤ዎርዶይ ታ ማታን እፀትዳባ።⁸ታ ኦዳይ ቱማ፤ጌላ ዎይኮ ምርቀ ግደና።⁹አኬክ ደእያ ኡራስ ታ ኦዳይ ልከ፤ኤር ደእያ ኡራስ ታ ኦዳይ ቆንጨ።¹⁰ብራፐ አድ ታ ዞርያ ዶርተ፤ጌሻ ዎርቃፈ አድ ኤራተ ዶርተ።¹¹ጭንጫተ ዞኦ አልኦ ሹቻፈ አስ፤ነ አሞትያ ኡባይ ኢራ ልከተና።¹²ታዉ፥ ጭንጫተስ አኬክ ደኤስ፤ኤራተነ ሻክድ ኤሮይ ታባ።¹³ጎዳስ ያሽ ኢታተ እፆ፤ታኒ ኦቶሮነ ጬቀተ እፃይስ፤ኢታ ኦገነ ዎርዶ ኦዳ ዶስከ።¹⁴ዞረይነ ሎኦ ኤራይ ታባ፤አኬክነ ዎልቅ ታዉ ደኤስ።¹⁵ካዎት ታ ባጋራ ካዎቶሶና፤ሃረይሳት ሱረ ህገ ታ ባጋራ ከሶሶና።¹⁶ሀላቃት ታ ማድን ደርያ ሃሮሶና፤ቢታ አይስያ ግታ አሳታ ታ ማዳይስ።¹⁷ታና ዶሰይሳታ ታ ዶሳይስ፤ታና ምንድ ኮየይሳት ደማና።¹⁸ዱረተነ ቦንቾይ ታራ ደኦሶና፤ዉሮና ሻሎይነ እንጀይ ታ ማታና።¹⁹ህንተ ታፐ ደምያ ጎአይ፥ጌሻ ዎርቃፈነ ብራፐ አስ።²⁰ታ ፅሎተ ኦገን ሄመታይስ፤ሱረ ፕርዳ ኦግያራ ካንይስ።²¹ታና ዶሰይሳታስ ታ ሻሎ እማና፤ኤንታ ኬ ዱረተን ኩንና።²²“ጎዳይ ታና ኡባፈ ኮይሮ መስ፤በንፐካ እያ ኦሱዋስ ዶመይ ታና።²³አላመይ መታናፐ ካሰታኒ ሹመታስ።²⁴አባይ ባይና ዎደ፥ ፑልቶት ቆናደእሽን ታ የለታስ።²⁵ደረትነ ዙማት መታናፐስን ታ የለታስ።²⁶ጎዳይ ሳኣነ ሳአን ደእያ ኡባ መናፐ ስንዎይኮ ኮይሮ ኮጰ ቢታይ ኦሰታናፐ ስን ታ የለታስ።²⁷ጎዳይ ሳሎታ ምጭዳ ዎደ፥አባታፐ ቦላራ ሳሎ ጉፋን ጊግስዳ ዎደ፥ታኒ ያን ደአይስ።²⁸ጎዳይ ሻራታ ቦላራ ዎዳ ዎደ፥አባ ፑልቶታ ስዳ ዎደ፥²⁹አባ ሃት እመትዳ ዛዋፐ ፕንድ፥ ቦላ አናዳ፥እ ኤንታ ኪትዳ ዎደ ሳኣ ባሱዋ ምንዳ ዎደ፥ታኒ ያን ደአይስ።³⁰ሄ ዎደ ታ እያ ማታን ዋና ኦሳንቾ፤ኡባ ዎደ ታ እያ ኡፋይሳይስ፤ታዉካ እያ ስንን ኡፋይታይስ።³¹እ መዳ አላምያን ኡፋይታይስ፤አሳ ናይትካ ታና ኡፋይሶሶና።

³²“ህዛ ታ ናይቶ፥ ስእተ፤ታ ኦደይሳዳ ኦይሳት አንጀትዳይሳታ።³³ታ ትምርትያ ስእተ፤ ጭንጫ ግድተ፤ስእዳባ ዶጎፕተ።³⁴ታኒ ኦድዳባ ስእያ ኡራይ፥ጋላስ ጋላስ ታ ፐንግያን በንትያ ኡራይ፥ታ ፐንግያን ናግያ ኡራይ አንጀትዳይሳ።³⁵ታና ደምዳይ ደኦ ደሜስ፤ጎዳፐ ሳባ ኤኬስ።³⁶ሽን ታና ደሞና ኡራይ ባና ቆሄስ፤ታና እፅያ ኡባይ ሀይቆ ዶሴስ።”

ሌምሶ ማፃፋ 8 / gof_etw

ጭንጫተ ኦገ

ሌምሶ ማፃፋ8gof_etw