Eeyatethafe Haaka
1Ta na7aw, miishe tal7ida ne shooruwas waase gelidaba gidiko,hara asas kushe baqada caaqidaba gidiko,2ne caaqida ne caaquwan xihen gelidaba gidiko,ne doonape keyida qaalan oyketidaba gidiko,3hiza ne shooruwa kushen geladasa.Hessa gisho, ta na7aw, iyape keyanaw koyko,ne shooruwa soo bada waasetethane bollafe wothana mela aaddashada iya woossa.4Hessa oothonna de7ashe zin7ofa;dhiskoyka nena ekofo.5Shankafe gen7ey kessi ekiyada,gitepe kafoy attiyada nena ashsha.6Neno azallaw, zimadoko ba;iyape cincatethi tamaara.7Zimaddota kiittey baawa,halaqi woyko enta haarey baawa.8Shin bantaw maanaba bone minjoosona;kathi cakiya wode bantaw koshshiya kathaa shiishosona.9Neno azallaw, ne awude gakanaw dhiskay?Ne dhiskofe awude barkanee?10Neeni “guuthu zin7ana; guuthu dhiskana;kushe shiisha ekada guuthu shempana” yaagasa.11He wode manqotethi pangada,paci ola miishe oykida asada ne bolla yaana.12Laafanne iita asi yuuyidi oda mirqees;13I ba ayfen qam7otees;ba tohon bessees; ba biradhen mallees.14Iya ulon geellatethi de7ees; iitabaa qopees;ubba wode ooshshu medhees.15Hessa gisho dhayoy akeekona iya bolla yaana;I hassayonna meqana; zaaridi paxenna.16Goday ixiya usupun qommoti de7oosona;I shaatetiya qommoti laapuna;17kadhidi xeelliya ayfe,wordotiya inxarsi,xillo asata wodhiya kushe,18iitaba maqiya wozanaa,iitabaako woxanaw eesotiya toho,19Wordo bolla wordo gujiya wordo marka,ishata giddon ooshshi medhiya asi.Laymatethafe Naageta
20Ta na7aw, ne aawa kiita pola;ne aaye timirtiya aggofa.21Enta ubba wode ne wozanan oyka;ne qoodhiyan qacha.22Ne hemetiya wode enti nena kaalethana;ne zin7iya wode, enti nena naagana;ne barkiya wode enti nena zorana.23Godaa kiitay xompe; iya timirtey poo7o;iya seeray de7oko efiya oge.24Ha timirteti iita maccafennehara cimmiya maccasa inxarsafe nena naagana.25I mala lo77otethay nena qadhethofo;I qam7otoy nena di77ofo.26Issi addey guutha miishen layma maccas demmanaw danda7ees;shin hara asa macho laggethoy shempo ekees.27Tama idimminiya ma7oy meetetonna attey de7ii?28Tama bonqo yedhin,iya tohoy xuugetonna attey de7ii?29Asa macho laggethiya uray hessa mela;iyo bochiya ubbay seerettonna attenna.30Kaysoy koshatidi maanaw kaysiko,asi iya borenna.31Shin I oyketiyabaa gidiko,laapun kushe qanxana;ba son de7iya miishe ubbaa immana.32Shin maccasara laymatiya asi wozani bayna asi;he uray ba shempuwa dhaysees.33Deshethinne kawushi iya qaada;yeelli iyape qushetenna.34Qanaatey azinas yilo denthethees;halo kessiya wode iw qadhetenna.35I ay acaka ekenna;ay mela imotika iya hanquwa doshisenna.