Aghuzir Akaba7msy_pbt

1Nan borim, akar kam bar pɨn ko,nɨ pamtem nan akamɨn suiraghtɨ a nɨn nɨghnɨzimɨn ikɨ.2Nɨ nan akam deraghvɨram an gɨn mangɨ, nɨ deraghvɨra ikiam.Egh deraghvɨra nan akamɨn gan, mati nɨ uabɨ uan damazim geghufi.3Nɨ nan akam inigh uan navim datɨghtɨ a ikɨ mamaghɨra ikiam,mati ring zurara nɨn dafarimɨn iti.4Nɨghnɨzir aghuim, nɨ ko mamaghɨra ikia, mati nɨn buaramizim nɨ ko iti.Fofozim, a mati nɨn roroar aghuim.5Eghtɨ gumazir igharazimɨn amuim uabɨ ko dakusɨ apezeperir akabar nɨ mɨkɨm nɨ gaghontɨ,nɨghnɨzir aghuimra nɨ mɨkemeghtɨ, nɨ an akamɨn gɨn mangan kogham.

Gumazir igiabar ikiangsɨzir akaba

6Dughiar mamɨn kɨ uan dɨpenimɨn aven winduan boroghɨn tughav ikiaegha tuavimɨn gari.7Egha kɨ gumazir igiabar garima me tuavimɨn mangɨgh zegh gami.Egha me nɨghnɨzir aghuiba ko fofoziba puvatɨ. Egha mav bar paza ghu.8Egha gumazir igiar kam,amizir kurar mamɨn dɨpenimɨn boroghɨn arui.9Ezɨ aruem iraghugha gɨvazɨ,amɨnim bar pɨrasava ami.10Ezɨ amizir kam tuavimɨn amizimɨn mɨn kurukegha, gumazir kam gekuigh uabɨ mɨkɨnasa.Egha amizim ghuava a bato.11Amizir kam, an aghumsɨzir puvatɨgha puv ifaghati,egha deragha dɨpenimɨn apiaghirir puvatɨ.12Egha a zurara gumaziba buriatuaviba ko biziba amadir danganiba ko uari akuvir danganiba bar dagh arui.13Ezɨ kɨ garima, amizir kam gumazir igiar kam muigha an tori.Egha an damazimningra gara egha kamaghɨn a mɨgei,14“Kɨ datɨrɨghɨn ofan mam gami,ezɨ ofan kamɨn asɨzir nar mam nan dɨpenimɨn iti.15Kamaghɨn amizɨ, kɨ uan dɨpenim ategha egha nɨ buriasa izi.Egha kɨ nɨ bato.16Kɨ uaghan mɨsiar aghuim uan dɨpenimɨn anekɨri.Egha kɨ Isipɨn kantrin inir avaver dirir aghuiba itiba isa, mɨsiar kamɨn da ghuani.17Egha kɨ pauran mughuriar bar aghuim zuiba,mɨsiar kam ginge.18Nɨ na ko izɨ!Ga uaning gikararangɨva daku mamaghɨra ikɨtɨ amɨnim tiragham.19Nɨ nan pamɨn atiatingan markɨ.A dɨpenimɨn itir puvatɨ. A saghon ghugha maghɨra iti.20A dagɨar avɨriba inigha da sara ghu. Egh zuamɨra izeghan kogham.Wighɨn pumuning gɨvaghtɨ a ua izam.”
21Egha amizir kam, gumazir kamɨn navim damutɨ a dɨkavasa,akar isɨngtɨzir aghuiba ko apezeperir akabar a gifarava a gakaghora an navim ginifi.22Ezɨ gumazir kam amizir kamɨn akam baregha zuamɨra amizir kamɨn gɨn dɨpenimɨn ghu,mati bulmakau me a mɨsueghtɨ an aremeghasa a inigha zui. Egha mati asɨzir mam azuazimɨn aven ghu.23Ezɨ gumazir kam kamaghɨn fozir puvatɨ, afuzitam an dɨghorim mɨtivam.A mati kuarazir mam mɨghegha ivem itir danganimɨn zui. Egha a fozir puvatɨ, ivem an suiraghtɨ an aremegham.
24O nan boriba, ia oragh,ia deraghvɨra nan akam baragh.25Ia uan naviba ateghtɨda amizir kamaghɨn amimɨn gɨn mangan markɨ.26Guizbangɨra, gumazir bar avɨribaamizir kamaghɨn amimɨn agharimɨn ariaghire.27An bighan zuir tuavim mati nɨ ovevem bagha fɨrim mɨkɨnigha ghu.Ia tuavir kamɨn mangam, ia Gumazamizir Oveaghuezibar Nguibamɨn zuir tuavimɨn ghugha gɨfa.
expand_more
Search