Read YAASINƆ 4

YAASINƆ4bqp_sim

Gbɛ̃ zↄ̃kↄ̃ lɛ́damma

¹Ma nɛ́nↄ, à gbɛ̃ zↄ̃kↄ̃ lɛ́damma ma,à laakari dↄa de à asãnsi le.²Dↄ̃na súsun matɛn daárɛ,àsun pã kpá ma yãdannɛnaairo.³Kũ má kun nɛ́ ũ ma de ↄĩ,má busana ma da nɛ́ mɛ̀n do légelege ũ.⁴Ma de yã dàmɛnɛ à pì:Ǹgↄ̃ ma yã kũna n swɛ̃̀ɛ gũn,ǹ ma yãditɛnanↄ da ĩnigↄ̃ kun.⁵Ǹ ↄ̃ndↄ̃ kũ ǹgↄ̃ dↄ̃na vĩ,ǹsun sãsãi ǹ pã ma yãnɛro.⁶Ǹsun pã kpá ↄ̃ndↄ̃iro, ani n dãkpã,ǹgↄ̃ yei, ani ↄ kúmma.⁷Ǹ ↄ̃ndↄ̃ kũ, àkũmɛ yã sĩnda pínki mì ũ,ǹ dↄ̃na wɛtɛ kũ aruzɛkɛ kũ ń vĩo pínki.⁸Ǹ a kũ gbãngbãn, ani n kara,ǹ a kũ ↄplapla, ani bɛ̀ɛrɛ línnɛ.⁹Anigↄ̃ de fùra mana ũ n mìia,anigↄ̃ dennɛ kífura gakuride ũ.

¹⁰Ma nɛ́, ǹ sã kpá ma yãi,ǹ yã pì da, n wɛ̃̀ndi nigↄ̃ gbã̀na.¹¹Ma ↄ̃ndↄ̃ zɛ́ mↄ̀nnɛ,ma n da yã mana zɛ́n.¹²Tó ntɛn táa on, pↄ́ke ni kpánnɛro,tó ntɛn bàa lɛ́n, ĩni gɛ̃̀ síro.¹³Ǹgↄ̃ ma lɛ́damma kũna, ǹsun gbarɛro,ǹ a kũ gbãna, zaakũ àkũmɛ n wɛ̃̀ndi ũ.¹⁴Ǹsun yãvãnikɛrinↄ zɛ́ sɛ́ro,ǹsun tɛ́ gbɛ̃ vãninↄ zɛ́iro.¹⁵Ǹ pãńnɛ, ǹsun naḿmaro,ǹ kɛ̃ḿma ǹ n gɛna kɛ.¹⁶Tó odi vãni le ò kɛ̀ro, òdi i oro,tó odi gbɛ̃ le ò kari boro, i dì gɛ̃ ń wɛ́nlo.¹⁷Zaakũ vãnikɛnaamɛ ń pↄ́ble ũ,wɛ́tãna gbɛ̃nↄaamɛ ń pↄ́mina ũ.¹⁸Gbɛ̃ mananↄ zɛ́ de lán gudↄnaa bàmɛ,a gupura dìgↄ̃ bo lán ifãntɛ̃ bonaa bà.¹⁹Yãvãnikɛrinↄ zɛ́ de lán gusira níkiniki bàmɛ,òdi pↄ́ kũ à tò òdi gɛ̃̀ sí dↄ̃ro.

²⁰Ma nɛ́, ǹ laakari dↄ yã pìnↄa,ǹ sã kpá ma yã'onnɛnaaa.²¹Ǹsun kpá sãkotoro,ǹgↄ̃ kũna n swɛ̃̀ɛ gũn.²²Zaakũ à de wɛ̃̀ndi ũ gbɛ̃ kũ à lè à kũnaanɛ,à de mɛ̀ pínki aafia ũ.²³A kũ à denla ǹ laakari dↄ n swɛ̃̀ yãa,zaakũ wɛ̃̀ndi zĩni bò swɛ̃̀ kĩnaamɛ.²⁴Ǹ bo yãvãni'onan,ǹ mì kɛ̃ yãlɛkpɛrɛ'onaaa.²⁵Ǹ wɛ́ dↄ n arɛ,ǹ gu gwa n kuru súsu.²⁶Ǹ zɛ́ sɛ́ súsu,n yãkɛnanↄ pínki ni bo mana.²⁷Ǹsun na ↄplai ke ↄzɛiro,ǹsun gbá pɛ́tɛ yã vãni zɛ́nlo.

YAASINƆ 4 / bqp_sim

Gbɛ̃ zↄ̃kↄ̃ lɛ́damma

YAASINƆ4bqp_sim