1I swɑɑ dɑkio.Bwisi yi ɡbɑ̃rɑmɔ, yɛ̃ru tɑ nɔɔɡiru sue.2Yi yɔ̃ ɡunɡunu wɔllɔ swɑɑ bɑɑrɔ kɑ swɑɑ kɛɛnɑnɔ.3Yi ɡbɑ̃rɑmɔ ɡɑmbon bɔkuɔ wuun duu yerɔmi bɑ rɑ siribu ko, yi mɔ̀,4bɛɛ tɔmbu, bɛɛyɑ nɑ soku,tɔn bibu kpurowɑ nɑ kɑ mɔ̀.5Lɑɑkɑri sɑribɑ, i de i n lɑɑkɑri mɔ.Gɑri bɑkɑsu, i bwisi koowo.6I swɑɑ dɑkio, kon bɛɛ ɡɑri bɛɛrɛɡii sɔ̃.Ye kon ɡere kpuro yɑ sɑ̃ɑwɑ dee dee.7Domi nɑ ku rɑ weesu ɡere, nɑ kɔ̃sɑ tusɑ.8Nɛn ɡɑri kpuro sɑ̃ɑwɑ ɡem,weesu kɑ tɑki sɑri yi sɔɔ.9Yi kpuro yi bururewɑ kpɑsɑsɑ bwisiɡiin mi.Mɛyɑ yi mɑɑ dɛɛre wi u yɛ̃ru mɔn mi.10I nɛn sɔ̃ɔsiru mɔɔ n kere sii ɡeesu,kpɑ i mɑɑ yɛ̃ru mwɑ n kere wurɑn tii.11Domi bwisi yi bɛɛrɛ mɔ yɑ kpɑ̃yɑ burɑ yɑ̃nu kpuro kere.Ye bɑ rɑ kɑsu kpuro sɔɔ,ɡɑ̃ɑnu sɑri ni kɑɑ kɑ yi weesinɑ.
Bwisi yi tii tusiɑmɔ
12Nɛ bwisi, nɑ rɑ ɡɑrin ɑsɑnsi tubu.Nɑ yɛ̃ru mɔ n kɑ ɡɑ̃ɑnu wunɑnɑ.13À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi.Nɑ tii suɑbu kɑ yɛ̃kɔkɑ kɔ̃sɑn kookoosu kɑ keetɑn ɡɑri tusɑ.14Nɑ rɑ tɔnu bwisi kɛ̃, kpɑ n nùn lɑɑkɑri wɛ̃.Nɛnɑ nɑ yɛ̃ru, nɛnɑ mɑɑ dɑm.15Nɛn sɑɑbuwɑ sinɑmbɑ kɑ bɑndu nɛni,mɑ wiruɡibɑ woodɑ wɛ̃ɛmɔ ye yɑ dee dee sɑ̃ɑ.16Nɛn somirun sɑɑbuwɑ sinɑmbu kɑ wiruɡibukɑ siri kowobu kpuro bɑ kɑ tem nɛni.17Be bɑ mɑn kĩ, nɑ mɑɑ bu kĩ.Be bɑ mɑn kɑsu, bɑ koo mɑn wɑ.18Arumɑni kɑ bɛɛrɛwɑ nɑ tɔnu wɛ̃ɛmɔkɑ mɑɑ dukiɑ ye yɑ ku rɑ sɑnkire.Kon de ye tɔnu mɔ kpuro yɑ n dɑ wɛ̃re.19Nɛn ɑre yi sii ɡeesu kɑ wurɑn tii bɛɛrɛ kere.20Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.21Nɑ be bɑ mɑn kĩ ɑrumɑni wɛ̃ɛmɔmɑ nɑ dukiɑ yibiɑmɔ ben beru yerɔ.22Yinni Gusunɔ u mɑn mɑrɑ u sere ɡɑ̃ɑnu kpuro tɑkɑ kuɑ.23Bɑ mɑn ɡɔsɑ bɑ yi yellun di n tɛbɑ sere hɑnduniɑ tɑkɑ kuɑ.24Bɑ mɑn mɑrɑ bɑ sere nim wɔ̃ku kuɑ,sɑnɑm mɛ nim bweru sɑri.25Bɑ mɑn mɑrɑ bɑ sere ɡuunu kɑ ɡunɡunu swĩi.26Sɑnɑm mɛ, Gusunɔ kun ɡinɑ tem tɛrie kɑ mɛn ɡbeɑ.Bɑɑ tuɑ, u ǹ mɑm kue.27Sɑɑ ye u wɔllu tɛriɑmɔkɑ nim wɔ̃kun bubenu,nɑ wɑ̃ mi.28Sɑnɑm mɛ u ɡuru winu doke wɔllɔ,mɑ nim mu kurɑ tem di mu tɛriɑ,nɑ wɑ̃ɑ mi.29Sɑnɑm mɛ u nim wɔ̃kun nim yɔ̃rɑ yeru sɔ̃ɔsiu nɛɛ, mu ku tu sɑrɑ,mɑ u tem tɑ̃sisiɑ,30nɑ wɑ̃ɑ win bɔkuɔ sɑ sɔmburu mɔ̀.Win nuku dobu wɑ̃ɑ nɛ sɔɔ bɑɑdommɑ.Nɑ ɡɔ̃ru dobu mɔ win wuswɑɑɔ,31kɑ hɑnduniɑ sɔɔ.Mɑ nɑ bɔri yɛndu mɔ tɔmbun suunu sɔɔ.
Doo nɔɔruɡiiwɑ wi u bwisin ɡɑri swɑɑ dɑki
32Ǹ n mɛn nɑ, nɛn bii durɔminu, i mɑn swɑɑ dɑkio.Doo nɔɔruɡibɑ be bɑ nɛn swɑɑ swĩi.33I sɔ̃ɔsiru wuro,i ku tu ɑtɑfiiru ko,kpɑ i bwisi ko.34Doo nɔɔruɡiiwɑ wi u mɑn swɑɑ dɑki,mɑ u rɑ n yɔ̃ nɛn dii kɔnnɔwɔ bɑɑdommɑu n mɑn mɑrɑ.35Domi wi u mɑn wɑ, u wɑ̃ɑru wɑwɑ,u koo mɑɑ Yinni Gusunɔn nɔnu ɡeu wɑ.36Adɑmɑ wi u mɑn torɑ u tii kɔ̃sɑ kuɑwɑ.Be bɑ mɑn tusɑ kpuro, ɡɔɔwɑ bɑ kĩ.